ဧရာဝတီတံတား(ထီးချိုင့်) မြစ်ကူးတံတားကြီးအား ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော် သည် အမြဲတမ်းအတွင်းဝန်၊ တံတားဦးစီးဌာန၊ တာဝန်ရှိသူများနှင့်အတူ ကြည့်ရှုစစ်ဆေးခဲ့ပါသည်။ တံတားအထူးအဖွဲ့(၂)

ဒု-ညွှန်ကြားရေးမှူးက ပြုပြင်ထိန်းသိမ်းရေး လုပ်ငန်း ဆောင်ရွက်နေသည့် အခြေအနေများကို ရှင်းလင်းတင်ပြပါသည်။ ပြည်ထောင်စုဝန်ကြီးသည် တံတားကြီး ရေရှည်တည်တံ့ခိုင်မြဲရေးအတွက် ဆောင်ရွက်ရမည့် လုပ်ငန်းလိုအပ်ချက်များကို 

လမ်းညွှန်မှာကြားပါသည်။ (၁၆-၉-၂၀၁၈)


ဧရာဝတီတံတား (ရတနာပုံ) ပြင်ဆင်ထိန်းသိမ်းခြင်းလုပ်ငန်း ဆောင်ရွက်ထားရှိမှု အခြေအနေများကို ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်သည် ဌာနဆိုင်ရာ တာဝန်ရှိသူများနှင့်အတူ ကြည့်ရှုစစ်ဆေး။
 
တံတားစီမံကိန်းကြီး အထူးအဖွဲ့(၁) ညွှန်ကြားရေးမှူးမှ ပြင်ဆင်ထိန်းသိမ်းခြင်းလုပ်ငန်း ဆောင်ရွက်မှု အခြေအနေများကို ရှင်းလင်းတင်ပြပါသည်။
(၁၅-၉-၂၀၁၈)

 

 

ယနေ့ (၃၁-၈-၂၀၁၈) နံနက် (၁) နာရီခန့် (စတင်တည်ဆောက်ချိန်မှ ၂၃ နာရီခန့်) တွင် ရန်ကုန်-နေပြည်တော် အမြန်လမ်းအပိုင်း ဆွာချောင်း ဘေလီတံတားအသစ်ပေါ်သို့ ဆောက်လုပ်ရေးဝန်ကြီးဌာနမှ Truck ကား စတင်တက်ရောက်စမ်းသပ်ပါသည်။ Sway Brace များ တပ်ဆင်၍ Load Test စမ်းသပ်ပြီးပါက ယနေ့ ညနေပိုင်းတွင် ခရီးသွားပြည်သူများအား ဖြတ်သန်းခွင့်ပြုနိုင်မည် ဖြစ်ပါသည်။


ရန်ကုန်- မန္တလေး ပြည်ထောင်စုလမ်းမကြီး (လမ်းဟောင်း) ရှိ မိုင်တိုင်အမှတ် (၁၉၉/၀) အနီး ရေတိုက်စားပျက်စီးသောနေရာအား ဆောက်လုပ်ရေးဝန်ကြီးဌာန နှင့် Oriental Highway ကုမ္ပဏီမှ ဝန်ထမ်းများ၊ တာဝန်ရှိသူများ ၊ တပ်မတော်၊ ရဲ နှင့်ဒေသခံများ ပူးပေါင်း၍ မော်တော်ယာဉ်များသွားလာနိုင်ရန်ယာယီပြင်ဆင်ဆောင်ရွက်ပြီးဖြစ်ပါသည်။

ထို့ကြောင့် ယာဉ်ငယ်များသည် နံနက်၁၁နာရီ၄၅မိနစ်မှစတင်၍လည်းကောင်း၊ (၆)ဘီး နှင့် (၁၀) ဘီးကုန်တင်ယာဉ်များသည် မွန်းလွဲ(၃)နာရီ (၄၅)မိနစ်မှစတင်၍လည်းကောင်း အလှည့်ကျ စတင်ဖြတ်သန်းနိုင်ပြီဖြစ်ပါသည်။

ကျန်ရှိနေသော ၁၂ဘီးကုန်တင်ယာဉ်၊တွဲယာဉ်ကြီးများအား ဖြတ်သန်းနိုင်စေရန် ၆၀ပေခန်းဖွင့် Double-Single ဘေလီတံတားအားပြီးစီးအောင်ဆောင်ရွက်လျှက်ရှိပါသည်။

 

ဆောက်လုပ်ရေးဝန်ကြီးဌာန ပြည်ထောင်စုဝန်ကြီးဦးဟန်ဇော်သည် (၃၀-၈-၂၀၁၈) မွန်းလွဲပိုင်းတွင် တာဝန်ရှိသူများလိုက်ပါလျှက် ရန်ကုန်-မန္တလေး ပြည်ထောင်စုလမ်းမကြီး (လမ်းဟောင်း) ရှိ Oriental Highway ကုမ္မဏီမှ BOT စနစ်ဖြင့်ဆောင်ရွက်လျှက်ရှိသည့်လမ်းအပိုင်း မိုင်တိုင်အမှတ် (၁၉၉/၀) တစ်ဝိုက်ရှိ ရေတိုက်စားမှုကြောင့် လမ်းပျက်စီးမှုများအား ပြန်လည်ပြင်ဆင်လျှက်ရှိသည့်အခြေအနေများအား သွားရောက်စစ်ဆေးကြပ်မတ်ခဲ့ပါသည်။


ရန်ကုန်-နေပြည်တော် အမြန်လမ်းအပိုင်း ဆွာချောင်းတံတား ယာယီဘေလီသံဘောင်တပ်ဆင်သည့်လုပ်ငန်းခွင်သို့ ပြည်ထောင်စုဝန်ကြီး ဦးဟန်ဇော် သွားရောက်စစ်ဆေးကြီးကြပ်လျှက်ရှိပါသည်၊


ယနေ့ (၃၀-၈-၂၀၁၈) နံနက်ပိုင်းတွင် ရန်ကုန်-နေပြည်တော် အမြန်လမ်းအပိုင်း ဆွာချောင်းတံတား ယာယီဘေလီသံဘောင်တပ်ဆင်ခြင်းလုပ်ငန်းများအား စက်ယန္တရားများ၊ ကျွမ်းကျင်လုပ်သားများဖြင့် ဆက်လက်ဆောင်ရွက်လျှက်ရှိပါသည်၊ေ နပြည်တော်ဘက်(အပြန်လမ်းဘက်ခြမ်း) တံတားချဉ်းကပ်လမ်းကြံ့ခိုင်စေရန်အတွက်လည်း တပ်မတော်သားများအကူအညီဖြင့် ကျောက်ကြီးများဖြည့် ဆောင်ရွက်လျှက်ရှိပါသည်၊


ရန်ကုန်-နေပြည်တော်အမြန်လမ်းအပိုင်းရှိ ဆွာချောင်းတံတား နိမ့်ကျလျှက်ရှိသောတံတားအတွက် ယာယီဘေလီတံတားထိုးရန် ကြိုးပမ်းဆောင်ရွက်လျှက်ရှိရာ ယနေ့ ၃၀-၈-၂၀၁၇ ရက်နေ့ နံနက်(၀၂း၀၀) အချိန်ခန့်တွင် ဘေလီသံဘောင်များ စတင်ရောက်ရှိလာပြီး (၀၂း၃၀) အချိန်ခန့်တွင် သံဘောင်များစတင်တပ်ဆင်နေပြီဖြစ်ပါသည်၊

ဆောက်လုပ်ရေးဝန်ကြီးဌာန ဒုတိယ၀န်ကြီးနှင့် ဌာနအကြီးအကဲများက လုပ်ငန်းစဉ်တစ်လျှောက် အနီးကပ်ကြီးကြပ်ဆောင်ရွက်လျှက်ရှိပြီး တည်ဆောက်ရေးလုပ်ငန်းဆောင်ရွက်လျှက်ရှိသည့် ဆောက်လုပ်ရေးအင်ဂျင်နီယာအဖွဲ့များ ၊ လုပ်သားများနှင့်အတူ သက်ဆိုင်ရာဌာနဆိုင်ရာဝန်ထမ်းများ ၊ တပ်မတော်သားများ၊ ရဲတပ်ဖွဲ့ဝင်များ ပူးပေါင်းဆောင်ရွက်လျှက်ရှိပါသည်။

ဆွာချောင်းတံတား (အပြန်ဘက်ခြမ်း) မှ မော်တော်ယာဉ်များ အလှည့်ကျဖြတ်သန်းလျှက်ရှိပါသည်။


နံနက် (၁၀း၅၀) ခန့်မှစတင်၍ ရန်ကုန်-နေပြည်တော်အမြန်လမ်း ၊ ဆွာချောင်းတံတားနေရာမှ ယာဉ်ငယ်များ စတင်ဖြတ်သန်းသွားလာနိုင်ပြီဖြစ်ပါသည်၊

 

https://www.facebook.com/MinistryofConstruction/videos/704518273231844/

 


၂၀၁၈ သြဂုတ်လ (၂၉) ရက် နံနက် (၇) နာရီခန့်မှစ၍ ရန်ကုန်-မန္တလေးအမြန်လမ်း ၊ ရန်ကုန်-နေပြည်တော်လမ်းအပိုင်း မိုင်တိုင်အမှတ် (၁၆၅/၄) နှင့် (၁၆၆/၀) ကြား(၄) ဖါလုံခန့်တွင် ဆွာချောင်းရေလှောင်တမံ ဘက်မှစီးဆင်းလာသော ရေများကြောင့် လမ်းပေါ် ရေ (၂) ပေခန့်ရေကျော်မှုဖြစ်ပေါ်ပြီး ဆွာချောင်းတံတားဘက်ခြမ်း တံတားတိုင် RP 7 နှင့် RP 5 တို့သည် တစ်ပေခွဲခန့်နိမ့်ကျသွားခဲ့ပါသည်။

ရန်ကုန်-မန္တလေး လမ်းဟောင်း မိုင်တိုင်အမှတ် (၁၉၉/၄) တွင်လည်း အလားတူအချိန်ခန့်မှစပြီး ရေ (၄) ပေခန့်ကျော်လျှက်ရှိပါသည်၊အမြန်လမ်းရေကျော်မှု ဖြစ်ပွားချင်း ဆောက်လုပ်ရေးဝန်ကြီးဌာန၊ လမ်းဦးစီးဌာနနှင့် တံတားဦးစီးဌာန၀န်ထမ်းများက အမြန်ပြင်ဆင်နိုင်ရေးဆောင်ရွက်လျှက်ရှိပြီး ပဲခူးတိုင်းဒေသကြီးအစိုးရအဖွဲ့ ၊ ဌာနဆိုင်ရာအကြီးအကဲများနှင့် ဒေသအာဏာပိုင်များကလာရောက်ကြီးကြပ်ပူးပေါင်းဆောင်ရွက်လျှက်ရှိပါသည်။ လက်ရှိအချိန်တွင် ၄င်းလမ်းအပိုင်း နေရာတစ်ဝိုက်အား ခေတ္တလမ်းပိတ်ထားပါကြောင်းအသိပေးအကြောင်းကြားပါသည်။


Page 2 of 20

နေ့စဉ်သတင်းစာများရယူရန်

 

 

ဝန်ထမ်းဆိုင်ရာအသိပေးကြေငြာခြင်း