ယနေ့ (၈-၉-၂၀၁၉)ရက်နေ့ နံနက်(၀၈:၀၈)အချိန်တွင် ဂုတ်တွင်း ယာယီဘေလီတံတားပေါ်မှ (ယာဉ်+ကုန် = ၄၈ တန်)ကားများအား ဖြတ်သန်းခွင့် ပြုလိုက်ပြီ ဖြစ်ပါသည်။ (၂၀-၈-၂၀၁၉)ရက်နေ့တွင် (ယာဉ်+ကုန် = ၃၆ တန်)ကားများအား ဖြတ်သန်းခွင့်ပြုခဲ့ပြီး ရက်ပေါင်း(၃၀)အတွင်း ဘေလီတံတား ပိုမိုကြံ့ခိုင်တောင့်တင်းစေရန် လုပ်ငန်းများ ဆောင်ရွက်မည်ဖြစ်ပြီး (ယာဉ်+ကုန် = ၄၈ တန်)ကားများ ဖြတ်သန်းခွင့်ပြုမည်ဖြစ်ကြောင်း ကြိုတင် အသိပေးကြေညာခဲ့ပါသည်။
ဆောက်လုပ်ရေးဝန်ကြီးဌာန ၊ ဒုတိယဝန်ကြီး ဦးကျော်လင်း သည် အမြဲတမ်းအတွင်းဝန် နှင့် လမ်းဦးစီးဌာန ၊ တံတားဦးစီးဌာန တို့မှ တာဝန်ရှိ အင်ဂျင်နီယာများနှင့်အတူ ဂုတ်တွင်း ယာယီဘေလီတံတားကို Top Chord များ ထပ်မံ အားဖြည့်ခြင်း ၊ ကျောက်မဲဘက်ကမ်း ရေလယ်တိုင်အား H Beam ဖြင့် အားဖြည့် ထောက်မခြင်း ၊ ကွန်ကရစ်ယက္မများအား ဘေလီသံဘောင်များဖြင့် ထောက်မခြင်း လုပ်ငန်းများ ဆောင်ရွက်မှု အခြေအနေများကို ကြည့်ရှုစစ်ဆေးပါသည်။
ဘေလီတံတား၏ Deflection စစ်ဆေးမှုရလဒ်မှာ သတ်မှတ် ခွင့်ပြုချက်အတွင်းရှိသဖြင့် (ယာဉ်+ကုန် = ၄၈ တန်) ကားများကို ဖြတ်သန်းခွင့်ပြုလိုက်ပြီဖြစ်ကြောင်းအား အသိပေးကြေညာအပ်ပါသည်။
(ဆောက်လုပ်ရေးဝန်ကြီးဌာန)


ဘုရားကြီး - မော်လမြိုင် - ရေး - ထားဝယ် - ကော့သောင်းလမ်း (ထားဝယ် - မလွဲတောင် အပိုင်း) မိုင်တိုင်(၈၀/၂) တောင်ပြိုလမ်းသား ပြတ်ကျသွားသည့်နေရာတွင် တပ်ဆင်ထားသော ယာယီဘေလီသံဘောင်တံတားအား 
(၁၇-၈-၂၀၁၉)ရက်နေ့မှစ၍ အိမ်စီးကားများနှင့် ကုန်ကားများ (ယာဉ်+ကုန်=၂၄ တန်)အား ဖြတ်သန်းခွင့်ပြုပေးခဲ့ပြီး ဖြစ်ပါသည်။ 
ယခုအခါ အဆိုပါဘေလီတံတားကို Strengthening ပြုလုပ်ပြီးဖြစ်ပါ၍  Load Test ပြုလုပ်ပြီး (၇-၉-၂၀၁၉)ရက် စနေနေ့ နံနက်(၀၉:၄၅)အချိန်မှစတင်၍ (ယာဉ်+ကုန် = ၄၈ တန်) အထိ ကားကြီးများအား ဖြတ်သန်းခွင့်ပြုလိုက်ပြီ ဖြစ်ပါကြောင်း အသိပေး ကြေညာအပ်ပါသည်။

(ဆောက်လုပ်ရေးဝန်ကြီးဌာန)


ပြည်- ပေါက်ခေါင်း- အုတ်တွင်း လမ်း မိုင်တိုင် (၃၈/၁-၂)ကြား အရှည်(၁၉၀ ပေ)ရှိ ညောင်ဝန်းတံတား သည် (၃၁-၈-၂၀၁၉)ရက်နေ့ နေ့လည် (၁၃:၃၀)အချိန်ခန့်တွင် မိုးသည်းထန်စွာ ရွာသွန်း၍ တောင်ကျရေများ ရုတ်တရက်ကျလာပြီး မျောပါတိုက်ချမှုကြောင့် ပြုတ်ကျသွားခဲ့ရာ ဆောက်လုပ်ရေးဝန်ကြီးဌာန ၊ လမ်းဦးစီးဌာန နှင့် တံတားဦးစီးဌာန အဖွဲ့များက အစားထိုး တည်ဆောက်ခြင်း လုပ်ငန်းများ ချက်ချင်းဆောင်ရွက်ခဲ့ရာ (၆-၉-၂၀၁၉)ရက်နေ့ နံနက် (၀၇:၃၀)အချိန်တွင်  တည်ဆောက်ရေးလုပ်ငန်းများ ပြီးစီး၍ မော်တော်ယာဉ်များ ဖြတ်သန်းသွားလာနိုင်ပြီ ဖြစ်ပါကြောင်း အသိပေးအပ်ပါသည်။


ကရင်ပြည်နယ်တွင် (၂၉-၈-၂၀၁၉) ရက်နေ့က မိုးသည်းထန်စွာရွာသွန်းမှုကြောင့် ကော့ကျိုက်-ဇာသပြင် (အဖြောင့်လမ်း) ပေါ် (27.5-28.5)km အတွင်းရှိ တံတားအမှတ် (၂/၁၈) (၂၀) ပေ ကွန်ကရစ်တံတားသည် အုတ်စီကမ်းကပ်ခုံကွဲအက်ပျက်စီးသွားသဖြင့် (၄၀) ပေ D/S ဘေလီတံတားအားပြန်လည်တည်ဆောက်ခဲ့ရာ (၃၀-၈-၂၀၁၉) ရက်နေ့တွင် ပြီးစီးခဲ့ပါသည်။

အလားတူ အဆိုပါလမ်းပေါ် (19.0-19.5) ကီလိုမီတာအတွင်းရှိ တံတားအမှတ် (၂/၁၂) (၄၀) ပေ သံကူကွန်ကရစ်တံတားသည် (၁-၉-၂၀၁၉)ရက်နေ့တွင် မိုးရေတိုက်စားမှုကြောင့် ကမ်းကပ်ခုံကွဲအက်ပျက်စီးသွားပါသဖြင့် (၆၀) ပေ D/S ဘေလီတံတားအားပြန်လည်တည်ဆောက်ခဲ့ရာ (၂-၉-၂၀၁၉)ရက်နေ့တွင်ပြီးစီးခဲ့ပါသည်။

(ဆောက်လုပ်ရေးဝန်ကြီးဌာန)


ပဲခူးတိုင်းဒေသကြီးအတွင်း (၃၁-၈-၂၀၁၉)ရက်နေ့တွင် မိုးသည်းထန်စွာရွာသွန်းမှုကြောင့် ပြည်-ပေါက်ခေါင်း-အုတ်တွင်း-တောင်ငူလမ်းပေါ်ရှိ မိုင်တိုင် (၁/၃၉) (၁၉၀) ပေ တံတားသည် ရေစီးနှင့်အတု မျောပါပျက်စီးခဲ့ပါသည်၊ ယခုအခါ ထိုတံတားနေရာတွင် (၂၁၀)ပေအရှည် ဘေလီတံတားအား ယနေ့မှစ၍ ပြန်လည်တည်ဆောက်ပေးလျှက်ရှိပြီး (၆-၉-၂၀၁၉)ရက်နေ့အပြီး တည်ဆောက်သွားမည်ဖြစ်ပါသည်။

(ဆောက်လုပ်ရေးဝန်ကြီးဌာန)


မလွဲတောင် အပိုင်း ရေး - ထားဝယ် - မြိတ် လမ်း မိုင်တိုင်(၈၀/၂) တောင်ပြိုနေရာတွင် တပ်ဆင်ထားသော ယာယီ ဘေလီသံဘောင်တံတားတွင် (၁၇-၈-၂၀၁၉)ရက်နေ့မှစ၍ အိမ်စီးကားများနှင့် ကုန်ကားများ (ယာဉ်+ကုန်=၂၄ တန်)အား ဖြတ်သန်းခွင့်ပြုပေးခဲ့ပြီး ဖြစ်ပါသည်။ ယခုအခါ အဆိုပါဘေလီတံတားကို Strengthening ပြုလုပ်ပြီးဖြစ်ပါ၍ Load Test ပြုလုပ်ပြီး (၇-၉-၂၀၁၉)ရက် စနေနေ့ နံနက်ပိုင်းမှ စ၍

(ယာဉ်+ကုန် = ၄၈ တန်) အထိ ကားကြီးများအား ဖြတ်သန်းခွင့်ပြုမည် ဖြစ်ပါကြောင်း အသိပေး ကြေညာအပ်ပါသည်။

(ဆောက်လုပ်ရေးဝန်ကြီးဌာန)


ကော့ကျိုက် - ဇာသပြင် လမ်း မိုင်တိုင်အမှတ် (၁၁/၇-၁၂/၀)ရှိ ပေ(၄၀)တံတား ကမ်းကပ်ခုံ အက်ကွဲပြီး ကြမ်းခင်းများ ကြံ့ခိုင်မှုအားနည်းသော အဆိုပါတံတားအစား ပေ(၆၀)ဘေလီသံဘောင်တံတား အစားထိုး တည်ဆောက်ခြင်းလုပ်ငန်းအား ယနေ့ နံနက် (၀၆း၀၀)နာရီမှ စတင်တည်ဆောက်ခဲ့ရာ ညနေ (၀၆း၀၀ ) နာရီတွင် တည်ဆောက် ပြီးစီပြီ ဖြစ်ပါသဖြင့် ယာဉ်ကြီးများ (အတက်/အဆင်း)အနေဖြင့် ဖော်ပြပါ လမ်းအူကြောင်းအတိုင်း မောင်းနှင်နိုင်ပြီ ဖြစ်ပါကြောင်း အသိပေး ကြေညာအပ်ပါသည်။ (လမ်းဦးစီးဌာန ၊ ကရင်ပြည်နယ်) (၂-၉-၂၀၁၉)


ရေး - ထားဝယ် - မြိတ် လမ်း မလွဲတောင် အပိုင်း မိုင်တိုင်(၈၀/၂) တောင်ပြိုသည့် နေရာတွင် တပ်ဆင်ထားသော ယာယီ ဘေလီတံတား အား လက်ရှိ (၂၄)တန်မှ (၄၈)တန်ထိ ခံနိုင်ရည်ရှိအောင် တံတားတည်ဆောက်ရေးအဖွဲ့(၄) က မွမ်းမံခြင်း (Strengthening) လုပ်ငန်းများ ဆောင်ရွက်လျက် ရှိပါသည်။


ကော့ကျိုက် - ဇာသပြင် (အဖြောင့်လမ်း) မိုင်တိုင်အမှတ် (၁၁/၇ - ၁၂/၀)ရှိ အရှည် (၄၀ ပေ) တံတား ဇာသပြင် ဘက်အခြမ်း ကမ်းကပ်ခုံ အက်ကွဲပြီး ကြမ်းခင်းကြံ့ခိုင်မှု အားနည်းလာပါသဖြင့် အဆိုပါ တံတား နေရာတွင် အရှည် (၆၀ ပေ) ဘေလီသံဘောင်တံတား အစားထိုး တည်ဆောက်မည် ဖြစ်၍ အဆိုပါ လမ်းပိုင်းအား (၂-၉-၂၀၁၉)ရက် တနင်္လာနေ့ နံနက် (၆)နာရီမှ ည (၁၂)နာရီအထိ ခေတ္တ ပိတ်ထားမည် ဖြစ်ကြောင်း အသိပေး အပ်ပါသည်။ လမ်းပိုင်း ခေတ္တ ပိတ်ထားစဉ်ကာလအတွင်း ယာဉ်ကြီးများ (အတက်/အဆင်း)အနေဖြင့် သံလွင်တံတား - ကော့ကျိုက် - နောင်လုံတောင်ကြား - အိန္ဒု လမ်းအတိုင်း မောင်းနှင် သွားလာနိုင်ပါသည်။ မှတ်ချက်။ ယာဉ်ကြီးများသည် နောင်လုံ - အိန္ဒု လမ်းပိုင်းရှိ မြပြည်တံတား ပေါ်တွင် ဂရုစိုက်ပြီး ဖြည်းညင်းစွာ ဖြတ်သန်းပေးကြပါရန် မေတ္တာရပ်ခံ အသိပေးအပ်ပါသည်။ (လမ်းဦးစီးဌာန ၊ ကရင်ပြည်နယ်)


(၂၉-၈-၂၀၁၉)ရက် နံနက်(၁၀:၃၀)အချိန်တွင် ကော့ကျိုက် - ဇာသပြင် (အဖြောင့်လမ်း)ရှိ အရှည် (၂၀)ပေ တံတားမှာ ကမ်းကပ်ခုံ နိမ့်ကျသွားပါသဖြင့် အရှည် (၄၀)ပေ ဘေလီသံဘောင်တံတား အစားထိုး တည်ဆောက်ခြင်းလုပ်ငန်းအား ချက်ချင်း ဆောင်ရွက်ခဲ့ရာ (၃၀-၈-၂၀၁၉)ရက် ည(၂၂:၃၀)အချိန်တွင် တည်ဆောက်ပြီးစီးပြီ ဖြစ်ပါသဖြင့် မြေပုံ ဖော်ပြပါ လမ်းကြောင်းအတိုင်း သွားလာနိုင်ပြီ ဖြစ်ပါကြောင်း အသိပေး ကြေညာအပ်ပါသည်။ (လမ်းဦးစီးဌာန ၊ ကရင်ပြည်နယ်)


Page 4 of 31