၂၀၀၀ ပြည့်နှစ် ၊ နိုဝင်ဘာလ ၁၇ ရက် ၊ မြန်မာသက္ကရာဇ် (၁၃၆၂ ခုနှစ် ၊ တန်ဆောင်မုန်းလပြည့်ကျော် ၇ ရက်) တွင် နိုင်ငံတော်အေးချမ်းသာယာရေးနျှင့် ဖွံ့ဖြိုးရေးကောင်စီသည် ဤဥပဒေကို ပြဌာန်းခဲ့သည်။


၂၀၁၅ ခုနှစ် ၊ ဧပြီလ ၉ ရက်၊ မြန်မာသက္ကရာဇ် (၁၃၇၆ ခုနှစ် ၊ တန်ခူးလပြည့်ကျော် ၆ ရက်) တွင် ပြည်ထောင်စုလွှတ်တော်သည် ဤဥပဒေကို ပြဌာန်းခဲ့သည်။


မြို့ပြနှင့်အိမ်ရာဖွံ့ဖြိုးရေးဦးစီးဌာနသမိုင်း

1872 ခုနှစ်တွင် မြေငှားချထားခြင်း(ဂရန်)စနစ် ပြောင်းလဲကျင့်သုံးခဲ့ပြီး၊ ၁၈၇၄ ခုနှစ်တွင် “ရန်ကုန်မြူနီစပါယ်” (Rangoon Municipal) အဖွဲ့ကို ဖွဲ့စည်းဆောင်ရွက်ခဲ့ပါသည်။

1921 ခုနှစ်၊ ရန်ကုန်မြို့ပြမြေနေရာစီမံခန့်ခွဲမှုများ နှင့် မြို့ပြဖွံ့ဖြိုးရေးလုပ်ငန်းများကို တာဝန် ယူ၍ “ ရန်ကုန်စည်ပင်သာယာရေးအဖွဲ့ ” (Rangoon Development Trust – RDT) ဟု ဖွဲ့စည်း ဆောင်ရွက်ခဲ့ပါသည်။

၁၉၅၁ ခုနှစ် “ ပြည်သူ့အိုးအိမ် ပြန်လည်ထူထောင်ရေးနှင့်မြို့ရွာစည်ပင်ရေး ” (National Housing and Town and Country Development Board- NHDB) အဖွဲ့ကို ဖွဲ့စည်းပြီး ၁၉၅၄ ခုနှစ် တွင် အဆိုပါအဖွဲ့မှ ရန်ကုန်စည်ပင်သာယာရေးအဖွဲ့ကို သိမ်းသွင်းခဲ့ပါသည်။

၁၉၇၂ ခုနှစ် ပထမဦးစွာ အိုးအိမ်အဖွဲ့ဟူ၍လည်းကောင်း၊ နောက်တဖန် အိုးအိမ်ကော်ပိုရေးရှင်း ဟု လည်းကောင်း၊ ၁၉၇၃ ခုနှစ်တွင် “ အိုးအိမ်ဦးစီးဌာန ” (Housing Department) ဟု လည်းကောင်း ပြင်ဆင်ဖွဲ့စည်းခဲ့ပါသည်။

၁၉၉၀ ခုနှစ် မြို့ပြများဖွံ့ဖြိုးတိုးတက်စေရေး၊ ဈေးကွက်စီးပွားရေးစနစ်နှင့် လျော်ညီသော အိမ်ရာကဏ္ဍသစ်များ ဖြစ်ထွန်းစေရေးအတွက် “ မြို့ရွာနှင့်အိုးအိမ်ဖွံ့ဖြိုးရေးဦးစီးဌာန ” (Department of Houman Settlement and Housing Development) အဖြစ် ပြင်ဆင်ဖွဲ့စည်းခဲ့ပါသည်။

နိုင်ငံတစ်ဝှမ်း မြို့ပြနှင့်အိမ်ရာကဏ္ဍများ ဖွံ့ဖြိုးတိုးတက်စေရေးအတွက် ၂၀၁၅ ခုနှစ်၊ ဇန်နဝါရီ လ (၁၅)ရက်နေ့တွင် “ မြို့ပြနှင့်အိမ်ရာဖွံ့ဖြိုးရေးဦးစီးဌာန ” (Department of Urban and Housing Development) အဖြစ် ပြင်ဆင်ဖွဲ့စည်းခဲ့ပါသည်။

မျှော်မှန်းချက်
  • မြန်မာနိုင်ငံ၏ မြို့ပြနှင့်အိမ်ရာကဏ္ဍကို ဟန်ချက်ညီညီ ၊ စဉ်ဆက်မပြတ်ရေရှည် ဖွံ့ဖြိုးတိုးတက်စေရန်နှင့် ပြည်သူတို့၏ နေထိုင်မှု အဆင့်အတန်း မြှင့်တင်ရန်။  
  • ပြည်သူလူထုအတွက် သင့်လျော်ကောင်းမွန်သည့်အိမ်ရာများ စဉ်ဆက်မပြတ် ဖြည့်ဆည်းနိုင်ရန်။
ရည်မှန်းချက်
  • မြို့ပြနှင့်အိမ်ရာကဏ္ဍဖွံ့ဖြိုးရေးနှင့် စဉ်ဆက်မပြတ်ဖွံ့ဖြိုး တိုးတက်စေမည့် မြို့ပြကွန်ယက် စနစ်ထူထောင် နိုင်ရေးတို့အတွက်လိုအပ်သည့် ဥပဒေ၊ နည်းဥပဒေ၊ စည်းမျဉ်းစည်းကမ်း နှင့် လုပ်ထုံးလုပ်နည်းများ ပြဋ္ဌာန်း အကောင်အထည်ဖော်ကြပ်မတ်ရန်။
  • မြို့ရွာများအားလုံးကို မြို့ပြနှင့်ဒေသဖွံ့ဖြိုးရေးစီမံကိန်းနှင့် မြို့ပြ ပို့ဆောင်ရေးစီမံကိန်း များကို ပင်မစီမံကိန်းနှင့် အညီ တစ်ဆင့်ခြင်း အကောင်အထည်ဖော်ရန်။
  • အမျိုးသားအိမ်ရာ မူဝါဒရေးဆွဲပြုစုနိုင်ရေးနှင့် မူဝါဒနှင့်အညီ အကောင်အထည် ဖော်နိုင်ရေး စီမံဆောင်ရွက်ရန်။
  • ဝန်ထမ်းအိမ်ရာ၊ ပြည်သူ့အိမ်ရာ၊ အငှားအိမ်ရာများကို တနိုင်ငံလုံး အတိုင်းအတာဖြင့် ဆောင်ရွက်၍ ပြည်သူလူထု၏ အိုးအိမ်လိုအပ်ချက်များကို ထိရောက်စွာဖြည့်ဆည်း ဆောင်ရွက်ရန်။
လုပ်ငန်းတာဝန်များ

၁။ အမျိုးသားအဆင့် မြို့ပြနှင့်အိမ်ရာမူဝါဒနှင့် လမ်းညွှန်ချက်များ ရေးဆွဲပြဌာန်း၍ နိုင်ငံတစ်ဝှမ်း မြို့ပြဒေသနှင့် အိမ်ရာဖွံ့ဖြိုးရေး အစီအစဉ်များ အကောင်အထည်ဖော် ဆောင်ရွက်ရန်။

၂။ အမျိုးသားအဆင့် နယ်မြေဒေသဖွံ့ဖြိုးရေးစီမံကိန်း (Spatial Development Plan) နှင့် ဒေသန္တရဆိုင်ရာ နယ်မြေဒေသဖွံ့ဖြိုးရေးစီမံကိန်းများကို ဆက်နွယ်သည့် လူမှုစီးပွားရေး ဆိုင်ရာ ၊ ပတ်ဝန်းကျင်ဆိုင်ရာ ၊ အခြေခံအဆောက်အအုံဆိုင်ရာနှင့် မြေယာဆိုင်ရာ ဌာနအဖွဲ့ အစည်းများနှင့် တိုင်းဒေသကြီး/ပြည်နယ် အစိုးရများနှင့် ပေါင်းစပ်ရေးဆွဲရန်။

 ၃။ နိုင်ငံတော်မှ အတည်ပြုထားသည့် မူဝါဒများနှင့်အညီ မြို့ပြနှင့်အိမ်ရာဖွံ့ဖြိုးရေး နည်းဗျူဟာ များချမှတ်၍ နိုင်ငံတစ်ဝှမ်း မြို့ပြနှင့်ဒေသစီမံကိန်းများ ၊ အိမ်ရာစီမံကိန်းများ ရေးဆွဲရန် ။

၎။ ဒေသအဆင့်နှင့် ပုဂ္ဂလိကကဏ္ဍများမှ အဆိုပြုသည့် မြို့ပြအိမ်ရာစီမံကိန်းများ ၊ ဒေသ ဖွံ့ဖြိုးရေး စီမံကိန်းများရေးဆွဲမှုနှင့် စီမံကိန်းအကောင်အထည်ဖော်မှုများအား မြို့ပြမူဝါဒ စံချိန်စံညွှန်းများနှင့်ညီညွှတ်မှု ရှိ/မရှိ ဆန်းစစ်ခြင်း ၊  အကဲဖြတ်ခြင်း ၊  အကြုံပြုခြင်း နှင့် စည်းမျဉ်းနှင့်အညီ ကြပ်မတ်ထိန်းသိမ်းရန်။

၅။ နယ်မြေဒေသဖွံ့ဖြိုးတိုးတက်ရေး နှင့် မြို့ပြနှင့်အိမ်ရာကဏ္ဍဖွံ့ဖြိုးတိုးတက်ရေးကို အထောက် အကူပြုမည့်ဥပဒေ ၊ စည်းမျဉ်း ၊ စည်းကမ်း ၊ လုပ်ထုံးလုပ်နည်းများနှင့် လက်စွဲများပြုစု ဖြန့်ဝေရန်။

၆။ အမျိုးသားအဆင့်အိမ်ရာကဏ္ဍငွေကြေးစနစ် (National Housing Finance Mechanism)  များအား ဆက်နွယ်သည့် အစိုးရအဖွဲ့အစည်းများ ၊ ဘဏ္ဍာရေး အဖွဲ့အစည်းများနှင့် ပူးပေါင်း စီမံဆောင်ရွက်ရန်။

၇။အမျိုးသားအိမ်ရာတိုးတက်ဖွံ့ဖြိုးရေးအဖွဲ့နှင့် ချိတ်ဆက်၍ အိမ်ရာစီမံကိန်းများ အကောင် အထည်ဖော်ရန်။

၈။ ပြည်ထောင်စုအစိုးရပိုင်မြေ ၊ မြို့ပြဖွံ့ဖြိုးရေးအရန်မြေ ၊ ပြည်သူ့အိမ်ရာနှင့် အဆောက်အဦ များအား မြို့ပြဖွံ့ဖြိုးရေးနှင့် ညီညွတ်စေရန်  စီမံခန့်ခွဲကြပ်မတ် ထိန်းသိမ်းရန်။

၉။ နိုင်ငံတစ်ဝှမ်း အကောင်အထည်ဖော်ဆောင်ရွက်သော မြို့ပြဖွံ့ဖြိုးမှု အိမ်ရာစီမံကိန်းများ ရေရရှိရေးနှင့်သန့်ရှင်းရေး (Water Supply and Sanitation) ဆိုင်ရာလုပ်ငန်း     စီမံကိန်း များနှင့်စပ်လျဉ်း၍ ဆက်နွယ်သည့်ဝန်ကြီးဌာနများ ၊ တိုင်းဒေသကြီး/ပြည်နယ် အစိုးရ အဖွဲ့များ နှင့်ပေါင်းစပ်ဆောင်ရွက်ခြင်း ၊ နည်းပညာအကူအညီများ ပူးပေါင်း ဆောင်ရွက်ရန်။

၁၀။ လွှတ်တော် ၊ အိမ်တော်နှင့်တိုင်းဒေသကြီး/ပြည်နယ်အဆင့်ပုဂ္ဂိုလ်များ နေအိမ် ကြပ်မတ် ထိန်းသိမ်းရန် ၊ စရိတ်နှင့်အဆောင်အယောင်ကိစ္စရပ်များ စီမံဆောင်ရွက်ပေးရန်။

၁၁။ မြို့ပြအမွေအနှစ်များ ထိန်းသိမ်းစောင့်ရှောက်ခြင်းဆိုင်ရာ အစီအမံများ (Urban Heritage conservation Management Plan ) ပူးပေါင်း ဆောင်ရွက်ရန်။

၁၂။ မြို့ပြနှင့်အိမ်ရာကဏ္ဍ ရေရှည်စဉ်ဆက်မပြတ် ဖွံ့ဖြိုးတိုးတက်ရေး (Sustainable Development) အတွက်ဆက်နွယ်သည့် အစိုးရမဟုတ်သောပညာရှင် ၊ စီးပွားရေးနှင့် လူမှုရေးစသည့်အဖွဲ့အစည်းများနှင့် ပူးပေါင်း အကောင်အထည်ဖော် ဆောင်ရွက်ရန်။

၁၃။ မြို့ပြနှင့်အိမ်ရာကဏ္ဍဆိုင်ရာ သုတေသန လုပ်ငန်းများနှင့် စွမ်းဆောင်ရည် မြှင့်တင်ရေးဆိုင်ရာ လူ့စွမ်းအားအရင်းအမြစ် ဖွံ့ဖြိုးရေး ဆောင်ရွက်ရန်။

၁၄။ မြို့ပြနှင့် အိမ်ရာကဏ္ဍဆိုင်ရာ နိုင်ငံတကာနည်းပညာ နှင့် ဗဟုသုတများ ဖွံ့ဖြိုးတိုးတက်စေရေး အတွက် နိုင်ငံတကာအဖွဲ့အစည်းများနှင့် ပူးပေါင်းဆောင်ရွက်ရန်။

၁၅။ မြို့ပြနှင့်အိမ်ရာကဏ္ဍဆိုင်ရာ ပြည်တွင်းပြည်ပမှ ရင်းနှီးမြုပ်နှံမှု လုပ်ငန်းများအား ဆန်းစစ်ခြင်း ၊ အကြံပြုခြင်း ၊ အကောင်အထည်ဖော်မှုအား ကြပ်မတ်ထိန်းသိမ်းရန်။

၁၆။ နိုင်ငံသားများ သင့်လျော်ကောင်းမွန်သော အိမ်ရာများတွင် ၀ယ်ယူနေထိုင်နိုင်ရေးအတွက် အစီအမံများကို ရေးဆွဲဆောင်ရွက်ရန်။

၁၇။ ပြည်ထောင်စုအစိုးရမှ သီးခြားတာဝန်ပေးအပ်သည့် လုပ်ငန်းရပ်များ အကောင် အထည်ဖော် ဆောင်ရွက်ရန်။

 

 

 


Page 26 of 29

နေ့စဉ်သတင်းစာများရယူရန်