၁။ လမ်းဦးစီးဌာနသမိုင်း

၁၈၈၆ ခုနှစ်၌ ပြည်သူ့လုပ်ငန်းဌာန Public Works Department(P.W.D) ကိုတစ်နိုင်ငံလုံးတွင် စတင် ဖွဲ့စည်းထူထောင်ခဲ့ရာလမ်းတံတားဌာန၊ အဆောက်အဦဌာန၊ အိုးအိမ်ဌာန၊ ဆည်မြောင်းဌာန၊ ရေလမ်းထိန်း သိမ်းရေးဌာနတို့ပါဝင်ခဲ့ပါသည်။ ၁၉၂၂ ခုနှစ်တွင် လမ်းတံတားဌာန၊ အဆောက်အဦဌာနနှင့် အိုးအိမ်ဌာနတို့ကို ဒိုင်အာခီအစိုးရမှ လွှဲယူခဲ့ပြီးဆည်မြောင်းဌာနနှင့် ရေလမ်းထိန်းသိမ်းရေးဌာနတို့ ခွဲထွက်သွားခဲ့ပါသည်။ ဒုတိယ ကမ္ဘာစစ်ပြီးဆုံးပြီးနောက် ပြန်လည်ထူထောင်ရေးအတွက် ခရိုင်နှင့်မြို့နယ်အဆင့်အထိ တိုးချဲ့ဖွဲ့စည်းခဲ့ပါ သည်။ ၁၉၅၁ခုနှစ်တွင် ပြည်သူ့အိုးအိမ်ပြန်လည်ထူထောင်ရေးနှင့် မြို့ရွာစည်ပင်ရေးအဖွဲ့ကိုဖွဲ့စည်း၍ ပြည်သူ့ လုပ်ငန်းဌာနမှ အဆောက်အအုံလုပ်ငန်းများကို လွှဲယူပြီးပြည်သူ့လုပ်ငန်းဌာနကို၁၉၅၂ခုနှစ်တွင် လမ်းလုပ်ငန်း ဌာန (Highways Department) ဟုအမည်မှည့်ခေါ်ခဲ့ပါသည်။ ၁၉၆၅ခုနှစ်တွင် လမ်းလုပ်ငန်းဌာန (Highways Department)အား အခြားဝန်ကြီးဌာနများလက်အောက်မှ မြို့ပြအင်ဂျင်နီယာဌာန (၂၁)ခုနှင့် ပူးပေါင်း၍ ပြည်သူ့လုပ်ငန်းကော်ပိုရေးရှင်း(Public Works Corporation)အဖြစ်ပြန်လည်ဖွဲ့စည်းခဲ့ပါသည်။ ၁၉၇၂ခုနှစ် တွင်ပြည်သူ့လုပ်ငန်းကော်ပိုရေးရှင်းအား ဆောက်လုပ်ရေးကော်ပိုရေးရှင်း (Construction Corporation) အဖြစ်ဖွဲ့စည်းခဲ့ပါသည်။ ၁၉၈၉ခုနှစ်တွင် ဆောက်လုပ်ရေးကော်ပိုရေးရှင်းအား ပြည်သူ့ဆောက်လုပ်ရေး လုပ်ငန်း (Public Works) အဖြစ် ပြောင်းလဲဖွဲ့စည်းခဲ့ပါသည်။ ၂၀၁၅ခုနှစ် ဧပြီလ (၁)ရက်နေ့ တွင် " ပြည်သူ့ ဆောက်လုပ်ရေးလုပ်ငန်း"ကို လမ်းဦးစီးဌာန၊တံတားဦးစီးဌာန၊ အဆောက်အဦ ဦးစီးဌာနဟူ၍ ဦးစီးဌာန(၃)ခု ဖြင့် ပြောင်းလဲဖွဲ့စည်းခဲ့ပါသည်။

၂။ မျှော်မှန်းချက်/ရည်မှန်းချက်

(က) လုပ်ငန်းဆောင်ရွက်မှုနှင့်ပစ္စည်းဝယ်ယူမှုများကိုအိတ်ဖွင့်တင်ဒါစနစ်(Open Tender) ဖြင့် ဆောင်ရွက်ရန်နှင့်  အဂတိလိုက်စားမှုကင်းရှင်းစေရန်ပညာပေးမှု၊ အရေးယူမှု များကို အလေးထားဆောင်ရွက်သွားရန်။

(ခ) ပညာရပ်ဆိုင်ရာဆွေးနွေးပွဲများ၊ ပြည်တွင်းပြည်ပသင်ကြားရေး အစီအစဉ်များဖြင့် အရည်အသွေးမြှင့်တင်ရန်နှင့် သတင်းအချက်အလက်နှင့် နည်းပညာရပ် (IT)ဖြင့် ဆက်စပ်ဆောင်ရွက်နိုင်ရန်။

(ဂ) ပုဂ္ဂလိကလုပ်ငန်းရှင်များနှင့် (p.p.p (Public Private Partenership) အစီအစဉ်အရ နိုင်ငံသားလုပ်ငန်းရှင်များအားဖိတ်ခေါ်၍ ဖောက်လုပ်ပြုပြင် အဆင့်မြှင့်တင်ခြင်း၊ လုပ်ငန်းလုပ်ကိုင်ခြင်းနှင့် လွှဲပြောင်းပေးခြင်း (B.O.T)     (Build,Operate and Transfer) စနစ်ဖြင့် ပုဂ္ဂလိကပိုင်အခန်းကဏ္ဍကို မြှင့်တင်နိုင်ရန် နည်းပညာပိုင်းပံ့ပိုးခြင်း၊ အတတ် ပညာပိုင်းအကူအညီပေးခြင်း၊ ရပိုင်ခွင့်များနှင့် လုပ်ပိုင်ခွင့်များကာကွယ်စောင့်ရှောက် ပေးသွားရန်။

(ဃ) အာရှဖွံ့ဖြိုးရေးဘဏ် A.D.B (Asia Development Bank)  ကမ္ဘာ့ဘဏ်(World Bank) ချေးငွေများဖြင့် လမ်းများအဆင့်မြှင့်တင်ဆောင်ရွက်ရန်၊ ပြည်ပနိုင်ငံများမှ အထောက် အပံ့( Grant Aid ) ချေးငွေ(Loan) များရရှိအောင် ဆောင်ရွက်ရန်။

(င) ပို့ဆောင်ရေးဝန်ကြီးဌာနမှ ရေးဆွဲထားသောNational Transport Master Plan  နှင့် KOICA အဖွဲ့ အကူအညီဖြင့် ရေးဆွဲထားသည့် Master Plan for Arterial Road Network Development in Myanmar  တို့ကိုအခြေခံ၍  လမ်းဦးစီးဌာနမှ ရေးဆွဲ ထားသော နှစ်ရှည်စီမံကိန်း (Master Plan)အရ အဓိကသွေးကြော လမ်းမကြီးကွန် ယက် (Main Arterial Road Network)အမြန်လမ်းမကြီးကွန်ယက် 6 Package ၊တိုင်း ဒေသကြီး/ပြည်နယ်များသို့ ဆက်သွယ်ထားသည့် အဓိကလမ်းမကြီးများ (National Highways) တို့နှင့် ဆက်စပ်မည့်လမ်းများ၊ နိုင်ငံတကာနှင့် ဆက်သွယ်သည့် ပြည်ထောင်စုလမ်းမကြီးများအား (၇)မီတာအကျယ် ကတ္တရာကွန်ကရစ်(Asphalt Concrete) လမ်းအဆင့်ရောက်ရှိရန်။

(စ) ဆောက်ရွက်ဆဲကျန်ပြည်ထောင်စုလမ်းများအားASEAN Class III(5.5)မီတာအကျယ် ကတ္တရာလမ်း/ကွန်ကရစ်လမ်းအဆင့်ရောက်ရှိရန်။

၃။ လုပ်ငန်းတာဝန်များ
  • လမ်းအခြေအနေစစ်တမ်းကောက်ယူခြင်း
  • ယာဉ်သွားလာမှုစစ်တမ်းကောက်ယူခြင်း
  • တစ်ရက်ပျမ်းမျှ ယာဉ်စီးရေ (၅၀၀၁)အထက်ကျော်သည့် လမ်းများအား (၂၂)မီတာအကျယ် ကတ္တရာ ကွန်ကရစ်လမ်း၊ တစ်ရက်ပျမ်းမျှ ယာဉ်စီးရေ (၂၀၀၁ မှ ၅၀၀၀)အတွင်းရှိလမ်းများအား (၁၄)မီတာ အကျယ် ကတ္တရာကွန်ကရစ်လမ်း၊ တစ်ရက်ပျမ်းမျှ ယာဉ်စီးရေ (၅၀၁ မှ ၂၀၀၀) အတွင်းရှိ လမ်းများ အား (၇)မီတာအကျယ်ကတ္တရာကွန်ကရစ်လမ်းဆောင်ရွက်ရန်။
  • စီမံကိန်းလုပ်ငန်းများကိုအကောင်အထည်ဖော်ဆောင်ရွက်ရာတွင် ပွင့်လင်းမြင်သာမှုရှိစေရန်။
  • တာဝန်ထမ်းဆောင်လျက်ရှိသောအင်ဂျင်နီယာများသည်ကမ္ဘာ့အဆင့်မီနည်းပညာများတတ်ကျွမ်း
  • စေရန်။
  • ပုဂ္ဂလိကလုပ်ငန်းရှင်များနှင့် P.P.P(Public Private Partnership) အစီအစဉ်အရ နိုင်ငံသားလုပ်ငန်း ရှင်များအား ဖိတ်ခေါ်၍ အကျိုးတူပူးပေါင်းဆောင်ရွက်ရန်။

 

၎။ ဖွဲ့စည်းပုံ

လမ်းဦးစီးဌာနအနေဖြင့် အရာထမ်း (၈၇၅)ဦး၊ အမှုထမ်း(၇၀၈၆)ဦးစုစုပေါင်း(၇၉၆၁)ဦးဖြင့် ဖွဲ့စည်း ထားရှိပြီး လက်ရှိတွင် အရာထမ်း(၆၅၁)ဦး၊ အမှုထမ်း(၄၈၉၀)ဦးဖြင့် တာဝန်ယူဆောင်ရွက်လျက်ရှိပါသည်။

 


တံတားဦးစီးဌာန

ဌာနသမိုင်း

၁။ တံတားဦးစီးဌာနကို ပြည်ထောင်စုမြန်မာနိုင်ငံတော်အစိုးရအဖွဲ့၏ (၁၅-၁-၂၀၁၅) ရက်နေ့တွင် ကျင်းပပြုလုပ်သော ပြည်ထောင်စုအစိုးရအဖွဲ့ အစည်းအဝေးအမှတ်စဉ်(၂/၂၀၁၅) သဘောတူခွင့်ပြုချက် အရ (၁-၄-၂၀၁၅)နေ့တွင် အရာထမ်း(၃၅၂) ၊ အမှုထမ်း(၁၅၇၈) ၊ စုစုပေါင်း(၁၉၃၀)ဖြင့် ဖွဲ့စည်းခဲ့ပါသည်။

၂။ ဆောက်လုပ်ရေးဝန်ကြီးဌာန  ၊ တံတားဦးစီးဌာန အနေဖြင့် နိုင်ငံတော်ဖွံ့ဖြိုးတိုးတက်ရေး အတွက် အခြေခံအဆောက်အဦဖြစ်သော လမ်းပန်းဆက်သွယ်မှုကဏ္ဍ လုံခြုံချောမွေ့ရေးအတွက် တံတားများအသစ် တည်ဆောက်ခြင်း ၊ အဆင့်မြှင်တင်ခြင်း ၊ ထိန်းသိမ်းခြင်းလုပ်ငန်းများကို ဝန်ကြီးဌာန၏ မူဝါဒနှင့်အညီ အကောင်အထည်ဖော်ဆောင်ရွက်လျက်ရှိပါသည်။

ရည်မှန်းချက်များ

၃။  နှစ်ရှည်ပင်မစီမံကိန်းအရ အဓိကပင်မအသက်သွေးကြောလမ်းမကြီးကွန်ယက်နှင့် အမြန်လမ်းမကြီး ကွန်ယက်တို့တွင်ပါဝင်သောတံတားများနှင့်နိုင်ငံတကာနှင့်ဆက်သွယ်သည့် ပြည်ထောင်စုလမ်းမကြီးများ ပေါ်ရှိ တံတားများအား နိုင်ငံတကာအဆင့်မီအဆင့်မြှင့်တင် တည်ဆောက်ရန်။

၎။ ဆောင်ရွက်ဆဲကျန်ပြည်ထောင်စုလမ်းများပေါ်ရှိ တံတားများအားအဆင့်မြှင့်တင် တည်ဆောက်ရန်။

မျှော်မှန်းချက်

၅။ မြန်မာနိုင်ငံအတွင်း အဓိကလိုအပ်နေသောတံတားများအား လိုအပ်ချက်ပြည့်မီအောင်ဆောင်ရွက်ပးခြင်း။

လုပ်ငန်းတာဝန်များ

၆။ တံတားဦးစီးဌာန၏ လုပ်ငန်းတာဝန်များမှာ အောက်ပါအတိုင်းဖြစ်ပါသည်-

(က) တံတားဦးစီးဌာနကို နိုင်ငံတော်မှ ချမှတ်ထားသည့် မူဝါဒများ နှင့်အညီ နိုင်ငံတော်၏  အခြေခံအဆောက်အအုံများ ဖွံ့ဖြိုးတိုးတက်မှုအကောင်အထည်ဖော် ဆောင်ရွက်ရာတွင် အဓိကအခန်းကဏ္ဍမှ ပါဝင်ဆောင်ရွက်ခြင်း။

( ခ) နိုင်ငံပိုင်အခန်းကဏ္ဍရင်းနှီးမြှုပ်နှံမှု စီမံကိန်းများကို ကာလတို၊ကာလရှည်စီမံကိန်းများ ချမှတ် ၍ နိုင်ငံတော်၏လမ်းညွှန်မှုနှင့်အညီ အကောင်အထည်ဖော်ဆောင်ရွက်ခြင်း။

(ဂ) ဆောင်ရွက်ဆဲ တံတားစီမံကိန်းကြီးများကို လျာထားချက်နှင့်အညီ ပြီးစီးအောင် ဆောင်ရွက်ခြင်းနှင့် နိုင်ငံတော်မှသဘောတူချမှတ်သောတံတားလုပ်ငန်း စီမံကိန်းကြီးများကို သတ်မှတ်ကာလအတွင်း အရည်အသွေးပြည့်မီစွာ ကုန်ကျစရိတ်မျှတစွာဖြင့် အောင်မြင်နိုင် စေရန် ကြီးကြပ်ကွပ်ကဲခြင်း၊အကောင်အထည်ဖော်ဆောင်ရွက်ခြင်း။

(ဃ)အသစ်တည်ဆောက်သော လမ်းများပေါ်တွင်ရှိ တံတားသစ်များအား လမ်းအကျယ်အလိုက် အမြဲတမ်းတံတားများ တည်ဆောက်ခြင်း။

(င) တည်ဆောက်ပြီး ယာယီတံတားများအား လမ်းအကျယ်အလိုက် အမြဲတမ်း တံတားများ အဆင့်သို့ တိုးမြှင့်တည်ဆောက်ခြင်း။

(စ) တည်ဆောက်ပြီး တံတားကြီး/တံတားငယ်များအား ရေရှည်တည်တံ့ခိုင်မြဲရေး အတွက် ပြင်ဆင်ထိန်းသိမ်းနိုင်ရန် လုပ်ငန်းအစီအစဉ်များ ရေးဆွဲခြင်းနှင့် တံတားအထူးအဖွဲ့ များနှင့် တံတားထိန်းသိမ်းရေးအဖွဲ့များမှ စစ်ဆေးထိန်းသိမ်းပြုပြင်မှုများ ဆောင်ရွက် စေခြင်း။

(ဆ) ရာသီဥတုကြောင့်သော်လည်းကောင်း ၊ သဘာဝဘေးဒဏ်ကြောင့်သော်လည်းကောင်း ၊ အခြားအကြောင်းရင်း တစ်ခုခုကြောင့်သော်လည်းကောင်း ၊ ကျိုးကျပျက်စီးသွားသော တံတားများအား လမ်းပန်းဆက်သွယ်မှု ပြတ်တောက်မသွားစေရန် အချိန်နှင့်တစ်ပြေးညီ အမြန်ဆုံးပြုပြင်ဆောင်ရွက်နိုင်ရန် စီမံဆောင်ရွက်ခြင်း။

(ဇ) တံတားများ သက်တမ်းတိုးမြှင့်လာစေရန်နှင့် နည်းပညာများ ဖွံ့ဖြိုးတိုးတက်စေရန် သုတေသနနှင့် အရည်အသွေးထိန်းသိမ်းရေးဆိုင်ရာများ စဉ်ဆက်မပြတ် ပြုလုပ်ခြင်း။

 


Page 2 of 3