မြို့ပြနှင့်အိမ်ရာဖွံ့ဖြိုးရေးဦးစီးဌာနနှင့် Amata Asia Myanmar Limited တို့အကြား ဖက်စပ်လုပ်ငန်း သဘောတူစာချုပ် ချုပ်ဆိုခြင်းနှင့် Yangon Amata Smart and Eco City Limited တို့အကြား မြေငှားစာချုပ် ချုပ်ဆိုသည့် အခမ်းအနား

၁။ ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာနနှင့် Amata Asia Myanmar Limited တို့အကြား ဖက်စပ်လုပ်ငန်း သဘောတူစာချုပ် ချုပ်ဆိုခြင်းနှင့် Yangon Amata Smart and Eco City Limited တို့အကြား မြေငှားစာချုပ် ချုပ်ဆိုခြင်းအခမ်းအနားကို ၂၀၂၀ ပြည့်နှစ်၊ ဇန်နဝါရီလ (၂၄)ရက်နေ့ နံနက် (၀၉:၀၀)နာရီအချိန်တွင် နေပြည်တော်၊ Kempinski Hotel ၌ ကျင်းပခဲ့ပါသည်။

၂။ အဆိုပါ အခမ်းအနားသို့ ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဟန်ဇော်၊ ဒုတိယဝန်ကြီး ဦးကျော်လင်း၊ ရန်ကုန်တိုင်းဒေသကြီးအစိုးရအဖွဲ့ဝင် လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်၊ ဌာနဆိုင်ရာအကြီးအကဲများ၊ မြန်မာနိုင်ငံဆိုင်ရာ ထိုင်းသံအမတ်ကြီး Mrs. Suphatra ၊ ထိုင်းနိုင်ငံ Amata Corporation မှ တာဝန်ရှိသူများ၊ ဖိတ်ကြားထားသည့် ဧည့်သည်တော်များ တက်ရောက်ခဲ့ကြပါသည်။

၃။ အခမ်းအနားတွင် ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဟန်ဇော်မှ အဖွင့် အမှာစကား ပြောကြားရာတွင် ဆောက်လုပ်ရေးဝန်ကြီးဌာန၊ မြို့ပြနှင့်အိမ်ရာဖွံ့ဖြိုးရေးဦးစီးဌာနနဲ့ ထိုင်းနိုင်ငံ Amata Corporation တို့ ပူးပေါင်း၍ Yangon Amata Smart and Eco City စီမံကိန်း အကောင်အထည်ဖော် ဆောင်ရွက်နိုင်ခြင်းသည် နှစ်နိုင်ငံကြားကောင်းမွန်သော ပူးပေါင်းဆောင်ရွက်မှု တစ်ခု ဖြစ်ပါကြောင်း၊ နိုင်ငံတကာအဆင့်မီ Yangon Amata Smart and Eco City စီမံကိန်းကို နိုင်ငံခြား ရင်းနှီးမြှုပ်နှံမှုအဖြစ် ရန်ကုန်တိုင်းဒေသကြီး၊ ဒဂုံမြို့သစ် (အရှေ့ပိုင်း)နှင့် (တောင်ပိုင်း) မြို့နယ်၊ လေးထောင့်ကန်ကျေးရွာအနီး မြေဧရိယာ (၂၀၀၀)ဧကပေါ်တွင် စက်မှုဇုန်တည်ဆောက်ခြင်းမှ တစ်ဆင့် အလုပ်အကိုင်အခွင့်အလမ်း(၃၃၀၀၀)အထိ ဖန်တီးပေးနိုင်မှာဖြစ်ပြီး နိုင်ငံတော်အနေဖြင့် နှစ်စဉ် အခွန်အခများလည်း တိုးပွားရရှိစေမှာဖြစ်ပါကြောင်း၊ ထို့အပြင် စက်မှုဇုန်အတွင်းသို့ နိုင်ငံတကာ ရင်းနှီးမြှုပ်နှံမှုများလည်း ဝင်ရောက်လာမှာဖြစ်တဲ့အတွက် နိုင်ငံရဲ့ စက်မှုကဏ္ဍ၊ နိုင်ငံခြား ပို့ကုန်ကဏ္ဍ၊ လူ့စွမ်းအားအရင်းအမြစ်ကဏ္ဍ မြှင့်တင်ပေးနိုင်ပြီး လူမှု၊ စီးပွားဖွံ့ဖြိုးရေးအတွက် ကြီးမားသော အထောက်အပံ့များ ရရှိမည်ဖြစ်ကြောင်း ပြောကြားခဲ့ပါသည်။

၎။ ၎င်းနောက် မြန်မာနိုင်ငံဆိုင်ရာ ထိုင်းသံအမတ်ကြီး Mrs. Suphatra မှ အမှာစကားပြောကြားခဲ့ပါသည်။ ထို့နောက် ရန်ကုန်တိုင်းဒေသကြီးအစိုးရအဖွဲ့ဝင်၊ လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော် မှ အမှာစကား ပြောကြားခဲ့ပြီး Amata Corporation Public Company Limited မှ အမှုဆောင်အရာရှိချုပ်နှင့် Yangon Amata Smart and Eco City Limited မှ မန်နေဂျင်းဒါရိုက်တာက စီမံကိန်းနှင့်ပတ်သက်၍ ရှင်းလင်းပြောကြားခဲ့ပါသည်။

၅။ ယင်းနောက် မြို့ပြနှင့်အိမ်ရာဖွံ့ဖြိုးရေးဦးစီးဌာနမှ ညွှန်ကြားရေးမှူးချုပ် ဦးမင်းထိန်၊ Amata Corporation Public Company Limited နှင့် Yangon Amata Smart and Eco City Limited တို့မှ တာဝန်ရှိသူတို့က Yangon Amata Smart and Eco City စီမံကိန်းအတွက် ဖက်စပ်လုပ်ငန်း သဘောတူစာချုပ်၊ မြေငှားစာချုပ်နှင့် စီမံကိန်းနှင့်ဆက်စပ်သည့် မူဘောင်သဘောတူညီချက် စာချုပ်များအား လက်မှတ်ရေးထိုး၍ အပြန်အလှန်လဲလှယ်ကြပြီး စုပေါင်းမှတ်တမ်းတင်ဓါတ်ပုံရိုက်ကူးကာ အခမ်းအနားကို အောင်မြင်စွာကျင်းပပြီးစီးခဲ့ပါသည်။


ကျေးလက်နေပြည်သူများ၏ လူမှုစီးပွားဘဝ မြင့်မားလာစေရန်နှင့် လမ်းပန်းဆက်သွယ်ရေးကဏ္ဍ ဖွံ့ဖြိုးတိုးတက်လာစေရန် ရည်ရွယ်ချက်ဖြင့် ဆောက်လုပ်ရေးဝန်ကြီးဌာန ၊ ကျေးလက်လမ်းဖွံ့ဖြိုးရေးဦးစီးဌာန မှ တနင်္သာရီတိုင်းဒေသကြီး ၊ ထားဝယ်ခရိုင် ၊ သရက်ချောင်းမြို့နယ်ရှိ စုံစင် - ဂုံညှင်းဆိပ် ကျေးရွာချင်းဆက် ကွန်ကရစ်လမ်းသစ် ဖွင့်ပွဲအခမ်းအနားကို ၂၀၁၉ ခုနှစ် ၊ ဒီဇင်ဘာလ (၂၉)ရက် နံနက်ပိုင်းတွင် ကျင်းပပြုလုပ်ရာ ဆောက်လုပ်ရေးဝန်ကြီးဌာန ၊ ပြည်ထောင်စုဝန်ကြီး ဦးဟန်ဇော် ၊ တနင်္သာရီတိုင်းဒေသကြီး ဝန်ကြီးချုပ် ဦးမြင့်မောင် ၊ တိုင်းဒေသကြီးလွှတ်တော် ဥက္ကဌ ဦးခင်မောင်အေး ၊ တိုင်းဒေသကြီး ဥပဒေချုပ် ၊ တိုင်းဒေသကြီးအစိုးရအဖွဲ့ဝင် ဝန်ကြီးများ ၊ လွှတ်တော်ကိုယ်စားလှယ်များ ၊ ဌာနဆိုင်ရာ တာဝန်ရှိသူများ၊ အသင်းအဖွဲ့ အသီးသီးမှ တာဝန်ရှိသူများ၊ ကုမ္ပဏီများမှ တာဝန်ရှိသူများ၊ ရပ်မိရပ်ဖများ၊ ဒေသခံပြည်သူများ၊ တိုင်းရင်းသားရိုးရာ အကအဖွဲ့များနှင့် ဖိတ်ကြားထားသူများ တက်ရောက်ကြပါသည်။ စုံစင်-ဂုံညှင်းဆိပ် ကျေးရွာချင်းဆက် ကွန်ကရစ်လမ်းသစ်အား ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဟန်ဇော် ၊ တနင်္သာရီတိုင်းဒေသကြီး ဝန်ကြီးချုပ် ဦးမြင့်မောင် ၊ လျှပ်စစ် စွမ်းအင်နှင့် လမ်းပန်းဆက်သွယ်ရေး ဝန်ကြီး ဦးအောင်သူရ ၊ အမျိုးသားလွှတ်တော် ကိုယ်စားလှယ် ဦးအောင်ဝင်း ၊ တိုင်းဒေသကြီးလွှတ်တော် ကိုယ်စားလှယ် ဦးဝေဝေလွင် တို့က ဖဲကြိုးဖြတ် ဖွင့်လှစ်ပါသည် ။ ထို့နောက် ဆောက်လုပ်ရေးဝန်ကြီးဌာန ၊ ပြည်ထောင်စုဝန်ကြီး ဦးဟန်ဇော် က အမှာစကား ပြောကြားရာတွင် ဆောက်လုပ်ရေးဝန်ကြီးဌာန ၊ ကျေးလက်လမ်းဖွံ့ဖြိုးရေးဦးစီးဌာန မှ တနင်္သာရီတိုင်းဒေသကြီး ၊ ထားဝယ်ခရိုင် ၊ သရက်ချောင်းမြို့နယ်ရှိ စုံစင် - ဂုံညှင်းဆိပ် ကွန်ကရစ်လမ်းကို ဆောင်ရွက်ပေးနိုင်သည့်အတွက် ဝမ်းမြောက်ဂုဏ်ယူပါကြောင်း ၊ နိုင်ငံတော်အစိုးရ၏ မူဝါဒဖြစ်သော ပြည်သူကို မျက်နှာမူ၍ ဆောင်ရွက်သည့်လုပ်ငန်းများတွင် ကျေးလက် လမ်းတံတားများ ဖွံ့ဖြိုးတိုးတက်ရေးသည် အလွန်အရေးပါလှပါကြောင်း ၊ ဆောက်လုပ်ရေးဝန်ကြီးဌာန အနေဖြင့် အခြေခံအဆောက်အအုံများ ဖြစ်သည့် ပြည်ထောင်စုနှင့် တိုင်းဒေသကြီး တို့ကို ဆက်သွယ်သော လမ်း/တံတားများ ၊ ကျေးလက် ဒေသချင်းဆက် လမ်း/တံတားများ တည်ဆောက်ခြင်းနှင့် ပြုပြင်ထိန်းသိမ်းခြင်း ၊ ပြည်သူများ နေထိုင်ရေးအတွက် မြို့ပြဒေသဖွံ့ဖြိုးရေးနှင့် အိမ်ရာများဆောက်လုပ်ခြင်းကို စီမံချက်ချမှတ်ဆောင်ရွက်လျက် ရှိပါကြောင်း ၊ နိုင်ငံတော် ဖွံ့ဖြိုးတိုးတက်ရေးအတွက် လမ်း/တံတားများ အပါအဝင် အခြေခံအဆောက်အအုံများအား ပြည့်စုံအောင် ဆောင်ရွက်ခြင်းနှင့် အဆင့်မြှင့်တင်ခြင်း တို့သည် အဓိကလိုအပ်ချက်ဖြစ်ပါကြောင်း ၊ တစ်နိုင်ငံလုံး ကျေးလက်ဒေသပါမကျန် တစ်ပြေးညီ ဖွံ့ဖြိုးတိုးတက်ရေး ရည်မှန်းချက်ထား ဆောင်ရွက်လျက်ရှိရာ ၂၀၃၀ ခုနှစ်တွင် မြန်မာနိုင်ငံရှိ ကျေးရွာများအားလုံး (၈၀%)နှင့် နိုင်ငံအတွင်းရှိ ကျေးလက်လူဦးရေ၏ (၉၀%)အပေါ် ရာသီမရွေးသွားလာနိုင်သော ကျေးလက်လမ်းများအဖြစ် အသုံး ပြုနိုင်ရန် နှစ်စဉ်ရည်မှန်းချက်ထားရှိပြီး အဆင့်မြှင့်တင် ဆောင်ရွက်လျက်ရှိပါကြောင်း၊ ကျေးလက် လမ်း/တံတားများဟာ နိုင်ငံဖွံ့ဖြိုးတိုးတက်ရေးနှင့် ဒေသခံပြည်သူများ၏ လူမှုစီးပွားဘဝ တိုးတက်မြင့်မားရေးအတွက် အလွန်အရေးပါလှပါကြောင်း ၊ ဒေသခံပြည်သူများအတွက် ရာသီမရွေး ဆက်သွယ်သွားလာနိုင်တဲ့ လမ်းများ လိုအပ်ပါကြောင်း ၊ နိုင်ငံတော်အစိုးရအနေနှင့် ကျေးလက် လမ်းပန်းဆက်သွယ်ရေး လွယ်ကူချောမွေ့စေရေးအတွက် လမ်း/တံတား ဖွံ့ဖြိုးရေးဆိုင်ရာ မူဝါဒများ ရေးဆွဲချမှတ် ဆောင်ရွက်လျက်ရှိပါကြောင်း ၊ ဆောက်လုပ်ရေးဝန်ကြီးဌာန ၊ ကျေးလက်လမ်း ဖွံ့ဖြိုးရေးဦးစီးဌာန အနေဖြင့် ကျေးလက် လမ်း/တံတားများ ဖွံ့ဖြိုးတိုးတက်ရေးလုပ်ငန်းများကို သက်ဆိုင်ရာ အဖွဲ့အစည်းများနှင့် ပူးပေါင်းဆောင်ရွက်လျက်ရှိပြီး လမ်းများတည်ဆောက်ရာတွင် စံချိန်စံညွှန်း အရည်အသွေးပြည့်မီသော လမ်း/တံတားများ တည်ဆောက်ရေးနှင့် ကျေးရွာများအားလုံး ရာသီမရွေးဆက်သွယ်သွားလာနိုင်ရန် ရည်မှန်းချက်ထားရှိပြီး ကျေးလက်လမ်းများ ဖွံ့ဖြိုးရေး မဟာဗျူဟာစီမံချက်နှင့် ရင်းနှီးမြှပ်နှံမှုအစီအစဉ်(၂၀၁၇-၂၀၃၀)ကို ရေးဆွဲ ဆောင်ရွက်လျက် ရှိပါကြောင်း၊ လက်ရှိ မြန်မာနိုင်ငံအတွင်း ကျေးရွာပေါင်း (၆၃၈၈၉)ရွာရှိပြီး ကျေးလက်လမ်းမိုင်အရှည် (၅၅၅၀၇)နှင့် ကျေးလက်တံတားပေါင်း (၂၄၁၈၃)စင်းကို ကျေးလက်လမ်းဖွံ့ဖြိုးရေးဦးစီးဌာန မှ တာဝန်ယူ တည်ဆောက် ထိန်းသိမ်းလျက် ရှိပါကြောင်း ၊ အဆိုပါလမ်းများအနက် ရာသီမရွေး အသုံးပြုနိုင်သည့် ကျေးရွာ(၅၀%) ၊ ခြောက်သွေ့ရာသီ၌ အသုံးပြုနိုင်သည့် ကျေးရွာ(၃၆%)နှင့် လမ်းမရှိသေးသည့် ကျေးရွာ(၁၄%) ရှိပါကြောင်း၊ နိုင်ငံတစ်ဝှမ်း ကျေးလက်လမ်း/တံတား တည်ဆောက်ပြုပြင်ထိန်းသိမ်းရေး လုပ်ငန်းပမာဏ များပြားလွန်းသည့်အတွက် ဝန်ကြီးဌာနနှင့် အခြား သက်ဆိုင်ရာ ဝန်ကြီးဌာနများ ၊ ဖွံ့ဖြိုးရေး မိတ်ဖက်အဖွဲ့အစည်းများနှင့် လက်တွဲပူးပေါင်း ဆောင်ရွက်လျက်ရှိပါကြောင်း ၊ တနင်္သာရီတိုင်းဒေသကြီးအတွင်း ကျေးလက်လမ်းဖွံ့ဖြိုးရေးဦးစီးဌာန မှ ၂၀၁၇-၂၀၁၈ ဘဏ္ဍာရေး နှစ် ၊ ၂၀၁၈-၂၀၁၉ ဘဏ္ဍာရေးနှစ်နှင့် ၂၀၁၉-၂၀၂၀ ဘဏ္ဍာရေးနှစ်များအတွင်း မြေလမ်း(၃၄၄/၀)မိုင် ၊ ကျောက်လမ်း(၁၄၅/၁)မိုင် ၊ ကတ္တရာလမ်း(၂၆/၂)မိုင် ၊ ကွန်ကရစ်လမ်း(၂၃၂/၇)မိုင် ၊ စုစုပေါင်း(၇၈၄/၂)မိုင်နှင့် တံတား/ Box Culvert (၃၈၄)စင်းကို ပြည်ထောင်စု နှင့် တိုင်းဒေသကြီး ရန်ပုံငွေတို့ဖြင့် ဆောင်ရွက်ပေးနိုင်ခဲ့ပါကြောင်း ၊ ယခုလို ကုန်ကျစရိတ်နှင့် လျော်ညီစွာ အရည်အသွေးကောင်းမွန်သည့် ကျေးလက်လမ်း/တံတားများ ဒေသအသီးသီးတွင် ပေါ်ထွန်းလာကာ ကျေးလက်နေပြည်သူများ၏ လူနေမှုဘဝမြင့်မားလာပြီး ဆင်းရဲနွမ်းပါးမှုလျော့ချရေးတွင် ကြီးမားသော အကျိုးကျေးဇူးများ ရရှိမှာဖြစ်ပါတယ် ။ နိုင်ငံတော်မှ ငွေကြေး အမြောက်အများ အကုန်ကျခံ တည်ဆောက်ပေးသည့် စုံစင် - ဂုံညှင်းဆိပ် ကွန်ကရစ် လမ်းသစ်အား ရေရှည်တည်တံ့ခိုင်မြဲရေးအတွက် ဒေသခံပြည်သူများမှ ဝိုင်းဝန်းထိန်းသိမ်းစောင့်ရှောက် ပေးစေလိုပါကြောင်း ပြောကြားပါသည်။ ၎င်းနောက် တနင်္သာရီတိုင်းဒေသကြီး ဝန်ကြီးချုပ် ဦးမြင့်မောင် က ဒေသဖွံ့ဖြိုးရေး အခြေအနေနှင့် ကျေးလက်ဒေသ ဖွံ့ဖြိုးတိုးတက်ရေးအတွက် ကျေးလက်လမ်း/တံတားများ ဖွံ့ဖြိုးတိုးတက်ရေး ဆောင်ရွက်ချက်များနှင့် ပတ်သက်၍ ရှင်းလင်းပြောကြားပါသည်။ ဒေသခံပြည်သူတစ်ဦးက စုံစင် - ဂုံညှင်းဆိပ် ကျေးရွာချင်းဆက် ကွန်ကရစ်လမ်းသစ် ဖွင့်လှစ်ပေးသည့်အတွက် ဒေသခံပြည်သူများကိုယ်စား ကျေးဇူးတင်ပါကြောင်းနှင့် အဆိုပါ ကွန်ကရစ် လမ်းကြီး ရေရှည်တည်တံ့ခိုင်မြဲရေးအတွက် ဝိုင်းဝန်း ထိန်းသိမ်းစောင့်ရှောက်သွားမည် ဖြစ်ကြောင်း ပြောကြားပါသည်။ ထို့နောက် ပြည်ထောင်စုဝန်ကြီး၊ ဝန်ကြီးချုပ်နှင့် ဧည့်သည်တော်များသည် စုံစင် - ဂုံညှင်းဆိပ် ကျေးရွာချင်းဆက် ကွန်ကရစ်လမ်းသစ်ပေါ်မှ ဖြတ်သန်းကြည့်ရှုကြပါသည် ။ ယနေ့ဖွင့်လှစ်သည့် စုံစင် - ဂုံညှင်းဆိပ် ကွန်ကရစ်လမ်းသည် အရှည် (၈)မိုင် (၃)ဖာလုံ ရှိပြီး ယခင်က အကျယ်(၁၄)ပေ မြေသားလမ်းအမျိုးအစား အဆင့်သာရှိခဲ့ရာမှ ကျေးလက်လမ်း ဖွံ့ဖြိုးရေးဦးစီးဌာန မှ လမ်းတာဘောင်အား အကျယ်(၃၀)ပေ ချဲ့ပြီး အကျယ်(၁၂)ပေ ကွန်ကရစ်လမ်းအဆင့် တည်ဆောက်ပြီးစီးပါသည် ။ စုံစင် - ဂုံညှင်းဆိပ် ကျေးရွာချင်းဆက်လမ်းသည် လမ်းအဆင့် Class(A) ဦးစားပေးအဆင့်(၁) ရှိသောလမ်း ဖြစ်ပါသည်။ ပြည်ထောင်စုလမ်းမကြီး ဖြစ်သော ထားဝယ် - မြိတ် လမ်းမကြီးမှ အဓိကခွဲထွက်သော လမ်းဖြစ်ပြီး စုံစင်ဖျားရွာ ၊ မြလေးပြင်ရွာ ၊ စုံစင်ရွာ ၊ ချောင်းဝပြင်ရွာ ၊ သရက်ပင် အိုင်ရွာ ၊ ကျွဲရေအိုင်ရွာ ၊ ရေချိုချောင်းရွာနှင့် ပင်လယ်ကမ်းစပ်ရှိ ဂုံညှင်းဆိပ်ရွာ ၊ သဲလမ်းရွာ တို့ကို ဆက်သွယ် ဖောက်လုပ်ထားသောလမ်း ဖြစ်ပါသည် ။ ဆက်လက်၍ နေ့လည်ပိုင်းတွင် တနင်္သာရီတိုင်းဒေသကြီး ၊ မြိတ်ခရိုင် ၊ ပုလောမြို့နယ် ၊ လက္ကူး - မြဒေါင် - တို လမ်းပေါ်ရှိ ပိတပ် - မြဒေါင် တံတားဖွင့်ပွဲကို ကျင်းပပြုလုပ်ရာ ပြည်ထောင်စုဝန်ကြီး ဦးဟန်ဇော် က အမှာစကားပြောကြားရာတွင် အခုဖွင့်လှစ်လိုက်တဲ့ ပိတပ် - မြဒေါင် တံတားအား ကျေးလက်လမ်းဖွံ့ဖြိုးရေးဦးစီးဌာနမှ အပ်နှံရန်ပုံငွေနဲ့ တံတားဦးစီးဌာနမှ တည်ဆောက်ပေးခြင်း ဖြစ်ပါကြောင်း၊ အရှည်(၄၂၀)ပေ အကျယ်(၁၂)ပေရှိတဲ့ ဘေလီတံတား တစ်စင်းဖြစ်ကာ အောက်ခြေအုတ်မြစ်မှာ (၀.၈)မီတာအချင်းရှိ ဘိုးပိုင်အမျိုးအစားဖြစ်ပြီး၊ ကိုယ်ထည်မှာ သံကူ ကွန်ကရစ် ဖြစ်ပါကြောင်း ၊ အပေါ်ထည်ကတော့ တစ်လွှာတစ်ထပ်ဘေလီဖြစ်ပြီး၊ ယာဉ်တန်ချိန် (၁၈)တန် သွားလာနိုင်မည် ဖြစ်ပါကြောင်း ၊ တိုင်းဒေသကြီး ခွင့်ပြုရန်ပုံငွေနဲ့ တည်ဆောက်ခဲ့တာ ဖြစ်ပြီး တံတားကြီး ရေရှည်တည်တံ့ခိုင်မြဲရေးနှင့် ကာလကြာရှည်စွာ အသုံးပြုနိုင်ရန်အတွက် ဒေသခံပြည်သူများမှ ဝိုင်းဝန်းထိန်းသိမ်းစောင့်ရှောက်ပေးကြစေလိုကြောင်း ပြောကြားပါသည်။ ၎င်းနောက် တိုင်းဒေသကြီးဝန်ကြီးချုပ် ဦးမြင့်မောင်က ကျေးလက်ဒေသ ဖွံ့ဖြိုးတိုးတက်ရေး အတွက် ကျေးလက် လမ်း/တံတားများ ဖွင့်လှစ်ပေးခြင်းနှင့်စပ်လျဉ်း၍ ရှင်းလင်းပြောကြားပြီး ဒေသခံပြည်သူတစ်ဦးက ကျေးဇူးတင်စကား ပြောကြားပါသည်။ ပြည်ထောင်စုဝန်ကြီး ဦးဟန်ဇော် နှင့် တိုင်းဒေသကြီး ဝန်ကြီးချုပ် ဦးမြင့်မောင် တို့က ပိတပ် - မြဒေါင် တံတားကဗ္ဗည်းမော်ကွန်း ကျောက်စာအား စက်ခလုတ်နှိပ် ဖွင့်လှစ်ပါသည် ။ ဆက်လက်၍ ပြည်ထောင်စုဝန်ကြီးနှင့်အဖွဲ့သည့် ညနေပိုင်းတွင် တံတားဦးစီးဌာန ၊ တည်ဆောက်ရေးအဖွဲ့(၄)က တာဝန်ယူတည်ဆောက်နေသော သမုတ်လွတ်လွတ် တံတား တည်ဆောက်ရေးစီမံကိန်း လုပ်ငန်းခွင်ရှင်းလင်းဆောင်သို့ ရောက်ရှိရာ ညွှန်ကြားရေးမှူး(မြို့ပြ) ဦးကျော်မျိုးထွန်းက တံတားတည်ဆောက်ရေးလုပ်ငန်းများ ဆောင်ရွက်နေမှုနှင့် ဆက်လက် ဆောင်ရွက်မည့် လုပ်ငန်းအစီအစဉ်များကို လည်းကောင်း ၊ တနင်္သာရီတိုင်းဒေသကြီး ၊ လမ်းဦးစီးဌာန ညွှန်ကြားရေးမှူး(မြို့ပြ) ဦးသက်ဇော်ဝင်း က ချဉ်းကပ်လမ်းမြေကြီးလုပ်ငန်း ဆောင်ရွက်ထားရှိ အခြေအနေကို လည်းကောင်း အသီးသီး ရှင်းလင်းတင်ပြမှုအပေါ် ပြည်ထောင်စုဝန်ကြီး က တည်ဆောက်ရေးလုပ်ငန်းများ သတ်မှတ် အချိန်မီ ပြီးစီးရေး ၊ အရည်အသွေး စံချိန်စံညွှန်းပြည့်မီရေး ၊ လုပ်ငန်းခွင်ဘေးအန္တရာယ် ကင်းရှင်းရေး အထူးအလေးထားဆောင်ရွက်ရန် မှာကြားပါသည် ။ သမှတ်လွတ်လွတ်တံတားသည် တနင်္သာရီတိုင်းဒေသကြီး ၊ မြိတ်ခရိုင် ၊ မြိတ်မြို့နယ် ၊ ထားဝယ် - မြိတ်လမ်း ၊ ကီလိုမီတာ (၂၂၁.၂)အနီးတွင် တည်ရှိပြီး တံတားအရှည် (၁၂၇၈)ပေ ၊ တံတားအမျိုးအစား အုတ်မြစ် - 1.5 mǿ Bored Pile ကိုယ်ထည် - RC Concrete ၊ အပေါ်ထည် - PC Girder , Steel Box Girder နှင့် RC Decking တို့ဖြင့် တည်ဆောက်ထားပါသည်။ ယာဉ်သွားလမ်း အကျယ်(၂၄)ပေ နှစ်လမ်းသွား ၊ လူသွားလမ်း တစ်ဖတ်လျှင်(၃)ပေစီ ပါရှိပြီး ရေလမ်းကင်းလွတ် အကျယ်(၁၆၄)ပေ ၊ အမြင့်(၁၅)ပေ ရှိကာ ခွင့်ပြုအလေးချိန်မှာ AASHTO HS 25-44 ဖြစ်သည် ။ ယခုအခါတံတားတစ်စင်းလုံး (၈၃%) ပြီးစီးနေပြီး ကျန်လုပ်ငန်းများ အရှိန်အဟုန်ဖြင့် ဆောင်ရွက်လျှက်ရှိပါသည် ။


 


Page 1 of 43

နေ့စဉ်သတင်းစာများရယူရန်