ဧရာဝတီ တိုင်းဒေသကြီး၊ မြောင်းမြ မြို့နယ်၊ လပွတ္တာ - မြောင်းမြ - အိမ်မဲ - ကျောင်းကုန်း - ကျုံပျော် လမ်း၊ ရွေးမြစ်ကို ဖြတ်ကျော်တည်ဆောက်ထားသည့် မြောင်းမြ တံတားသစ် သံပေါင်တင်၊ နောက်ဆုံးအစိတ်အပိုင်း တပ်ဆင်ခြင်း မင်္ဂလာအခမ်းအနားကို ၂၀၁၉ ခုနှစ် ဇန်နဝါရီလ ၁၃ ရက်၊ နံနက်(၀၇:၀၀)အချိန် တံတားတည်ဆောက်ရေး လုပ်ငန်းခွင် မြောင်းမြဘက်ကမ်း၌ ကျင်းပပြုလုပ်ပါသည်။ အဆိုပါ အခမ်းအနားသို့ ဆောက်လုပ်ရေး ဝန်ကြီးဌာန ပြည်ထောင်စုဝန်ကြီး ဦးဟန်ဇော်၊ ဧရာဝတီ တိုင်းဒေသကြီး အစိုးရအဖွဲ့ ဝန်ကြီးချုပ် ဦးလှမိုးအောင်၊ ဧရာဝတီ တိုင်းဒေသကြီး လွှတ်တော် ဥက္ကဌ ဦးအောင်ကျော်ခိုင်၊ ဆောက်လုပ်ရေး ဝန်ကြီးဌာန ဒုတိယဝန်ကြီး ဦးကျော်လင်း၊ တိုင်းဒေသကြီး အစိုးရအဖွဲ့ဝင်များ၊ လွှတ်တော်ကိုယ်စားလှယ်များ၊ ဌာနဆိုင်ရာ တာဝန်ရှိသူများ၊ ဒေသခံကြည်သူများ၊ ဖိတ်ကြားထားသည့် ဧည့်သည်များ တက်ရောက်ကြပါသည်။ ယခုတည်ဆောက်သည့် မြောင်းမြတံတားသစ် အား ဂျပန်နိုင်ငံ JFE ကုမ္ပဏီနှင့် ဆောက်လုပ်ရေး ဝန်ကြီးဌာနတို့ ဆက်စပ်ထူထောင်ထားသော J&M Steel Solution က အသေးစိတ်ဒီဇိုင်းရေးဆွဲ၍ သံပေါင်များ ထုတ်လုပ်ပေးပြီး ပင်မတံတားအပိုင်းအား ခေတ်မီနည်းပညာသစ် Steel Truss Deck Type အမျိုးအစားဖြင့် တည်ဆောက်ထားပါသည်။ တံတားဦးစီးဌာန၊ တည်ဆောက်ရေးအဖွဲ့(၁)က တာဝန်ယူ၍ သတ်မှတ်စံချိန်စံညွှန်းများနှင့်အညီ တည်ဆောက်ရေးလုပ်ငန်းများကို ၂၀၁၉ ခုနှစ် မတ်လ အကုန် အပြီးတည်ဆောက်မည်လျက်ရှိရာ မကြာမီကာလတွင် ဧရာဝတီ တိုင်းဒေသကြီးအတွင်း ခေတ်မီ ခန့်ညား ခိုင်ခံ့လှပသော တံတားတစ်စင်း ပေါ်ထွန်းလာတော့မည် ဖြစ်ပါသည်။


ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော် သည် ဌာနဆိုင်ရာ တာဝန်ရှိသူများနှင့်အတူ ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန် - မန္တလေး အမြန်လမ်းမကြီး ဝဲ/ယာ မိုင်တိုင်အမှတ် (၃/၀)နှင့် (၅/၄)ကြား Eco – Green City စီမံကိန်းသို့ ရောက်ရှိပါသည်။ စီမံကိန်းရှင်းလင်းဆောင်တွင် စီမံကိန်းဆောင်ရွက်မည့် အခြေအနေ၊ မျှော်မှန်းချက်၊ မြေအသုံးချမှု အစီအမံများအား တာဝန်ရှိသူများက ရှင်းလင်းတင်ပြမှု အပေါ် ပြည်ထောင်စုဝန်ကြီး က Eco – Green City စီမံကိန်းသည် မြန်မာနိုင်ငံ၏ စီးပွားရေးမြို့တော် ဖြစ်သည့် ရန်ကုန်မြို့အဝင်တွင် တည်ရှိသည့်အတွက် လုပ်ငန်းများ အမြန်ဆုံး အကောင်အထည်ဖော်ရန်၊ လုပ်ငန်းများ ဆောင်ရွက်ရာတွင် ဥပဒေ၊ စည်းမျဉ်း၊ စည်းကမ်းများနှင့်အညီ ဆောင်ရွက်ရန်တို့ကို လမ်းညွှန်မှာကြားပြီး စီမံကိန်းဧရိယာအတွင်း ကြည့်ရှုစစ်ဆေးပါသည်။ Eco – Green City စီမံကိန်းကို အပိုင်း(၃)ပိုင်း သတ်မှတ်ဆောင်ရွက်မည် ဖြစ်ပြီး စီမံကိန်းမျှော်မှန်းချက် အနေဖြင့် JICA ရေးဆွဲခဲ့သည့် Yangon Vision 2040 တွင် ပါဝင်သည့် အနာဂတ်မြို့သစ် စီမံကိန်း တစ်ခု အကောင်အထည်ဖော်ရန်၊ ဝင်ငွေနည်း ပြည်သူများအတွက် လိုအပ်သည့် အငှားအိမ်ရာများ၊ တန်ဖိုးနည်း အိမ်ရာများ ဖြည့်ဆည်းပေးနိုင်ရန်နှင့် ဒေသခံပြည်သူများ အလုပ်အကိုင် အခွင့်အလမ်းများ ရရှိကာ လူမှုဘဝ မြင့်မားလာစေရန် မျှော်မှန်းဆောင်ရွက်ခြင်း ဖြစ်ပါသည်။ ထို့နောက် ပြည်ထောင်စုဝန်ကြီးနှင့် အဖွဲ့သည် ရန်ကုန် - မန္တလေး အမြန်လမ်း (ရန်ကုန် - နေပြည်တော် အပိုင်း) ပြုပြင်ထိန်းသိမ်းထားရှိမှု အခြေအနေကို လည်းကောင်း၊ မိုင်တိုင်အမှတ် (၃၇/၁)ရှိ စစ်ပင်ဆိပ်တံတား (အသွား/အပြန်)၏ တံတားတိုင်များ ရေတိုက်စားမှုအား ကာကွယ်ထိန်းသိမ်းခြင်း လုပ်ငန်းများ ဆောင်ရွက်နေမှု အခြေအနေကို လည်းကောင်း ကြည့်ရှုစစ်ဆေးပြီး တံတားများ ရေရှည် တည်တံ့ခိုင်မြဲရေးအတွက် အမြဲမပြတ် စစ်ဆေးရန် တာဝန်ရှိသူများအား မှာကြားပါသည်။ တံတားဦးစီးဌာန၊ တံတားဆောက်လုပ်ရေး စီမံကိန်း အထူးအဖွဲ့(၉) က မိုင်တိုင်အမှတ် (၁၄၅/၀)ရှိ ခပေါင်းတံတား အား Pilot Canal တူးဖော်ခြင်း၊ ကမ်းပြိုကာကွယ်ခြင်းနှင့် တံတား အထက်/အောက် ကမ်းထိန်းလုပ်ငန်းများ ဆောင်ရွက်နေမှု အခြေအနေ၊ တံတား တည်ဆောက်ရေးအဖွဲ့(၃) က မိုင်တိုင်အမှတ် (၁၆၅/၁)ရှိ ဆွာချောင်းတံတား ရေတိုက်စား၍ Settlement ဖြစ်သွားသော Pier No. 5, 6, 7 တို့အား Bored Pile တူး၊ အားဖြည့်ခြင်း၊ နိမ့်ဆင်းသွားသော ကြမ်းခင်းနှင့် ယက်မများကို ပြန်လည် မြှင့်တင်ခြင်းလုပ်ငန်းများ ဆောင်ရွက်နေမှု အခြေအနေတို့ကို ကြည့်ရှုစစ်ဆေးပြီး တာဝန်ရှိသူများအား လုပ်ငန်းလိုအပ်ချက်များ လမ်းညွှန်မှာကြားပါသည်။ (၆-၁-၂၀၁၉)


ရှမ်းပြည်နယ်(တောင်ပိုင်း) ရွှေညောင် - ရပ်စောက် - အင်တော - ကျောက်ဂူ - နောင်ချို လမ်းအဆင့်မြှင့်တင်ခြင်း လုပ်ငန်းအား တောင်ကြီးခရိုင်၊ လမ်းဦးစီးဌာနက ဆောင်ရွက်နေမှု အခြေအနေများကို ဆောက်လုပ်ရေးဝန်ကြီးဌာန၊ အမြဲတမ်းအတွင်းဝန် နှင့် တာဝန်ရှိသူများက ကြည့်ရှုစစ်ဆေး။ (၆-၁-၂၀၁၉)


တံတားဦးစီးဌာန၊ တည်ဆောက်ရေးအဖွဲ့(၁) က တာဝန်ယူ ဆောင်ရွက်သော လပွတ္တာ(ပင်လယ်လေး)တံတား အဆင့်မြှင့်တင် တည်ဆောက်ခြင်းလုပ်ငန်း၏ ပင်မတံတား ဘေလီသံပေါင်များ ဖြုတ်သိမ်းခြင်းလုပ်ငန်းတွင် စုစုပေါင်းအရှည် (၆၀၀ ပေ) ရှိသည့်အနက် လပွတ္တာဘက်ကမ်းတွင် (၂၆၀ပေ)၊ မြောင်းမြဘက်ကမ်းတွင် (၂၄၀ ပေ) ဖြုတ်သိမ်းပြီးစီးပြီးဖြစ်ကာ တည်ဆောက်ရေး လုပ်ငန်းများအား အင်ဂျင်နီယာများ၊ ကျွမ်းကျင်လုပ်သားများဖြင့် စနစ်တကျ ဆက်လက်ဆောင်ရွက်မည် ဖြစ်ပါသည်။


မုဒုံ - မြဝတီလမ်း (မဲသရော - လှိုင်ကွယ် အပိုင်း)လမ်းလုပ်ငန်းဆောင်ရွက်မှု အခြေအနေအား လမ်းဦးစီးဌာန၊ ကရင်ပြည်နယ်၊ ညွှန်ကြားရေးမှူး နှင့်အဖွဲ့မှ  ကြည့်ရှုစစ်ဆေး။(၂၈-၁၂-၂၀၁၈)


Invitation for Prequalification

Friday, 28 December 2018 00:00

မြန်မာ - ကိုရီးယား ချစ်ကြည်ရေး (ဒလ)တံတား ပန္နက်တော်တင် အခမ်းအနားအား (၂၄-၁၂-၂၀၁၈)ရက်နေ့တွင် တံတားစီမံကိန်းနေရာ၌ ကျင်းပပြုလုပ်ရာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ကိုရီးယားသမ္မတနိုင်ငံ Presidential Committee on New Southern Policy ဥက္ကဌ Mr. Kim Hyun Chul ၊ ပြည်ထောင်စုဝန်ကြီးများ၊ နယ်မြေခံ လွှတ်တော် ကိုယ်စားလှယ်များ၊ ဌာနဆိုင်ရာ တာဝန်ရှိသူများ၊ ဖိတ်ကြားထားသည့် ဧည့်သည်များ၊ ဒေသခံ ပြည်သူများ တက်ရောက်ကြပါသည်။

တံတားဆိုင်ရာ အချက်အလက်များ

တံတားအမျိုးအစား - သံမဏိ ကြိုးဆိုင်းတံတား

တံတားအရှည် - ၁၈၆၇.၅၉၅ မီတာ

ပင်မတံတားအရှည် - ၆၉၀ မီတာ

ရန်ကုန်ဘက်ခြမ်း ချဉ်းကပ်လမ်း - ၅၇၆.၄၆၆ မီတာ

ဒလဘက်ခြမ်း ချဉ်းကပ်လမ်း - ၆၀၁.၁၂၉ မီတာ

တံတားအကျယ် - ၂၄.၂ မီတာ

ယာဉ်တစ်စီးချင်း ခံနိုင်ဝန် - ၇၅ တန်

မြန်မာ - ကိုရီးယား ချစ်ကြည်ရေး (ဒလ)တံတား တည်ဆောက်ပြီးစီးပါက ရန်ကုန်တိုင်းဒေသကြီး၊ ရန်ကုန်မြို့မှ ဒလ၊ တွံတေး၊ ကော့မှူး၊ ကွမ်းခြံကုန်း မြို့နယ်များသို့ လည်းကောင်း၊ ဒေးဒရဲတံတား မှတဆင့် ဒေးဒရဲ၊ ဖျာပုံ၊ ကျိုက်လတ်၊ ဘိုကလေး မြို့များသို့ လည်းကောင်း၊ ကမ်းခြေဒေသများ အပါအဝင် ဧရာဝတီတိုင်းဒေသကြီး တစ်တိုင်းလုံးသို့ လည်းကောင်း လွယ်ကူလျင်မြန်စွာ သွားလာနိုင်မည် ဖြစ်ပါသည်။ တံတားတည်ဆောက်ခြင်းကြောင့် ရန်ကုန်မြို့ပြ၏ ယာဉ်ကြောပိတ်ဆို့မှုကိုလည်း အတိုင်းအတာ တစ်ခုအထိ လျော့ပါးသက်သာနိုင်မည် ဖြစ်ပါသည်။ ဧရိယာအကျယ်အဝန်း (၈၆.၅)စတုရန်းမိုင် ကျယ်ဝန်းသော ဒလမြို့နယ်၏ ခန့်မှန်းလူဦးရေ (၁၅၀၀၀၀)အတွက် မြို့ပြဖွံ့ဖြိုးမှု အပါအဝင် ဘက်စုံ ကဏ္ဍစုံ ဖွံ့ဖြိုးတိုးတက်လာမည် ဖြစ်ပြီး တဆက်စပ်တည်း တည်ရှိနေသည့် တွံတေး၊ ကော့မှူး၊ ကွမ်းခြံကုန်း မြို့နယ်များသည်လည်း မြို့ပြအသွင်ဆောင်၍ တပြိုင်တည်း ဖွံ့ဖြိုးတိုးတက်မည့် အခွင့်အလမ်းများ ရရှိလာမည် ဖြစ်ပါသည်။ အဆင့်မြင့်နည်းပညာများဖြင့် တည်ဆောက်မည့် တံတားဖြစ်သည့်အတွက် မြန်မာအင်ဂျင်နီယာများ အနေဖြင့် တံတားပုံစံထုတ်ခြင်း၊ တည်ဆောက်ခြင်း စသည့် ခေတ်မီနည်းပညာနှင့် အတွေ့အကြုံများ ရရှိနိုင်ပြီး အလုပ်အကိုင် အခွင့်အလမ်းများ ရရှိကြမည်ဖြစ်ကာ ကျွမ်းကျင်လုပ်သားများလည်း ပေါ်ထွက်လာမည် ဖြစ်ပါသည်။


ဒလမြို့နယ်အပါအဝင် ရန်ကုန်အနောက်ဘက်ကမ်းဒေသများ ဖွံ့ဖြိုးရေးအတွက် အရေး ပါသည့် မြန်မာ-ကိုရီးယား ချစ်ကြည်ရေး(ဒလ)တံတား တည်ဆောက်ရေးစီမံကိန်း ပန္နက်တော်တင် မင်္ဂလာအခမ်းအနား ကျင်းပရန် ပြင်ဆင်နေသည့် မြင်ကွင်းကိုကြည့်ရင်း ဝမ်းသာပီတိဖြစ်နေသည့် ဒလမြို့ ဒေသခံ ကမာကဆစ်ရပ်ကွက်မှ အသက် ၇ဝ ကျော် အဘိုးဦးသိန်းဟန်က'' ဒလမြို့နယ် ဒေသခံတွေ နှစ်ပေါင်းများစွာ မျှော်လင့်တောင့်တ နေတဲ့ အိပ်မက်တံတားကြီး အခုတော့ အကောင်အထည် တကယ်ပေါ်လာတော့မှာပါ''ဟု ပြောသည်။

ဒလမြို့နယ်အပါအဝင် ရန်ကုန် အနောက်ဘက်ကမ်း ဒေသများသည် မြစ်ကြီးခြားနေမှုကြောင့် ရန်ကုန်မြို့နှင့်အမြင်နီးခဲ့သော်လည်း ခရီးဝေးခဲ့ရသည့် အတွက် ခေတ်အဆက်ဆက် ပညာရေး0 ၊ ကျန်းမာရေးနှင့် လူမှုစီးပွားရေးဘဝများ နိမ့်ကျနေသည်။

''ဒလကနေ ရန်ကုန်ကို ဆေးသွား ကုမယ်ဆို သွားရေးလာရေး အခက်အခဲ တွေ ရှိခဲ့တယ်။ မိုးတွင်းဆို လှိုင်းကြီး လေထန်လို့ ရန်ကုန်ဘက်သွားဖို့ အခက် အခဲတွေ အများကြီး ကြုံတွေ့ခဲ့ရပါတယ်။ စားဝတ်နေရေးအတွက်တော့ သွားနေ ကြရတာပါပဲ''ဟု အဘိုး ဦးသိန်းဟန်က ပြောပြသည်။

သုံးနှစ်ခွဲခန့်ကြာမြင့်မည်

ရန်ကုန်- ဒလ မြစ်ကူးတံတားထိုးနိုင်ရန်အတွက် ဒလတံတားစီမံကိန်းကို ၂ဝ၁၃ ခုနှစ်ကတည်းက စတင်ဆွေးနွေး ညှိနှိုင်းမှုများ ပြုလုပ်ခဲ့သော်လည်း ကန့်ကွက်မှုများကြောင့် ငါးနှစ်ကျော် အကြာတွင်မှ စီမံကိန်းကို စတင်အကောင် အထည်ဖော်နိုင်ကြောင်း၊ တံတားတည် ဆောက်ရေးအတွက် စီမံကိန်းကာလမှာ သုံးနှစ်ခွဲခန့် ကြာမြင့်မည်ဖြစ်ကြောင်း တံတားဦးစီးဌာနက သိရသည်။

''ဒလမြို့ဒေသခံတွေက တံတားကြီး ကို အမြန်အကောင်အထည်ဖော်စေ ချင်ကြတာ။ ဒလမြစ်ကူးတံတားကြီး အကောင်အထည်ဖော်ဖို့တောင် လူထု ဆန္ဒထုတ်ဖော်ပွဲတွေ လုပ်ခဲ့ကြတယ်။ တံတားကြီးထိုးပြီးသွားရင်တော့ အားလုံး အဆင်ပြေသွားမယ်။ အနီးအနား ကျေးရွာတွေလည်း စီးပွားရေးဖွံ့ဖြိုးလာ မယ်''ဟု ဒလမြို့ ကမာကဆစ်ရပ်ကွက် နေ ဦးညီညီက ပြောသည်။

ဒလတံတားသည် ကိုရီးယား- မြန်မာ ပူးပေါင်းဆောင်ရွက်မှုနှင့် နှစ်နိုင်ငံ ချစ်ကြည်ရင်းနှီးမှု အတွက် အရေးပါသည့် သင်္ကေတတစ်ခုဖြစ်ကြောင်း ရန်ကုန်တိုင်း ဒေသကြီး ဝန်ကြီးချုပ် ဦးဖြိုးမင်းသိန်းက ဒီဇင်ဘာ ၁၈ ရက်တွင် ရန်ကုန်မြို့ Pan Pacific Hotel ၌ ကျင်းပသည့် Korean Night အခမ်းအနား၌ ပြောကြားသည်။

''ရန်ကုန်မြို့ရဲ့ မြစ်အနောက်ဘက် ကမ်း ဖွံ့ဖြိုးတိုးတက်ရေး စီမံကိန်း တော်တော်များများကို ကိုရီးယားနိုင်ငံရဲ့ အကူအညီနဲ့ Master Plan ကို အကြမ်း ရေးဆွဲနိုင်ခဲ့ပါတယ်။ ကျွန်တော်တို့ အစိုးရ အသစ် တာဝန်ယူတဲ့ အချိန်တွေမှာ ရန်ကုန်မြစ်ရဲ့ အနောက်ဘက်ကမ်း ဖွံ့ဖြိုး တိုးတက်ရေးစီမံကိန်းတွေကို အကောင် အထည်ဖော် စတင် နေနိုင်ပြီဖြစ်ပါတယ်''ဟု ရန်ကုန်တိုင်းဒေသကြီး ဝန်ကြီးချုပ်က ပြောသည်။

ဒလတံတား စီမံကိန်း ပြီးစီးပါက ဧရိယာအကျယ်အဝန်း ၈၆ ဒသမ ၅ စတုရန်းမိုင်ရှိ ဒလမြို့နယ်၏ ခန့်မှန်း လူဦးရေ တစ်သိန်းငါးသောင်းကျော် အတွက် မြို့ပြဖွံ့ဖြိုးမှုအပါအဝင် ကဏ္ဍစုံ ဖွံ့ဖြိုးတိုးတက်လာမည်ဖြစ်ပြီး ဒလမြို့နယ် နှင့် တစ်ဆက်တစ်စပ်တည်း ရှိနေသည့် တွံတေး၊ ကော့မှူး၊ ကွမ်းခြံကုန်းမြို့နယ်များ သည်လည်း မြို့ပြအသွင်ဆောင်ပြီး တစ်ပြိုင်တည်း ဖွံ့ဖြိုးတိုးတက်လာမည် ဖြစ်ကြောင်း မြို့ပြကျွမ်းကျင်သူများက သုံးသပ်ထားသည်။

''ဒလတံတားကြီး တည်ဆောက်ပြီး သွားလို့ စက်မှုဇုန်တွေ အကောင်အထည် ဖော်ပေးမယ်ဆိုရင် ဒေသခံတွေ ရန်ကုန် ဘက်ကိုသွားပြီး အလုပ်လုပ်စရာ မလို တော့ဘူး။ ဒလမှာတင် အလုပ်လုပ်လို့ ရသွားမယ်။ နောက်ပိုင်း ဒလမြို့ဟာ ဒုတိယရန်ကုန်လို့တောင် ပြောရမယ့် အနေအထားဖြစ်သွားမယ်''ဟု ဒလမြို့ ဗညားဒလရပ်ကွက်တွင် နေထိုင်သည့် မြို့မိမြို့ဖတစ်ဦးဖြစ်သူ ဦးအောင် ကျော်မြင့်က ပြောသည်။

ရေရှားပါးမှုဖြေရှင်းပေးနိုင်

ရန်ကုန်-ဒလထိုးမည့် ဒလတံတား စီမံကိန်းတွင် အချင်းတစ်ပေခွဲရှိ ရေပိုက် လိုင်းနှစ်လိုင်းကို တံတား၏ ဘယ်ညာတွင် ထည့်သွင်းတည်ဆောက်သွားမည် ဖြစ် သည့်အတွက် ဒလဒေသခံများ နှစ်ပေါင်း များစွာ ခံစားလာခဲ့ရသည့် ရေရှားပါးမှု ပြဿနာကို ဖြေရှင်းပေးနိုင်မည်ဖြစ်ရာ တံတားကြီး အမြန်အကောင်အထည် ပေါ်လာရန် မျှော်လင့်နေကြောင်း ဒေသခံ များထံမှ သိရသည်။

''ဒလဘက်မှာ ရေချိုရရှိမှုက တော်တော်ခဲယဉ်းပါတယ်။ ရေချိုရရှိဖို့ အတွက် ရေပိုက်လိုင်းနှစ် လုံးကို တစ်ဖက် တစ်ချက်မှာ သွယ်တန်းတည်ဆောက် သွားမှာ ဖြစ်ပါတယ်။ ဒလမြို့နယ် သာမက ဆက်စပ်မြို့နယ်တွေကိုလည်း ရေ လုံလောက်မှုပေးနိုင်အောင် တွက်ချက် ထားပါတယ်''ဟု တံတားဦးစီးဌာန (ထိန်းသိမ်းရေး)မှ ဒုတိယòန်ကြားရေး မှူးချုပ် ဦးကျော်ကောင်းချိုက ပြောသည်။

ထို့အတူ ရန်ကုန်ဘက်ကမ်းနှင့် ဒလဘက်ကမ်းကို ဆက်သွယ်သွားလာ နိုင်မည့် ဒလတံတား တည်ဆောက်ပြီးချိန် တွင် ရန်ကုန်မြို့မှ ဒလ၊ တွံတေး၊ ကော့မှူး၊ ကွမ်းခြံကုန်းမြို့နယ်တို့သို့ လည်းကောင်း၊ ဒေးဒရဲတံတားမှတစ်ဆင့် ဒေးဒရဲ၊ ဖျာပုံ၊ ကျိုက်လတ်၊ ဘိုကလေး စသည့်မြို့များ၊ ကမ်းခြေဒေသများ အပါအဝင် ဧရာဝတီ တိုင်းဒေသကြီးတစ်တိုင်းလုံးသို့ လည်း ကောင်း လွယ်ကူလျင်မြန်စွာ သွားလာနိုင် မည်ဖြစ်သည်။

ထို့ပြင် ယခုလက်ရှိ ရန်ကုန်မြို့တွင် တွေ့ကြုံနေရသည့် ယာဉ်ကြောပိတ်ဆို့မှု ကိုလည်း အတိုင်းအတာ တစ်ခုအထိ လျော့ပါးသက်သာ သွားမည်ဖြစ်ကြောင်း တံတားဦးစီးဌာနက သုံးသပ်ထားသည်။

ဒလ တံတားကို အဆင့်မြင့်နည်း ပညာဖြင့် ဆောက်လုပ်သည့် တံတား ဖြစ်သည့်အတွက် မြန်မာအင်ဂျင်နီယာ များအနေဖြင့်လည်း တံတားပုံစံထုတ်လုပ် ခြင်း၊ တည်ဆောက်ခြင်း စသည့် ခေတ်မီ နည်းပညာနှင့် အတွေ့အကြုံများ ရရှိနိုင် မည်ဖြစ်ပြီး ကျွမ်းကျင်လုပ်သားများ လည်း ပေါ်ထွက်လာမည်ဖြစ်ကြောင်း ဒုတိယòန်ကြားရေးမှူးချုပ် ဦးကျော် ကောင်းချိုက ပြောသည်။

လျော်ကြေးငွေများပေးအပ်

နိုင်ငံတော်မှ ဒလတံတားစီမံကိန်း တွင် မလွတ်ကင်းအိမ်နှင့် မြေယာများ အတွက် နစ်နာမှုမရှိစေရန် လျော်ကြေး ငွေများကိုလည်း ပေးအပ်ခဲ့ပြီး စီမံကိန်း ဧရိယာအတွင်း ပါဝင်နေသည့် သာသနိက အဆောက်အအုံ၊ ကူးတို့ဆိပ်၊ ရေယာဉ်ရုံး နှင့် နားနေဆောင်တို့ကိုလည်း သင့်လျော် သည့်နေရာတွင် အဆောက်အအုံ အထူးအဖွဲ့ (၂)မှ ပြန်လည်ဆောက်လုပ် ပေးခဲ့ကြောင်း ဒေသခံများထံမှ သိရ သည်။

''ကျွန်တော့်အိမ်က စီမံကိန်းထဲ ပါနေတဲ့အတွက် ၁၅ ပေ နောက်ဆုတ် ပေးလိုက်ရတယ်။ ခုနစ်ပေက စီမံကိန်းထဲ ပါသွားတယ်။ ရှစ်ပေက စီမံကိန်းပြီးရင် ပြန်ရမယ်။ အဲ့ဒီအတွက်လည်း ဌာနက ထိုက်တန်တဲ့ နစ်နာကြေးပေးပါတယ်။ ကိုယ့်ဒေသဖွံ့ဖြိုးဖို့လုပ်တာ ကျေကျေ နပ်နပ် လက်ခံပါတယ်''ဟု ဗညားဒလ ရပ်နေ ဦးအောင်ကျော်မြင့်က ပြောသည်။

ဒလတံတားကို ရန်ကုန်မြို့ဘက်တွင် လမ်းမတော်မြို့နယ် ဘုန်းကြီးလမ်းနှင့် ဒလမြို့နယ် ဘက်တွင် ကမာကဆစ် ရပ်ကွက် ဗိုလ်မင်းရောင်လမ်းတို့ကို ဆက်သွယ် တည်ဆောက် သွားမည်ဖြစ်ပြီး လမ်းအူကြောင်းအနေဖြင့် ထိခိုက်မှု အနည်းဆုံးလမ်းကြောင်းကို ရွေးချယ် တည်ဆောက်သွားမည် ဖြစ်ကြောင်း တံတားဦးစီးဌာနမှ သိရသည်။

မြန်မာ-ကိုရီးယား ချစ်ကြည်ရေး (ဒလ)တံတားကို ကိုရီးယားသမ္မတနိုင်ငံ စီးပွားဖွံ့ဖြိုးမှု ပူးပေါင်းဆောင်ရွက်ရေး ရန်ပုံငွေ EDCF Loan ချေးငွေ အမေရိကန်ဒေါ်လာ ၁၃၇ ဒသမ ၈၃၃ သန်းနှင့် မြန်မာအစိုးရထည့်ဝင်ငွေ ၃ဝ ဒသမ ၃၄၁ သန်း၊ စုစုပေါင်း ခန့်မှန်း ကုန်ကျစရိတ် အမေရိကန်ဒေါ်လာ ၁၆၈ ဒသမ ၁၇၃ သန်း ကုန်ကျမည်ဖြစ်ကြောင်း တံတားဦးစီးဌာနမှ သိရသည်။

အမြင်နီးသော်လည်း ခရီးဝေးခဲ့ရ သည့် ဒလမြို့အပါအဝင် ရန်ကုန် အနောက်ဘက် ကမ်းဒေသများ မြန်မာ-ကိုရီးယားချစ်ကြည်ရေး(ဒလ) တံတား တည်ဆောက်ပြီးစီးပါက ဒေသဖွံ့ဖြိုး တိုးတက် လာတော့မည်ကို ဒလမြို့ ဒေသခံ ကမာကဆစ်ရပ်ကွက်မှ အသက် ၇ဝ ကျော် အဘိုးဦးသိန်းဟန်က''တံတားကြီး ဆောက်ပြီးသွားလို့ ဒလမြို့ ဖွံ့ဖြိုးလာမှာ ကိုမြင်တွေ့ချင်သေးတယ်''ဟု ပြောသည်။

 

သတင်းဆောင်းပါး-မင်းသစ်(MNA)
ဓာတ်ပုံ-ဇော်မင်းလတ်
MOI Webportal Myanmar


Page 1 of 22