ဂုတ်တွင်းဘေလီတံတား အသိပေးကြေညာချက်

အသိပေးကြေညာချက် Thursday, 22 August 2019 00:00
Rate this item
(0 votes)

(၂၀-၈-၂၀၁၉)ရက်နေ့ မွန်းလွဲ(၁၃:၀၀)အချိန်မှ စတင်၍ ဂုတ်တွင်း ယာယီဘေလီတံတားပေါ်တွင် အိမ်စီးကား၊ ကုန်ကား (ယာဉ်+ကုန်= ၃၆ တန်) များကို စနစ်တကျ ဖြတ်သန်းခွင့်ပြုခဲ့ပါသည်။ ကုန်ကားကြီးများ (၂၀-၂၂ ဘီး)တွဲကားများကိုလည်း (၃၆)တန် အတွင်း တင်ဆောင်လာပါက ဂုတ်တွင်း တံတားပေါ်မှ ဖြတ်သန်းခွင့်ပြုလျက် ရှိပါသည်။ (ယာဉ်+ကုန်= ၃၆ တန်)ကျော်သည့် ကုန်ကားကြီးများသည် သတ်မှတ် ကုန်အလေးချိန် အတွင်းဖြစ်အောင် စနစ်တကျ ကုန်များ ကဲ့ပြီး ယာဉ်စည်းကမ်း လမ်းစည်းကမ်း လိုက်နာ၍ ဖြတ်သန်းနေကြကြောင်းကိုလည်း တွေ့ရှိရပါသည်။ ကုန်ကားကြီးများ (ယာဉ်+ကုန်= ၄၈ တန်)ကို တံတားပေါ်မှ ဖြတ်သန်းခွင့်ပြုနိုင်ရန် ဆောက်လုပ်ရေးဝန်ကြီးဌာန၊ တံတားအင်ဂျင်နီယာများက တံတားပညာရပ်ပိုင်းဆိုင်ရာများ တွက်ချက်၍ ဘေလီတံတား သံဘောင်ဒေါက်တန်းများ အားဖြည့် ဆောင်ရွက်ခြင်း၊ တံတားအောက်ခြေ အုတ်မြစ်လုပ်ငန်းများ တောင့်တင်းရန် ဆောင်ရွက်ခြင်းများကို ဆောင်ရွက်လျက်ရှိပြီး ရက်ပေါင်း(၃၀)အတွင်း ပြီးစီးအောင် တည်ဆောက်သွားမည် ဖြစ်ပါသည်။ ကုန်ကားကြီးများ(ယာဉ်+ကုန်=၄၈တန်) ဖြတ်သန်းသွားလာခွင့် ပြုမည့်ရက်ကို ထပ်မံအသိပေး ကြေညာပါမည်။ သို့ဖြစ်ပါ၍ ခရီးသွား ပြည်သူများနှင့် ကုန်ပစ္စည်း သယ်ယူပို့ဆောင်နေကြသော ကုန်ကားကြီးများ သည် ဂုတ်တွင်း ယာယီဘေလီတံတားပေါ်မှ ဖြတ်သန်းမောင်းနှင်ကြရာတွင် တံတားကြီး ခိုင်ခန့်ရေးအတွက် သတ်မှတ်ကုန်ချိန် (ယာဉ်+ကုန်= ၃၆ တန်) သယ်ဆောင်ပြီး စနစ်တစ်ကျ ဖြတ်သန်းကြပါရန် မေတ္တာရပ်ခံ အသိပေးအပ်ပါသည်။ (၂၂-၈-၂၀၁၉)

Read 176 times