ဆောက်လုပ်ရေးဝန်ကြီးဌာန ၊ ပြည်ထောင်စုဝန်ကြီး ဦးဟန်ဇော် သည် ဌာနဆိုင်ရာ တာဝန်ရှိသူများ လိုက်ပါလျက် ၂၀၁၉ ခုနှစ် ၊ ဇွန်လ(၁၅) ရက်နေ့ ၊ နေ့လယ်ပိုင်းတွင် မြန်မာ-ထိုင်း ချစ်ကြည်ရေး တံတားအမှတ် (၁) သို့ ရောက်ရှိပြီး မြန်မာဘက်ခြမ်း တံတားပေါ်တွင် တံတားကြီး ကြံ့ခိုင်မှု အခြေအနေနှင့် တံတားအောက် ဖြတ်သန်းစီးဆင်းသည့် သောင်းရင်းမြစ် ရေလမ်းကြောင်း အခြေအနေတို့ကို ကြည့်ရှု့စစ်ဆေးပြီး တံတားကြီး ရေရှည်တည်တံ့ခိုင်မြဲရေးအတွက် အမြဲမပြတ် စစ်ဆေးပေးရန် တာဝန်ရှိသူများအား မှာကြားပါသည်။
ထို့နောက် ပြည်ထောင်စုဝန်ကြီးနှင့် အဖွဲ့သည် မြဝတီ - ကော့ကရိတ် လမ်းအခြေအနေကို လည်းကောင်း ၊ ကျားကလေး - ဇာသပြင် - မော်လမြိုင်လမ်း ပြုပြင်ထိန်းသိမ်းထား ရှိမှု အခြေအနေ တို့ကို လမ်းတစ်လျှောက်ကြည့်ရှု့စစ်ဆေးပြီး တံတားဉီးစီးဌာန၊ တည်ဆောက်ရေး အဖွဲ့(၄)၊ တံတား အထူးအဖွဲ့(၁၄)မှ တည်ဆောက်နေသော အတ္တရံမြစ်ကူး (စံပယ်ဂူ) တံတား တည်ဆောက်ရေး လုပ်ငန်းခွင်သို့ရောက်ရှိရာ ရှင်းလင်းဆောင်တွင် တံတားတည်ဆောက်ရေး တာဝန်ခံ အင်ဂျင်နီယာ ဒုတိယညွှန်ကြားရေးမှူး (မြို့ပြ) ဉီးဇော်မိုးလွင်က တံတားစီမံကိန်း ဖြစ်မြောက်နိုင်စွမ်း လေ့လာမှုမှ တံတားအူကြောင်းရွေးချယ်ထားရှိမှု ၊ တံတားဆိုင်ရာ အချက်အလက်များ ၊ ရန်ပုံငွေရရှိမှု ၊ လုပ်ငန်း စီမံချက်နှင့်တိုးတက်မှု ၊ ဘေးအန္တရာယ်ကင်းရှင်းရေးနှင့် အရည်အသွေးစစ်ဆေးခြင်းလုပ်ငန်းများ ဆောင်ရွက်ထားရှိမှု ၊ Bored Pile တူးရာတွင် တွေ့ကြုံရသည့် အခက်အခဲများနှင့် ပတ်သက်၍ လည်းကောင်း ၊ မွန်ပြည်နယ် ၊ ညွှန်ကြားရေးမှူး(မြို့ပြ) ဉီးကြည်သွင်ဉီးက ချဉ်းကပ်လမ်းလုပ်ငန်များ ဆောင်ရွက်ထားရှိမှုတို့ကို အသီးသီးရှင်းတင်ပြကြပါသည်။ 
တင်ပြချက်များအပေါ် ပြည်ထောင်စုဝန်ကြီး က မြစ်ကူးတံတားကြီးများ တည်ဆောက်ရာတွင် တံတားနေရာရွေးချယ်မှု ၊ မြေစမ်းသပ်မှုနှင့် တံတားဘိုးပိုင်လုပ်ငန်းများသည် အရေးကြီးသည့် အပိုင်းတွင်ပါဝင်ပါကြောင်း၊ တံတားတည်ဆောက်ရေးအတွေ့အကြုံများပြားလာသည်နှင့် အမျှ အရည်အသွေးစံချိန်စံညွှန်းပြည့်မီပြီး လက်ရာသေသပ်ကောင်းမွန်လာသည့် တံတားများကို တွေ့မြင် ရပြီဖြစ်ပါကြောင်း၊ လမ်းပန်းဆက်သွယ်ရေးကောင်းမွန်လာသည်နှင့်အညီ ကျေးလက်၊ မြို့ပြ တစ်ပြေးညီဖွံ့ဖြိုးတိုးတက်လာမှာဖြစ်ကြောင်း၊ ယခုတံတားကြီးကို ပြည်သူများအမြန်ဆုံး အသုံးပြု နိုင်ရန် စံချိန်စံညွှန်းနှင့်အညီသတ်မှတ်အချိန်မီပြီးစီးရေး အထူးအလေးထားဆောင်ရွက်ရန် မှာကြားပြီး စက်ယန္တရားကြီးများဖြင့် ဘိုးပိုင်တူးခြင်းလုပ်ငန်း ဆောင်ရွက်နေမှုတို့ကို ကြည့်ရှု စစ်ဆေးပါသည်။
ယခုတည်ဆောက်နေသည့် အတ္ထရံမြစ်ကူး(စံပယ်ဂူ)တံတားသည် မွန်ပြည်နယ် ၊ ကျိုက်မရောမြို့နယ်၊ ကျိုက်မရော - စံပယ်ဂူ - ကော့ပနောလမ်းပေါ်တွင်တည်ရှိပြီး တံတားအမျိုး အစားမှာ အပေါ်ထည်ပင်မတံတားကို သံမဏိသံပေါင်းဂုံးဖြင့် ထည့်သွင်းတည်ဆောက်ထားပြီး ချဉ်းကပ် တံတားနှင့်ကိုယ်ထည်အပေါ်ပိုင်းကို ကြိုတင်အားဖြည့်သံကူကွန်ကရစ်တို့ဖြင့် တည်ဆောက်ထား ပါသည်။ တံတား၏ အုတ်မြစ်ကို 1.2 Øm Bored Pile Foundation ဖြစ်ပြီး တံတားအရှည် (၂၁၁၃ပေ ၂လက်မ) ၊ ယာဉ်သွားလမ်းအကျယ်(၂၇ပေ ၁၁လက်မ) ၊ လူသွားလမ်းတစ်ဖက်လျှင် (၃ပေ ၃လက်မ)စီပါရှိကာ တံတားအောက်ရေလမ်းကင်းလွှတ်အကျယ်(၃၆၀)ပေ၊ အမြင့်(၄၆)ပေနှင့် ယာဉ်တစ်စီးချင်းခွင့်ပြု အလေးချိန်မှာ AASH TO (HS 25-44)ဖြစ်ပါသည်။
အတ္တရံမြစ်ကူး(စံပယ်ဂူ)တံတား တည်ဆောက်ပြီးစီးသွားပါက လမ်းပန်း ဆက်သွယ်ရေး ကောင်းမွန်လာပြီး အတ္တရံမြစ်အရှေ့ဘက်ခြမ်းရှိ ကျေးရွာအုပ်စု (၃၁) အုပ်စု ၊ ကျေးရွာပေါင်း (၉၇) ရွာ ၊ လူဉီးရေ တစ်သိန်းသုံးသောင်းကျော်နှင့် အတ္တရံမြစ် အနောက်ဘက်ခြမ်းရှိ ကျေးရွာအုပ်စု (၁၃) အုပ်စု၊ ကျေးရွာပေါင်း (၆၁)ရွာ၊ ကျိုက်မရောမြို့ပေါ်ရှိ ရပ်ကွက်(၄)ရပ်ကွက် လူဉီးရေ ကိုးသောင်းကျော် တို့ကို တိုက်ရိုက် အကျိုးပြုမှာဖြစ်သလို အနယ်နယ်အရပ်ရပ်မှ ခရီးသွားပြည်သူများ သွားလာရေး လွယ်ကူချောမွေ့ပြီး ကုန်စည်စီးဆင်းမှုများလည်း သွက်လက်မြန်ဆန် လာမှာဖြစ်ပါ သည်။
ဆက်လက်၍ ပြည်ထောင်စုဝန်ကြီးနှင့် အဖွဲ့သည် ကျိုက်မရောဘက်ခြမ်း ချဉ်းကပ်လမ်း လုပ်ငန်းများ ဆောင်ရွက်နေမှု ၊ ကျိုက်မရော-မော်လမြိုင် ကတ္တရာ ကွန်ကရစ်လမ်း အခြေအနေ တို့ကို ကြည့်ရှု့စစ်ဆေး ကြပါသည်။


ဆောက်လုပ်ရေးဝန်ကြီးဌာန၊ လမ်းဦးစီးဌာန၊ ကရင်ပြည်နယ်၊ ကော့ကရိတ်ခရိုင် က တာဝန်ယူ ဆောင်ရွက်သော မြဝတီ - ဝေါလေလမ်း ကွန်ကရစ်လမ်းသစ် ဖွင့်ပွဲအခမ်းအနားကို ၂၀၁၉ ခုနှစ်၊ ဇွန်လ(၁၅)ရက် နံနက်(၀၇း၃၀)အချိန်တွင် ကျင်းပပြုလုပ်ရာ အမျိုးသားလွှတ်တော်ဥက္ကဌ မန်းဝင်းခိုင်သန်းတက်ရောက်ဖွင့်လှစ်ပေးပါသည်
အဆိုပါအခမ်းအနားသို့ ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဟန်ဇော်၊ ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့်၊ ကရင်ပြည်နယ် လွှတ်တော်ဥက္ကဌ ဦးစောချစ်ခင်နှင့် အစိုးရအဖွဲ့ဝင် ဝန်ကြီးများ၊ ဒီမိုကရေစီအကျိုးပြု ကရင်အမျိုးသားရေးတပ်မတော် မှ စစ်ဦးစီးချုပ် ဗိုလ်ချုပ်ကြီး စောမူရှေး၊ လွှတ်တော်ကိုယ်စားလှယ်များ၊ ဌာနဆိုင်ရာအကြီးအကဲများ ပြည်နယ်၊ ခရိုင်၊ မြို့နယ် အဆင့် တာဝန်ရှိပုဂ္ဂိုလ်များ၊ အဖွဲ့အစည်းအသီးသီးမှ ပုဂ္ဂိုလ်များ၊ ဒေသခံတိုင်းရင်းသား ပြည်သူများ၊ ဖိတ်ကြားထားသည့် ဧည့်သည်တော်များ၊ တိုင်းရင်းသား ရိုးရာအကအဖွဲ့များ စုံညီစွာ တက်ရောက်ကြပါသည်။ 
အခမ်းအနားတွင် ရှေးဦးစွာ အမျိုးသားလွှတ်တော်ဥက္ကဌ မန်းဝင်းခိုင်သန်း မှ အဖွင့် အမှာစကား ပြောကြားရာတွင် ဒီနေ့ဖွင့်လှစ်တဲ့ မြဝတီ - ဝေါလေ လမ်းဟာ ယခင်က မြေလမ်းနှင့် အမာခံလမ်းအဆင့်သာ ရှိရာမှ ယခုအခါ ကွန်ကရစ်လမ်းနှင့် ကတ္တရာလမ်း အဆင့်သို့ တိုးမြှင့် ဆောင်ရွက်ပေးနိုင်ခဲ့ပြီး ဖြစ်ပါကြောင်း၊ မြဝတီ - ဝေါလေ လမ်းသည် သောင်ရင်းမြစ် အနောက်ဘက်ကမ်း နှင့် ဒေါနတောင်တန်း အရှေ့ဘက်ခြမ်းမှာ တည်ရှိတဲ့အတွက် နယ်စပ်ဒေသဖွံ့ဖြိုးရေးအတွက် အရေးပါတဲ့လမ်း တစ်လမ်းဖြစ်ပါကြောင်း၊ မြဝတီ - ဝေါလေ လမ်းဟာ ထိုင်း - မြန်မာ နယ်စပ်တစ်လျှောက် မှာ ဖြတ်သန်းဖောက်လုပ်ထားခြင်း ဖြစ်တာကြောင့် ဒီနယ်စပ် တစ်လျှောက်မှာ နေထိုင်ကြတဲ့ ဒေသခံ ပြည်သူတွေအတွက် အလွန်အရေးပါတဲ့ လမ်းတစ်လမ်းဖြစ်သလို တစ်ဖက်နိုင်ငံနဲ့ ကုန်စည်ကူးသန်း ရောင်းဝယ်ရာမှာလည်း လမ်းပန်းဆက်သွယ်ရေး ကောင်းမွန်သွားတာကြောင့် ဒေသထွက်ကုန်တွေကို အချိန်တိုအတွင်း ကူးသန်းရောင်းဝယ်နိုင်ကြမှာ ဖြစ်ပါကြောင်း၊ ကရင်ပြည်နယ်အတွင်း နယ်စပ်ဒေသတွေ ဖွံ့ဖြိုးတိုးတက်ရန် ရည်ရွယ်ပြီး ယခုအစိုးရသစ်ရဲ့ ၂၀၁၆-၂၀၁၇ ဘဏ္ဍာနှစ်မှ စတင်ကာ နှစ်စဉ်နိုင်ငံတော်က ရန်ပုံငွေများ ခွင့်ပြုပြီး ကွန်ကရစ်လမ်းအဖြစ် အဆင့်မြှင့်တင် ဆောင်ရွက်ခဲ့ တာကြောင့် ယခုအခါ မြဝတီ - ဝေါလေ လမ်းတစ်လျှောက် လမ်းပန်းဆက်သွယ်မှု လုံခြုံချောမွေ့ခဲ့ပြီ ဖြစ်တာကို တွေ့မြင်ရမှာ ဖြစ်ပါကြောင်း၊ ယခုလို နိုင်ငံတော်အနေနဲ့ ဒီ မြဝတီ - ဝေါလေ လမ်းကို ကွန်ကရစ်လမ်းအဖြစ် ဆောင်ရွက်နိုင်ရန် ရန်ပုံငွေတွေ ခွင့်ပြုပေးရခြင်းဟာ ကရင်ပြည်နယ်အတွင်း လမ်း၊ တံတား အခြေခံ အဆောက်အဦတွေတိုးတက်ပြီး ဒေသခံတိုင်းရင်သား ပြည်သူများရဲ့ လူမှုစီးပွား ဘဝတွေ တိုးတက်မြင့်မားလာဘို့ဖြစ်ပါကြောင်း၊ ယခင်က ကရင်ပြည်နယ်ဟာ ငြိမ်းချမ်းမှုတွေ ဆိတ်သုန်းခဲ့တာကြောင့် အခြေခံအဆောက်အဦဖြစ်တဲ့ လမ်း၊ တံတားတွေကို တိုးတက်တည်ဆောက် ပေးနိုင်ခဲ့ခြင်းမရှိခဲ့ပါဘဲ ယခုအခါမှာတော့ ဒေသခံ တိုင်းရင်းသားပြည်သူများရဲ့ ဆန္ဒနဲ့အညီ ကရင် ပြည်နယ်အတွင်း ငြိမ်းချမ်းရေး လုပ်ငန်းတွေကို အဆင့်ဆင့် အကောင်အထည်ဖော်ဆောင်ပြီး ငြိမ်းချမ်းလျက်ရှိတာကြောင့် လမ်း၊ တံတား အဆောက်အဦတွေကို တိုးတက်တည်ဆောက်ပေးနိုင်ခဲ့ပြီး ဖြစ်ပါကြောင်း၊ တိုးတက်တည်ဆောက်ပေးခဲ့တဲ့ လမ်း၊ တံတားတွေကို ဒေသခံပြည်သူများက ရေရှည် တည်တံ့ခိုင်မြဲအောင် ဝိုင်းဝန်းထိန်းသိမ်းကြဘို့လိုပါကြောင်း၊ ကရင်ပြည်နယ်အတွင်း နိုင်ငံတော်မှ အကုန်ကျခံ တည်ဆောက်ပေးထားတဲ့ မြဝတီ-ဝေါလေကွန်ကရစ် လမ်းကြီး ဖြစ်ပေါ်လာတာကြောင့် နယ်စပ်ဒေသတစ်လျှောက်မှာ နေထိုင်ကြတဲ့ ဒေသခံတိုင်းရင်းသားပြည်သူများရဲ့ လူမှုစီးပွားဘဝများ မြင့်မားတိုးတက်လာယုံသာမက ကရင်ပြည်နယ်အတွင်း မှီတင်းနေထိုင်ကြတဲ့ တိုင်းရင်းသား ပြည်သူများအနေနဲ့လည်း ယခင်က လမ်းပန်းဆက်သွယ်ရေးခက်ခဲတဲ့ နယ်စပ်လမ်းတစ်လျှောက် သွားလာပြီး ကုန်စည်များကူးသန်း ရောင်းဝယ်နိုင်ပြီဖြစ်ပါကြောင်း၊ မြဝတီ - ဝေါလေလမ်းကြီးဖြစ် ပေါ်လာအောင် မိမိတို့အစိုးရ လက်ထက်မှာ အဘက်ဘက်က ကူညီစွမ်းဆောင်ပေးခဲ့တဲ့ ငြိမ်းချမ်းရေး အဖွဲ့အစည်းနဲ့ ကုမ္ပဏီများ၊ ဒေသခံပြည်သူများကိုလည်း အထူးပင်ကျေးဇူးတင် ဂုဏ်ယူမိပါကြောင်းဖြင့် ပြောကြားပါသည်။ 
ထို့နောက် ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဟန်ဇော်က ယနေ့ ဖွင့်လှစ်တဲ့ မြဝတီ-ဝေါလေလမ်းသည် မြဝတီမြို့မှ ဝေါလေမြိုင်မြို့ကို ဆက်သွယ်ထားသော လမ်းကြောင်းဖြစ်ပြီး အရှည်(၄၄)မိုင် (၇)ဖာလုံ ရှည်လျားပြီး ယခင်က (၁၂)မိုင်ခန့်သာ ကတ္တရာလမ်းအဖြစ်ရှိခဲ့ရာ ကျန်သည့် (၃၂)မိုင် (၇)ဖာလုံခန့်ဟာ အမာခံ လမ်းအဆင့်သာရှိပါကြောင်း၊ ယခုအစိုးရသစ် လက်ထက်မှာ ၂၀၁၆-၂၀၁၇ ဘဏ္ဍာရေးနှစ်မှစပြီး ၂၀၁၉-၂၀၂၀ ဘဏ္ဍာရေးနှစ်အထိ ရရှိတဲ့ပြည်နယ် ငွေလုံးငွေရင်း ရန်ပုံငွေ ကျပ် (၈၈၀၇.၀၄) သန်းနှင့် (၁၈)ပေအကျယ် ကွန်ကရစ်လမ်းအဖြစ် ယခုလို ဆောင်ရွက်ပေးခဲ့တာ ဖြစ်ပါကြောင်း၊ ၎င်းအပြင် မြဝတီ-ဝေါလေလမ်း တစ်လျှောက် ပေ(၅၀)အောက် ကွန်ကရစ်တံတား (၅၁)စင်း ပေ(၁၈၀)အထက် တံတားတစ်စင်းနှင့် ကွန်ကရစ်ရေပြွန် (၆၄)စင်း ကိုလည်း တည်ဆောက် ပေးနိုင်ခဲ့ပါကြောင်း၊ မြန်မာနိုင်ငံ၏ လမ်း၊ တံတားများကို အဆင့်မီဖွံ့ဖြိုးတိုးတက်စေရန်နှင့် သယ်ယူပို့ဆောင်ရေးစရိတ်နှင့် အချိန်ကိုလျော့ချ နိုင်ရန် ရည်မှန်းချက်ဖြစ်တဲ့ ၂၀၃၀ ခုနှစ်တွင် လက်ရှိလမ်းများ ကို ASEAN Class III (၁၈)ပေ အကျယ် ကတ္တရာလမ်း / ကွန်ကရစ်လမ်းအဆင့် အနည်းဆုံးရောက်ရှိရန် ၊ မျှော်မှန်းချက်ဖြစ်တဲ့ တိုင်းဒေသကြီး/ ပြည်နယ်များအလိုက် လမ်း၊ တံတားများနှင့် မြို့ပြဒေသများ အချိုးညီ ဖွံ့ဖြိုးတိုးတက်လာစေရန် တို့ကို အဓိက ဦးတည်ပြီး ဆောင်ရွက်လျက်ရှိပါကြောင်း ၊ ဆောက်လုပ်ရေးဝန်ကြီးဌာန မူဝါဒ၊ ရည်မှန်းချက်နှင့် မျှော်မှန်းချက်တွေ အကောင်အထည်ပေါ်လာဘို့ အတွက် ယခု မြဝတီ-ဝေါလေလမ်း (၄၄)မိုင် (၇)ဖာလုံ၊ (၁၈)ပေအကျယ် ကွန်ကရစ်လမ်းဖြစ်ပေါ်လာအောင် လမ်းညွှန်ကြီးကြပ်ပေးပါသော ကရင်ပြည်နယ် အစိုးရအဖွဲ့နှင့် ကရင်ပြည်နယ် လွှတ်တော်ကိုယ်စားလှယ်များ၊ လုပ်ငန်းအကောင်အထည် ဖော်ပေးသော ဒေသခံငြိမ်းချမ်းရေး အဖွဲ့အစည်းများနှင့် ဒေသခံကုမ္ပဏီများ၊ လမ်းဦးစီးဌာန၊ ကရင်ပြည်နယ် ဝန်ထမ်းများအားလုံးကို အထူးပင်ကျေးဇူးတင် ရှိပါကြောင်း၊ မြဝတီ-ဝေါလေလမ်းဟာ မြဝတီမြို့နဲ့ ဝေါလေမြိုင်မြို့ကို ဆက်သွယ်တဲ့ မြို့ချင်းဆက် လမ်းဖြစ်သော်လည်း ထိုင်း-မြန်မာနယ်စပ် တစ်လျှောက်မှာ တည်ရှိတာကြောင့် နယ်စပ်ဒေသနေ တိုင်းရင်းသားပြည်သူများအတွက် ကုန်စည် ကူးသန်းရောင်းဝယ်ရာမှာ အချက်အချာကျတဲ့ လမ်းတစ်လမ်းအဖြစ် တည်ရှိနေမှာဖြစ်ပါကြောင်း၊ ယခုအခါမှာ ကရင်ပြည်နယ်ဟာ ရာနှုန်းပြည့်နီးပါး ငြိမ်းချမ်းနေတာကြောင့် လမ်း၊ တံတားတွေကို တိုးတက်ပြုပြင်ခြင်း၊ အဆင့်မြှင့်တင်ခြင်းတွေကို ဆောက်လုပ်ရေးဝန်ကြီးဌာနအနေနဲ့ အားသွန်ခွန်စိုက် ဆောင်ရွက်ပေးနိုင်ခဲ့ခြင်းဖြစ်ပါကြောင်း၊ လမ်း၊ တံတားတွေကို တိုးတက်ပြုပြင် အဆင့်မြှင့်တင်ပေးနိုင် ခဲ့တဲ့အတွက် ကရင်ပြည်နယ်သူ၊ ပြည်နယ်သားများအနေဖြင့် တစ်နေရာမှ တစ်နေရာ လွယ်ကူစွာ ကူးလူးဆက်ဆံနိုင်ကြပြီး ငြိမ်းချမ်းရေးရဲ့ အသီးအပွင့်များအဖြစ် လူမှုစီးပွားဘဝများ မြင့်မားတိုးတက် လာတဲ့အတွက် များစွာဂုဏ်ယူဝမ်းမြောက် မိပါကြောင်း၊ ကရင်ပြည်နယ် ဖွံ့ဖြိုးတိုးတက်ဘို့အတွက် နိုင်ငံတော်က အကုန်အကျခံ တည်ဆောက် ပေးထားတဲ့ မြဝတီ-ဝေါလေလမ်းကို ဒေသခံပြည်သူများ စိတ်ချမ်းမြေ့စွာ ကူးသန်းသွားလာ ဆက်သွယ် နိုင်အောင် ဝိုင်းဝန်းထိန်းသိမ်း ပေးစေလိုပါကြောင်းဖြင့် ပြောကြားပါသည်။ 
၎င်းနောက် ဒီမိုကရေစီအကျိုးပြု ကရင်အမျိုးသားရေးတပ်မတော်မှ စစ်ဦးစီးချုပ် ဗိုလ်ချုပ်ကြီး စောမူရှေးက ကရင်ပြည်နယ်အတွင်း ငြိမ်းချမ်းရေးဆောင်ရွက်ချက်များနှင့် လမ်းပန်း ဆက်သွယ်ရေး ဖွံ့ဖြိုးတိုးတက်အောင် ဆောင်ရွက်ချက်များနှင့်ပတ်သက်၍ ရှင်းလင်းပြောကြားပါသည်။
အစီအစဉ်အရ မင်္ဂလာအချိန်တွင် မြဝတီ-ဝေါလေ ကွန်ကရစ်လမ်းသစ်အား အမျိုးသား လွှတ်တော်ဥက္ကဌ မန်းဝင်းခိုင်သန်း ၊ ဆောက်လုပ်ရေးဝန်ကြီးဌာန ၊ ပြည်ထောင်စုဝန်ကြီး ဦးဟန်ဇော် ၊ ကရင်ပြည်နယ် ဝန်ကြီးချုပ် ဒေါ်နန်းခင်ထွေးမြင့် ၊ ပြည်သူ့လွှတ်တော်ကိုယ်စားလှယ် ဦးစိန်ဗိုလ် ၊ ဒီမိုကရေစီအကျိုးပြု ကရင်အမျိုးသားရေးတပ်မတော်မှ စစ်ဦးစီးချုပ် ဗိုလ်ချုပ်ကြီး စောမူရှေး တို့က ဖဲကြိုးဖြတ်ဖွင့်လှစ်ပေးပြီး အမှတ်တရစုပေါင်းမှတ်တမ်းတင်ဓာတ်ပုံရိုက်ခဲ့ကြပါသည်။ ထို့နောက် အမျိုးသားလွှတ်တော်ဥက္ကဌ မန်းဝင်းခိုင်သန်း၊ ပြည်ထောင်စုဝန်ကြီး၊ ဝန်ကြီးချုပ်နှင့် ဧည့်သည်တော်များသည် မြဝတီ-ဝေါလေ ကွန်ကရစ်လမ်းသစ်အား ဖြတ်သန်းကြည့်ရှု စစ်ဆေးပြီး ဖွင့်ပွဲအခမ်းအနားကို အောင်မြင်စွာကျင်းပပြီးစီးခဲ့ပါသည်။
ယနေ့ဖွင့်လှစ်သည့် မြဝတီ-ဝေါလေလမ်းသည် (၄၄)မိုင် (၇)ဖာလုံ ရှည်လျားပြီး ယခင်က ကတ္တရာ(၁၂)မိုင်ခန့်သာ ရှိခဲ့ရာ ကျန်ရှိသည့် (၃၂)မိုင်(၇)ဖာလုံအား ၂၀၁၆-၂၀၁၇ ဘဏ္ဍာရေးနှစ်မှ စတင်ပြီး ၂၀၁၉-၂၀၂၀ ဘဏ္ဍာရေးနှစ်အထိ ပြည်နယ်ငွေလုံငွေရင်း ရန်ပုံငွေဖြင့် (၁၈)ပေအကျယ် ကွန်ကရစ်လမ်းသစ်အဖြစ် ဆောင်ရွက်ပေးခဲ့ခြင်းဖြစ်ပါသည်။ 
ယခုလို လမ်းပန်းဆက်သွယ်ရေးကောင်းမွန်လာသည့်အတွက် ဒေသဖွံ့ဖြိုးမှုနှင့်အတူ ငြိမ်းချမ်းရေးအသီးအပွင့်များ ရရှိခံစားလာရပြီး ၊ စီးပွားရေး၊ ပညာရေး၊ ကျန်းမာရေး ၊ လူမှုရေးတို့ အဖက်ဖက်မှ ဖွံ့ဖြိုးတိုးတက်လာမည်ဖြစ်ပါသည်။


ဂျပန်နိုင်ငံ၊ ဂျပန်အခြေခံအဆောက်အအုံ ပူးပေါင်းဆောင်ရွက်ရေးအဖွဲ့ (Japan Infrastructure Partners - JIP) သည် Non-Profit Organization အဖွဲ့တစ်ခုဖြစ်ပြီး ဂျပန်အစိုးရနှင့် ပြည်သူတို့၏ အသေးစားစီမံကိန်းများ ထောက်ပံ့ရေးအစီအစဉ်အရ ထောက်ပံ့ငွေဖြင့် အကောင်အထည်ဖော် ဆောင်ရွက်သည့် အဖွဲ့အစည်းဖြစ်ပြီး မြန်မာနိုင်ငံအတွင်းရှိ ကျေးလက်ဒေသများတွင် လိုအပ်လျက် ရှိသော ကွန်ကရစ်ငုပ်လျှိုးတံတား (Submersible Bridge) များကို တည်ဆောက်ပေးသည့် အဖွဲ့ ဖြစ်ပါသည်။ 
၂၀၁၆ခုနှစ်ကတည်းက စတင်ကာ ပဲခူးနှင့် မကွေး တိုင်းဒေသကြီးတို့တွင် သက်ဆိုင်ရာ တိုင်းဒေသကြီး အစိုးရအဖွဲ့များနှင့်ပူးပေါင်း၍ ရေကျော်တံတား (၇)စင်း တည်ဆောက်ပေးခဲ့ပြီး ဆောက်လုပ်ရေးဝန်ကြီးဌာနမှ ဝန်ထမ်းများအား နည်းပညာအကူအညီများ ပေးလျက်ရှိပါသည်။
ယခုအခါ ဂျပန်ယန်း သန်း(၇၀) အထောက်အပံ့ဖြင့် ကရင်ပြည်နယ်တွင် တံတား(၁)စင်း၊ စစ်ကိုင်းတိုင်းဒေသကြီးတွင် တံတား(၃)စင်း စုစုပေါင်း ငုပ်လျှိုးတံတား(၄)စင်း အား တည်ဆောက် ပေးသွားမည်ဖြစ်ပါသည်။ 
ငုပ်လျှိုးတံတား၏ တည်ဆောက်မှုပုံစံသည် သံကူကွန်ကရစ်ဖြင့် တစ်တွဲတစ်ဆက်တည်း ပူးတွဲတည်ဆောက်သည့် ပုံစံဖြစ်ပြီး ဒေသခံဆောက်လုပ်ရေးသမားများ အနေဖြင့် (ဘိုးလ်ပိုင်မှအပ) လွယ်ကူစွာ တည်ဆောက်နိုင်သည့်အပြင် များစွာခိုင်ခံ့ပြီး ထိန်းသိမ်းရေးလုပ်ငန်း ဆောင်ရွက်ရန် လွယ်ကူပါသည်။ တစ်နှစ်ပတ်လုံး ရေစီးဆင်းမှု မရှိဘဲ နှစ်စဉ် မိုးရာသီရောက်ချိန်မှ အခိုက်အတန့်သာ စီးဆင်းလျက် ရှိသည့်ချောင်းများ၌ တံတားကြီးများတည်ဆောက်ပါက ကုန်ကျစရိတ် များပြားမည်ဖြစ်သဖြင့် Submersible Bridge များ တည်ဆောက်ရန် ရည်ရွယ်ပါသည်။ ရေဖြတ်သန်း စီးဆင်းချိန်၌ တံတား ၏ လက်ရန်းများကို ဖြုတ်သိမ်းထားမည်ဖြစ်ပါ၍ ၎င်းတံတားအား တည်ဆောက်ပေးမည်ဆိုပါက ကျေးရွာများအား အကျိုးပြုမည်ဖြစ်သည့်အတွက် တံတားများ တည်ဆောက်အကောင်အထည်ဖော် နိုင်ရေးအတွက် ဆောက်လုပ်ရေးဝန်ကြီးဌာန၊ ကျေးလက်လမ်းဖွံ့ဖြိုးရေးဦးစီးဌာနမှ ညွှန်ကြားရေးမှူးချုပ် ဦးခင်သက်နှင့် ဂျပန်နိုင်ငံ၊ (Japan Infrastructure Partners – JIP) အဖွဲ့မှ Vice President ဖြစ်သူ ASAKURA Hajime တို့အကြား နားလည်မှုစာချွန်လွှာ (MoU) အား ၂၀၁၉ခုနှစ်၊ မေလ ၂၈ ရက်နေ့တွင် ကျေးလက်လမ်းဖွံ့ဖြိုးရေးဉီးစီးဌာန၊ အစည်းအဝေးခန်းမတွင် လက်မှတ်ရေးထိုးပွဲ ကျင်းပခဲ့ပါသည်။


ဆောက်လုပ်ရေးဝန်ကြီးဌာန ၊ e-Government အကောင်အထည်ဖော်ရေး ကော်မတီ၏ GIS Data Infrastructure ဆောင်ရွက်ခြင်းသင်တန်း အမှတ်စဉ် (၁/၂၀၁၉) ဖွင့်ပွဲ အခမ်းအနားကို (၂၄-၄-၂၀၁၉)ရက်၊ နံနက် (၁၀း၀၀)အချိန်တွင် နေပြည်တော် ၊ ဆောက်လုပ်ရေးဝန်ကြီးဌာန စုဝေးခန်းမ၌ ကျင်းပပြုလုပ်ရာ ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဟန်ဇော် ၊ ဒုတိယဝန်ကြီး ဦးကျော်လင်း ၊ အမြဲတမ်းအတွင်းဝန် ဦးဝင်းတင့် ၊ ဝန်ကြီးရုံး ၊ အဆောက်အဦ ဦးစီးဌာန ၊ လမ်းဦးစီးဌာန ၊ တံတားဦးစီးဌာန ၊ မြို့ပြနှင့်အိမ်ရာ ဖွံ့ဖြိုးရေးဦးစီးဌာန ၊ ကျေးလက်လမ်းဖွံ့ဖြိုးရေး ဦးစီးဌာနတို့မှ ညွှန်ကြားရေးမှူးချုပ်များ ၊ ဒုတိယညွှန်ကြားရေးမှူးချုပ်များ ၊ အင်ဂျင်နီယာချုပ်များ ၊ ညွှန်ကြားရေးမှူးများနှင့် သင်တန်းသား/ သင်တန်းသူများ တက်ရောက်ပါသည်။

အခမ်းအနားတွင် ဆောက်လုပ်ရေးဝန်ကြီးဌာန ၊ e-Government အကောင်အထည်ဖော်ရေး ကော်မတီ ဥက္ကဌ ၊ ပြည်ထောင်စုဝန်ကြီး ဦးဟန်ဇော် က အဖွင့်အမှာစကားပြောကြားရာတွင် အခု ဖွင့်လှစ်တဲ့ သင်တန်းသည် ဆောက်လုပ်ရေးဝန်ကြီးဌာနက စီမံခန့်ခွဲတဲ့ လမ်းကွန်ယက်များနဲ့ တံတားများစတဲ့ အခြေခံအဆောက်အဦတွေကို Digital စနစ်ကို အသုံးပြုတဲ့ မြေပြင်သတင်း အချက်အလက် (GIS)နည်းပညာကို အသုံးပြုပြီး Data Infrastructure အဖြစ် ပြောင်းလဲ ဆောင်ရွက်ဖို့အတွက် တိုင်းဒေသကြီးနှင့် ပြည်နယ် လမ်းဦးစီးဌာနများက သင်တန်းသားများကို ခေါ်ယူပြီး သင်ကြားပေးတဲ့ ပထမဆုံးသင်တန်း ဖြစ်ပါကြောင်း ၊ ဆောက်လုပ်ရေးဝန်ကြီးဌာနအနေနဲ့ နိုင်ငံတော်က ချမှတ်ပေးတဲ့ လမ်းစဉ်များအတိုင်း e-Government စနစ်တွေကို အကောင်အထည် ဖော်ဆောင်ရွက်လျက်ရှိရာမှာ Enterprise GIS စနစ်လည်း အဓိကအခန်းကဏ္ဍက ပါဝင်လျက် ရှိပါကြောင်း ၊ ဝန်ကြီးဌာန စီမံခန့်ခွဲမှု အောက်မှာရှိတဲ့ ကြီးမားကျယ်ပြန့်တဲ့ အခြေခံ အဆောက်အဦတွေကို GIS စနစ် အသုံးပြုပြီး မှတ်တမ်းအချက်အလက်များ ထိန်းသိမ်းခြင်း ၊ Monitoring and Management လုပ်ငန်းများ ဆောင်ရွက်ခြင်း ၊ အနာဂတ်စီမံကိန်းများကို ထည့်သွင်းလျာထားခြင်း သာမက Design နဲ့ 3D Model များ ၊ BIM စနစ်များ ၊ Analyse လုပ်ငန်းများကို GIS Infrastructure ပေါ်တွင် ချိတ်ဆက်ဆောင်ရွက်သွားနိုင်မှာ ဖြစ်ပါကြောင်း ၊ နိုင်ငံတကာမှာလည်း GIS စနစ်ကို National Level အဖွဲ့အစည်းများ စုစည်းပေါင်းစပ် အသုံးချမှုတွေ (NSDI – National Spatial Data Infrastructure ) နဲ့ Regional Level ဌာနများ ပေါင်းစပ်အသုံးချမှုတွေ (SDI – Spatial Data Infrastructure ) လုပ်နေကြပြီဖြစ်တာကြောင့် မြေပြင်မှာ လက်ရှိဖြစ်ပေါ်နေတဲ့ အခြေအနေများကို တိုက်ရိုက် စီမံခန့်ခွဲနိုင်တဲ့ အကျိုးကျေးဇူးများ ရရှိသလို မလိုလားအပ်တဲ့ ကုန်ကျစရိတ်များကို လျော့ကျစေတဲ့ အကျိုးထူးများကိုလည်း ရရှိမှာဖြစ်ပါကြောင်း ၊ ဒါ့အပြင် ဆက်စပ်ဌာနအချင်းချင်း မျှဝေသင့်သည့် GIS Data Infrastructure တွေကို မျှဝေခြင်းဖြင့်လည်း Project Conflict ဖြစ်ခြင်း ၊ Master Plan များ ရေးဆွဲရာတွင် ထိရောက်စွာ ညှိနှိုင်းပေါင်းစပ်နိုင်ခြင်းစတဲ့ ရလဒ်ကောင်းများကို ဖြစ်ပေါ်စေမှာဖြစ်ပါကြောင်း ၊ ဆောက်လုပ်ရေး ဝန်ကြီးဌာန အနေနဲ့ ဦးစီးဌာနအလိုက် GIS စနစ် သုံးစွဲမှုများ ရှိခဲ့ပေမဲ့ အဓိကအားဖြင့် Project Area အလိုက် မြေပုံများ ရေးဆွဲခြင်း ၊ Survey ဆောင်ရွက်ခြင်း ၊ အနာဂတ်မြို့ပြစီမံကိန်းများ ဆောင်ရွက်ခြင်းနဲ့ တည်နေရာများအား မှတ်တမ်းတင်ခြင်းစတဲ့ လုပ်ငန်းများတွင်သာ အသုံးပြုခဲ့ကြပါကြောင်း ၊ တိုးတက်လာတဲ့ ICT နည်းပညာကြောင့် GIS စနစ်ဟာလည်း User တစ်ဦးချင်းအလိုက် အသုံးပြုသည့် စနစ်မှ GIS Server များ ထူထောင်ပြီး သက်ဆိုင်ရာ ဌာနအဖွဲ့အစည်းများ စုစည်း ပေါင်းစပ်အသုံးပြုသည့်စနစ်သို့ ဆန်းသစ်လာခဲ့ပါကြောင်း ၊ အဲဒီ နည်းပညာဆိုင်ရာ အခွင့်အလမ်း သာမှုအပေါ် မူတည်ပြီး ဆောက်လုပ်ရေးဝန်ကြီးဌာနဟာ ပြီးခဲ့တဲ့နှစ်က စလို့ ဌာနပိုင် Enterprise GIS စနစ်ဘက်သို့ စတင် ကူးပြောင်းခဲ့ပါကြောင်း ၊ ယခုလို ကူးပြောင်းရာမှာ လိုအပ်တဲ့ Enterprise GIS Server စနစ်တွေ ၊ Physical Server တွေနဲ့ Data Collector တွေကို စုစည်းနိုင်ခဲ့တဲ့အပြင် အဓိက အကျဆုံးဖြစ်တဲ့ Human Resources အတွက် ဌာနတွင်းသင်တန်း (၃) ကြိမ်နဲ့ ပြည်ပသင်တန်း (၂) ကြိမ် စေလွှတ်ကာ ရုံးချုပ်က သင်တန်းသားများကို မွေးမြူလေ့ကျင့်ပေးခဲ့ပြီး Pilot Project များလည်း ဆောင်ရွက်ခဲ့ပါကြောင်း ၊ နိုင်ငံတကာအဆင့်မီ Enterprise GIS စနစ်နဲ့ လမ်းကွန်ယက်များကို စီမံခန့်ခွဲနိုင်ရန်နဲ့ SMART City စီမံခန့်ခွဲမှုများကို အထောက်အကူဖြစ်စေဖို့ ၊ အနာဂတ်မှာဆောင်ရွက်ရမဲ့ စီမံကိန်းများ ရဲ့ လုပ်ငန်းတိုးတက်မှုအခြေအနေ (Progress) များကို အချိန်နှင့်တစ်ပြေးညီ GIS စနစ်မှနေ၍ တိုက်ရိုက်စီမံခန့်ခွဲနိုင်ဖို့စတဲ့ ရည်မှန်းချက်များနဲ့ စတင် အကောင်အထည်ဖော်ရခြင်း ဖြစ်ပါကြောင်း ၊ အဓိကအခြေခံကျတဲ့ တစ်နိုင်ငံလုံးရှိ လမ်းကွန်ယက်တွေကို GIS စနစ်ပေါ်သို့ Accuracy တိကျစွာ ထည့်သွင်းနိုင်ရေးကို ပထမဦးစားပေးအနေနဲ့ ဆောင်ရွက်ရမှာဖြစ်တဲ့အတွက် ယခုသင်တန်းကို တိုင်း ဒေသကြီးနဲ့ ပြည်နယ် (၄)ခုက သင်တန်းသား (၆၂) ဦးနဲ့ ပထမအသုတ်အဖြစ် ဖွင့်လှစ်ရခြင်း ဖြစ်ပါ ကြောင်း ၊ နောက်ပိုင်းသင်တန်းများကိုလည်း ဆက်လက်ခေါ်ယူသွားမှာ ဖြစ်ပါကြောင်း ၊ GIS စနစ် ဟာ Satellite Map ၊ Terrain Map ၊ Transportation Map စတဲ့ Map Layer များကို အခြေခံပြီး သင်ကြားသွားမှာဖြစ်သလို ဌာနရဲ့ Enterprise GIS စနစ်မှာပါဝင်တဲ့ GIS Portal စနစ် ၊ Dashboard များနဲ့ စီမံခန့်ခွဲမှုစနစ်တွေကိုပါ လေ့လာရမှာ ဖြစ်ပါကြောင်း ၊ GPS Data Collector များအသုံးပြုကာ လက်တွေ့လေ့ကျင့်ရမှာ ဖြစ်တဲ့အတွက် သင်တန်းသားများအနေနဲ့ လွယ်ကူထိရောက်တဲ့ နည်းပညာ သစ်များကို စိတ်ပါဝင်စားစွာ သင်ယူလေ့လာနိုင်လိမ့်မယ်လို့ အပြည့်အဝ ယုံကြည်ပါကြောင်းဖြင့် ပြောကြားပါသည် ။
ထို့နောက် ဆောက်လုပ်ရေးဝန်ကြီးဌာန ၊ ဝန်ကြီးရုံးမှ e-Government အကောင်အထည် ဖော်ရေးလုပ်ငန်းအဖွဲ့ ၊ CIO ဦးရန်နောင် က Enterprise GIS ဆောင်ရွက်ခြင်းနှင့် ပတ်သက်၍ ရှင်းလင်းတင်ပြပြီး အခမ်းအနားကို အောင်မြင်စွာ ကျင်းပပြီးစီးခဲ့ပါသည် ။
ဖွင့်လှစ်သည့် GIS Data Infrastructure ဆောင်ရွက်ခြင်း သင်တန်းသည် ပထမဆုံး အကြိမ် စတင်ဖွင့်လှစ်ခြင်းဖြစ်ပြီး သင်တန်းသား/ သင်တန်းသူ (၇၅) ဦး တက်ရောက်ကာ သင်တန်း ကာလမှာ ရက်သတ္တ(၂)ပါတ် ကြာမြင့်မည် ဖြစ်ပါသည်။

အောက်ဖေါ်ပြပါ ကုမ္ပဏီ များသည် ပူးတွဲပါ ပြည်ထောင်စုဝန်ကြီးဌာနများ၊ တိုင်းဒေသကြီးနှင့်ပြည်နယ်အစိုးရအဖွဲ့များမှ အမည်မည်းစာရင်း (Black List)အဖြစ် ထည့်သွင်းသတ်မှတ်ထားသည့် ကုမ္မဏီများဖြစ်ပါကြောင်း အသိပေးကြေညာအပ်ပါသည်



 

ဆောက်လုပ်ရေးဝန်ကြီးဌာန ၊ ဒုတိယဝန်ကြီး ဦးကျော်လင်း သည် အဆောက်အဦဦးစီးဌာန ၊ ညွှန်ကြားရေးမှူးချုပ် ဦးသိန်းဇော် ၊ ဌာနဆိုင်ရာ တာဝန်ရှိသူများနှင့်အတူ အဆောက်အဦ အထူးအဖွဲ့(၂)က တာဝန်ယူ တည်ဆောက်နေသည့် နေပြည်တော်၊ အဂတိ လိုက်စားမှု တိုက်ဖျက်ရေးကော်မရှင်ရုံး လုပ်ငန်းခွင်အား ကြည့်ရှုစစ်ဆေး။ (၁၈-၄-၂၀၁၉)


ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော် သည် ဌာနဆိုင်ရာ တာဝန်ရှိသူများနှင့်အတူ (၂-၄-၂၀၁၉)ရက်နေ့ နံနက်ပိုင်းတွင် ပုသိမ် - ကံကုန်း - မြင်းကဆိပ် - မြောင်းမြ လမ်းကွန်ကရစ်ခင်းခြင်းလုပ်ငန်း ဆောင်ရွက်နေမှု အခြေအနေကို ကြည့်ရှုစစ်ဆေးပြီး တံတားဦးစီးဌာန အင်ဂျင်နီယာချုပ် ဦးကျော်လင်း က အဆိုပါလမ်းပေါ်ရှိ ပမ္မဝတီ ကြိုးတံတား (မြင်းကဆိပ်) ကြံ့ခိုင်ရေးဆောင်ရွက်ထားမှု အခြေအနေနှင့် ပက်သက်၍ ရှင်းလင်းတင်ပြမှုအပေါ် ပြည်ထောင်စုဝန်ကြီး က လုပ်ငန်းလိုအပ်ချက်များ လမ်းညွှန်မှာကြားပါသည်။ ပြည်ထောင်စုဝန်ကြီး နှင့်အဖွဲ့သည် ဝါးခယ်မ - မရမ်းချောင် - မြောင်းမြ လမ်းပေါ်တွင် တံတားဦးစီးဌာန၊ တည်ဆောက်ရေးအဖွဲ့(၂) က တာဝန်ယူဆောင်ရွက်သည့် ကြိုးတံတား အနီး တံတားအသစ် တည်ဆောက်နေမှု အခြေအနေနှင့် ပက်သက်၍ ရှင်းလင်းတင်ပြမှု အပေါ် လမ်းပန်းဆက်သွယ်မှု မပြတ်တောက်စေရေး လက်ရှိကြိုးတံတား အား ခံနိုင်ဝန် သတ်မှတ်ချက်အတိုင်း မော်တော်ယာဉ်ငယ်များ ဖြတ်သန်းခွင့်ပြုပြီး ကုန်တင်ယာဉ်များကို ဇက်ရေယာဉ်ဖြင့် ဖြတ်သန်းခွင့်ပြုရန် မှာကြားပါသည်။ ၄င်းနောက် ပြည်ထောင်စုဝန်ကြီးနှင့်အဖွဲ့သည် ပန်းတနော် - ရွှေလောင်း - ဝါးခယ်မ လမ်းပေါ်တွင် တံတားဦးစီးဌာန၊ တံတားအထူးအဖွဲ့(၁၅) က တာဝန်ယူဆောင်ရွက်သည့် ဝါးခယ်မ ကြိုးတံတား အဆင့်မြှင့်တင်ခြင်းလုပ်ငန်း စီမံကိန်းသို့ ရောက်ရှိရာ လုပ်ငန်းလိုအပ်ချက်များအား လမ်းညွှန်မှာကြားပြီး ဘိုးပိုင်လုပ်ငန်း ကြိုတင်ပြင်ဆင်နေမှု အခြေအနေများကို ကြည့်ရှုစစ်ဆေးပါသည်။ ဝါးခယ်မ ကြိုးတံတား ၏ ပင်မတံတားကြိုးဆိုင်းများ၊ ကြမ်းခင်းဘေလီများကို ဖြုတ်သိမ်းပြီးဖြစ်၍ ရေလယ်ဘိုးပိုင်လုပ်ငန်းများ ဆောင်ရွက်ရန် သံဆင်ခြင်း၊ Stand Pipe ချခြင်း လုပ်ငန်းများ ဆောင်ရွက်လျက် ရှိပါသည်။ ထို့နောက် ပန်းတနော် - ရွှေလောင်း - ဝါးခယ်မ လမ်းပေါ်ရှိ ရွှေလောင်းတံတား အဆင့်မြှင့်တင်ခြင်း လုပ်ငန်းခွင်သို့ ရောက်ရှိရာ လုပ်ငန်းဆောင်ရွက်နေမှု အခြေအနေများကို လည်းကောင်း၊ ဘိုကလေး - မော်လမြိုင်ကျွန်း - ကျုံမငေး - ဝါးခယ်မ - မြောင်းမြ လမ်းပေါ်ရှိ ကျွန်းပြဿဒ် တံတား၊ စော်ကဲ တံတား တည်ဆောက်နေမှု အခြေအနေကိုလည်းကောင်း၊ လမ်းကွန်ယက် ဖွံ့ဖြိုးတိုးတက်မှု စီမံကိန်းဝင် နာဂစ်လမ်းများ အခြေအနေကို လည်းကောင်း တာဝန်ရှိသူများက ရှင်းလင်းတင်ပြမှု အပေါ် ပြည်ထောင်စုဝန်ကြီး က တံတားအဆင့်မြှင့်တင်ခြင်း လုပ်ငန်းများ ဆောင်ရွက်နေစဉ်အတွင်း ခရီးသွားပြည်သူများ လမ်းပန်းဆက်သွယ်ရေး မပြတ်တောက်စေရန် ဝန်ကြီးဌာနနှင့် တိုင်းဒေသကြီး အစိုးရအဖွဲ့တို့မှ တာဝန်ရှိသူများ ပူးပေါင်းဆောင်ရွက်ရန် လမ်းညွှန်မှာကြားပြီး လုပ်ငန်းခွင်အတွင်း ကြည့်ရှုစစ်ဆေးပါသည်။


မြောင်းမြတံတားအသစ် ဖွင့်ပွဲအခမ်းအနားအား (၁-၄-၂၀၁၉)ရက် တနင်္လာနေ့ နံနက်ပိုင်းတွင် ကျင်းပပြုလုပ်ရာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နှင့် ပြည်ထောင်စုဝန်ကြီးများ၊ ဧရာဝတီတိုင်းဒေသကြီး ဝန်ကြီးချုပ်၊ ဆောက်လုပ်ရေး ဝန်ကြီးဌာနဒုတိယဝန်ကြီး၊ ဌာနဆိုင်ရာ တာဝန်ရှိသူများ၊ ဒေသဆိုင်ရာ လွှတ်တော် ကိုယ်စားလှယ်များ၊ ဖိတ်ကြားထားသည့် ဧည့်သည်များ၊ ဒေသခံ ပြည်သူများ တက်ရောက်ကြပါသည်။


မြောင်းမြ တံတား ဖွင့်ပွဲ ကြိုတင်ပြင်ဆင်မှု အခြေအနေများအား ဧရာဝတီတိုင်းဒေသကြီး၊ ဝန်ကြီးချုပ် နှင့် ဆောက်လုပ်ရေး ဝန်ကြီးဌာန ဒုတိယဝန်ကြီး ဦးကျော်လင်း၊ ဌာနဆိုင်ရာ တာဝန်ရှိသူများက ကြည့်ရှုစစ်ဆေး။ (၃၁-၃-၂၀၁၉)


လမ်းဦးစီးဌာန၊ အမြန်လမ်းမကြီး ထိန်းသိမ်းပြုပြင်ရေးနှင့် ကြီးကြပ်ရေးအဖွဲ့ က တာဝန်ယူဆောင်ရွက်လျက်ရှိသော ရန်ကုန် - မန္တလေး အမြန်လမ်းမကြီးတွင် ယာဉ်အန္တရာယ်/ လမ်းအန္တရာယ် ကင်းရှင်းစေရေးအတွက် (၈-၄-၂၀၁၉)ရက် တနင်္လာနေ့မှ စတင်၍ အမြန်လမ်းမကြီး ရဲတပ်ဖွဲ့၊ ကုန်းလမ်းပို့ဆောင်ရေး ညွှန်ကြားမှု ဦးစီးဌာန၊ လုပ်ငန်းလိုင်စင်နှင့် သယ်ယူပို့ဆောင်ရေး ကြီးကြပ်ညှိနှိုင်းမှုဌာန၊ အမြန်လမ်းမကြီး ထိန်းသိမ်းပြုပြင်ရေးနှင့် ကြီးကြပ်ရေးအဖွဲ့၊ မီးသတ်တပ်ဖွဲ့၊ ကြက်ခြေနီအဖွဲ့ တို့ ပူးပေါင်းပြီး အမှတ်(၃)လမ်းဆုံတိုးလ်ဂိတ်၊ နေပြည်တော် စီလမ်းဆုံ တိုးလ်ဂိတ်၊ စကားအင်း တိုးလ်ဂိတ် တို့တွင် အမြန်လမ်း အသုံးပြုယာဉ်များ၏ ကြံ့ခိုင်မှုများအား ပူးပေါင်းစစ်ဆေးခြင်းများ ဆောင်ရွက်သွားမည် ဖြစ်ပါကြောင်း အသိပေး ကြေညာအပ်ပါသည်။

အမြန်လမ်းမကြီး ထိန်းသိမ်းပြုပြင်ရေးနှင့် ကြီးကြပ်ရေးအဖွဲ့


Page 1 of 24

နေ့စဉ်သတင်းစာများရယူရန်

 

 

ဝန်ထမ်းဆိုင်ရာအသိပေးကြေငြာခြင်း