ဆောက်လုပ်ရေးဝန်ကြီးဌာန၏ ကြီးကြပ်လမ်းညွှန်မှုဖြင့် မက်(စ်)ဟိုက်ဝေး ကုမ္ပဏီ လီမိတက်မှ B.O.T စနစ်ဖြင့် တာဝန်ယူဆောင်ရွက်နေသည့် ရန်ကုန် - ပြည်လမ်း (မှော်ဘီ-တိုက်ကြီး အပိုင်း) (၄၈)ပေ (၄)လမ်းသွား ကတ္တရာကွန်ကရစ်လမ်း ဖွင့်ပွဲအခမ်းအနားကို (၁၀-၂-၂၀၁၈)ရက်နေ့ နံနက်(၀၈း၁၀)အချိန် ရန်ကုန်တိုင်းဒေသကြီး၊ တိုက်ကြီးမြို့နယ်၊ တာခွကျေးရွာအနီး မိုင်တိုင်အမှတ် (၄၃/၆)တွင် ကျင်းပပြုလုပ်ရာ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်၊ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း၊ ဆောက်လုပ်ရေးဝန်ကြီးဌာန ဒုတိယဝန်ကြီး ဦးကျော်လင်း၊ ရန်ကုန်တိုင်းဒေသကြီး အစိုးရအဖွဲ့ဝင် ဝန်ကြီးများ၊ လွှတ်တော်ကိုယ်စားလှယ်များ၊ ဌာနဆိုင်ရာ တာဝန်ရှိသူများ၊ Max Myanmar Co.,Ltd မှ ဥက္ကဌနှင့် တာဝန်ရှိသူများ၊ ဒေသခံပြည်သူများ၊ ဖိတ်ကြားထားသည့် ဧည့်သည်များ တက်ရောက်ကြပါသည်။ ရန်ကုန် - ပြည် - မကွေး လမ်းမကြီး အဆင့်မြှင့်တင်ခြင်း လုပ်ငန်းများအား မက်(စ်)ဟိုက်ဝေး ကုမ္ပဏီလီမိတက် သည် ဆောက်လုပ်ရေးဝန်ကြီးဌာန ၏ ကြီးကြပ်လမ်းညွှန်မှုနှင့်အညီ B.O.T စနစ်ဖြင့် ၂၀၁၆-၂၀၁၇ ဘဏ္ဍာနှစ်မှစတင်ကာ ဆောင်ရွက်ခဲ့ပြီး လုပ်ငန်းပထမအဆင့်အဖြစ် မိုင်တိုင်အမှတ် (၂၂/၃)မှ (၅၀/၀)ထိ (၂၇)မိုင်(၅)ဖာလုံ ရှည်လျားသည့် မှော်ဘီ-တိုက်ကြီး လမ်းပိုင်းအတွက် မူလ (၂၄)ပေအကျယ် ကတ္တရာလမ်းမှ (၄၈)ပေအကျယ် (၄)လမ်းသွား ကတ္တရာကွန်ကရစ် လမ်းမကြီးအဖြစ် တိုးချဲ့တည်ဆောက်ခဲ့ပါသည်။ ဆောက်လုပ်ရေးဝန်ကြီးဌာန က တိုင်းတာထားသော Geometric Design ကို အခြေခံကာ ချမှတ်ထားသည့် စံချိန်စံညွှန်းများနှင့်အညီ ဆောင်ရွက်ခဲ့ပြီး လမ်းအရည်အသွေး ကောင်းမွန်စေရန်နှင့် လမ်းအသုံးပြုသူများ အန္တရာယ်ကင်းရှင်းစွာ သွားလာနိုင်ရန် ရည်ရွယ်၍ ဂျပန်နိုင်ငံမှ အတွေ့အကြုံရင့် Nippon Koei ကုမ္ပဏီထံ Detailed Design အပ်နှံခဲ့ကာ တည်ဆောက်ပြီး လမ်းပိုင်းများကိုလည်း Design Control နှင့် Quality Control များကို စစ်ဆေးဆောင်ရွက်စေခဲ့ပါသည်။ စုစုပေါင်း (၃၀၈)မိုင်(၅)ဖာလုံ ရှည်လျားသော ရန်ကုန် - ပြည် - မကွေး လမ်းမကြီးသည် ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး တို့အား ဆက်သွယ်ထားကာ နိုင်ငံအတွက် အရေးပါဆုံးသော လမ်းမကြီးများထဲတွင် တစ်ခုအပါအဝင် ဖြစ်ပါသည်။


           ဒုတိယသမ္မတ ဦးဟင်နရီဗန်ထီးယူ သည် ဆောက်လုပ်ရေး ဝန်ကြီးဌာန၊ တံတားဦးစီးဌာန က တာဝန်ယူ တည်ဆောက်ခဲ့သည့် ဧရာဝတီတိုင်းဒေသကြီး၊ ဟင်္သာတခရိုင်၊ လေးမျက်နှာ - ခတ္တူ - ပန်းတောကြီး လမ်းပေါ်ရှိ ငဝန်တံတား (လေးမျက်နှာ) ဖွင့်ပွဲအခမ်းအနားသို့ (၃-၂-၂၀၁၉)ရက်နေ့ နံနက်ပိုင်းတွင် တက်ရောက်ပါသည်။ အခမ်းအနားသို့ ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေ၊ ဒေါက်တာဖေမြင့်၊ ဦးဟန်ဇော်၊ ဧရာဝတီတိုင်းဒေသကြီး ဝန်ကြီးချုပ် ဦးလှမိုးအောင်၊ တိုင်းဒေသကြီး လွှတ်တော်ဥက္ကဋ္ဌ ဦးအောင်ကျော်ခိုင်၊ ဒုတိယဝန်ကြီး ဦးလှကျော်၊ ဦးလှမော်ဦး၊ တိုင်းဒေသကြီး အစိုးရအဖွဲ့ဝင် ဝန်ကြီးများ၊ လွှတ်တော်ကိုယ်စားလှယ်များ၊ ဌာနဆိုင်ရာ တာဝန်ရှိသူများနှင့် ဒေသခံပြည်သူများ တက်ရောက်ကြပါသည်။ ရှေးဦးစွာ ဒုတိယသမ္မတ ဦးဟင်နရီဗန်ထီးယူ က အဖွင့်အမှာစကားပြောကြားရာတွင် ယနေ့သည် ဟင်္သာတခရိုင်၊ လေးမျက်နှာ - ခတ္တူ - ပန်းတော လမ်းပေါ်တွင်ရှိသည့် ငဝန်တံတား(လေးမျက်နှာ)ကို ဖွင့်လှစ်သည့်အတွက် ဧရာဝတီတိုင်းဒေသကြီးအတွက် ကျက်သရေ မင်္ဂလာအပါင်းနှင့် ပြည့်စုံသည့် နေ့ရက်ဖြစ်ပါကြောင်း။ ယင်းတံတားကို ဖွင့်လှစ်နိုင်ခဲ့၍ ဒေသခံများနှင့်ထပ်တူ ဝမ်းသာကြည်နူးရပါကြောင်း။ ပြည်ထောင်စုအစိုးရအဖွဲ့ သည် ပြည်သူလူထု၏ လူမှုစီးပွားဘဝ ဖွံ့ဖြိုး တိုးတက်ရေး တွင် အဓိက လိုအပ်ချက်တစ်ခု ဖြစ်သည့် လျှပ်စစ်ဓာတ်အားရရှိရေး၊ လမ်းပန်း ဆက်သွယ်မှု တိုးတက်ကောင်းမွန်စေရေး စသည့် အခြေခံ အဆောက်အဦပိုင်း ဖွံ့ဖြိုးတိုးတက်ရေး ကို အထူး အလေးပေး ဆောင်ရွက်ခဲ့ပါကြောင်း၊ ၂ဝ၁၈ ခုနှစ်အတွင်းက ရေးဆွဲထုတ်ပြန်ခဲ့သည့် မြန်မာနိုင်ငံ စဉ်ဆက်မပြတ် ဖွံ့ဖြိုးတိုးတက်ရေးစီမံချက် ၂ဝ၁၈ - ၂ဝ၃ဝ (Myanmar Sustainable Development Plan 2018-2030)တွင် သာယာဝပြောမှုနှင့် ပူးပေါင်းဆောင်ရွက်မှု ဆိုသည့် မဏ္ဍိုင်အောက်တွင် ရှိသော ပန်းတိုင်(၃)ပါ မဟာဗျူဟာများထဲတွင် စဉ်ဆက်မပြတ် ဖွံ့ဖြိုးမှုနှင့် စီးပွားရေးလုပ်ငန်း အမျိုးမျိုးကို ပံ့ပိုးပေးမည့် ဦးစားပေး အခြေခံအဆောက်အအုံများ တည်ဆောက်ရေး မဟာဗျူဟာ တစ်ရပ်အနေနှင့် ထည့်သွင်းရည်မှန်း ဆောင်ရွက်နေခြင်း ဖြစ်ပါကြောင်း၊ အခြေခံ အဆောက်အအုံများ အပါအဝင် မိမိတို့နိုင်ငံ ဖွံ့ဖြိုးတိုးတက်အောင် စီမံဆောင်ရွက်လျက်ရှိရာ အစိုးရသက်တမ်း (၃)နှစ် နီးပါး ကာလအတွင်း ပြည်ထောင်စုကြီး အတွင်းတွင် ရှိသည့် ပြည်နယ်နှင့် တိုင်းဒေသကြီးများ အားလုံး အချိုးညီညီ ဖွံ့ဖြိုးတိုးတက်စေရန် ကြိုးပမ်းဆောင်ရွက်ခဲ့ပါကြောင်း။ ဧရာဝတီတိုင်းဒေသကြီးသည် မြစ်ဝကျွန်းပေါ်ဒေသ ဖြစ်သည်နှင့်အညီ မြန်မာနိုင်ငံ၏ အဓိက စပါးကျီကြီး ဖြစ်ပါကြောင်း၊ မြစ်/ချောင်းများ ပေါများသည့်အတွက် စိုက်ပျိုးရေး ကောင်းမွန်သကဲ့သို့ ရေထွက်သယံဇာတများလည်း ပေါကြွယ်ဝလှကြောင်း၊ ထို့အပြင် ပြည်တွင်း/ပြည်ပ ခရီးသွားများကို ဆွဲဆောင်နိုင်သည့် သဘာဝအလှအပများ မပျက်စီးသေးသည့် ပင်လယ်ကမ်းခြေများ ရှိသကဲ့သို့ ကမ်းလွန်ပင်လယ်ပြင်တွင်လည်း သဘာဝဓာတ်ငွေ့ ကဲ့သို့ သဘာဝသယံဇာတများ ရှိကြောင်း။ ဧရာဝတီတိုင်းဒေသကြီးသည် မြစ်ချောင်းပေါများသည့် မြစ်ဝကျွန်းပေါ်ဒေသဖြစ်၍ ယခင်က ခရီးသွားလာရေးတွင် ရေလမ်းကြောင်းကိုပင် အဓိက အားပြုခဲ့ကြရကြောင်း၊ ရေလမ်းခရီးသည် အားလုံးသိကြသည့်အတိုင်း ပို့ဆောင်ရေးစနစ်များထဲတွင် ကုန်ကျစရိတ် အသက်သာဆုံး ဖြစ်သော်လည်း အချိန့်ကြန့်ကြာခြင်း၊ ဆိပ်ကမ်းနှင့် သွားလိုသည့်နေရာ အကွာအဝေး စသည့် ကန့်သတ်ချက်များ ရှိကြောင်း၊ အစိုးရအဆက်ဆက် ကုန်းလမ်း ဆက်သွယ်ရေးကွန်ရက်ကို ချဲ့ထွင်နိုင်ရန် ကြိုးစားဆောင်ရွက်ခဲ့ကြသည့် အတွက် ယခုဆိုလျှင် ဧရာဝတီတိုင်းဒေသကြီးအတွင်းနှင့် အခြားပြည်နယ်/တိုင်းများကို ရေလမ်းခရီးနှင့်သာမက ကုန်းလမ်းခရီးနှင့်ပါ အချိန်တိုအတွင်း ဆက်သွယ်သွားလာ နိုင်ကြပြီ ဖြစ်ကြောင်း။ ဧရာဝတီတိုင်းဒေသကြီး၏ မြို့တော် ပုသိမ်မြို့နှင့် ရန်ကုန်မြို့ကိုလည်း ခရီးသည်တင် လေကြောင်းလိုင်း ဖွင့်လှစ်ထားပြီဖြစ်၍ ပြည်တွင်း/ပြည်ပ ခရီးသွားဧည့်သည်များ ပိုမို အဆင်ပြေလွယ်ကူစွာ သွားလာနိုင်ပြီဖြစ်ကြောင်း။ ဧရာဝတီတိုင်းဒေသကြီး အတွင်းတွင် လမ်းမိုင်ပေါင်း ၁၈၆၂ မိုင် ဖောက်လုပ်ထားပြီး ပေ ၁၈ဝ နှင့်အထက် တံတားကြီး ၉၈ စင်း တည်ဆောက်ဖွင့်လှစ်ထားပြီး ဖြစ်ကြောင်း၊ ယနေ့ ဖွင့်လှစ်သည့် အရှည် ၁၉၆၈ ပေရှိသည့် ငဝန်တံတား(လေးမျက်နှာ)နှင့်ပါ ဆိုလျှင် ဧရာဝတီတိုင်းဒေသကြီး အတွင်းတွင် ပေ ၁၈ဝ နှင့်အထက် တံတား ၉၉ စင်း ရှိပြီ ဖြစ်ကြောင်း၊ တိုင်းဒေသကြီးအတွင်းရှိ ကြံ့ခိုင်မှု အားနည်းနေသည့် ကြိုးတံတားများ ဖြစ်သည့် ဝါးခယ်မတံတား၊ လပွတ္တာ (ပင်လယ်လေး)တံတား၊ ရွှေလောင်းတံတား၊ ကျွန်းကုန်းတံတားများကို ပြန်လည် အားဖြည့် တည်ဆောက်သွားမည် ဖြစ်ကြောင်း၊ မြောင်းမြတံတား အသစ်ကြီးလည်း မကြာမီ ပြီးစီးနိုင်မည်ဖြစ်၍ ၂ဝ၁၉ ခုနှစ်၊ ဧပြီလတွင် ဖွင့်လှစ်ပေးနိုင်မည်ဖြစ်ကြောင်း၊ တံတားကြီးများ ပြီးစီးသွား၍ ဧရာဝတီတိုင်းဒေသကြီး အတွင်း နေထိုင်ကြသည့် ပြည်သူများအနေဖြင့် သွားလမ်း လာလမ်းများ သာပြီး ကျန်းမာရေး၊ ပညာရေး၊ လူမှုရေး၊ စီးပွားရေး စသည်ဖြင့် ကဏ္ဍစုံအတွက် လူမှုဘဝများ ပိုမိုဖွံ့ဖြိုး တိုးတက်လာမည်ဖြစ်ကြောင်း။ ပြည်ထောင်စုအစိုးရအနေဖြင့် အခြေခံအဆောက်အဦဖွံ့ဖြိုးရေး လုပ်ငန်းများ ဆောင်ရွက်ရာတွင် ပြည်သူ့ဘဏ္ဍာငွေများကို အလေအလွင့်မရှိစေဘဲ အကျိုးအရှိဆုံးသုံးစွဲ နိုင်ရေးအတွက် စီမံကိန်းများသည် ဒေသအကျိုး၊ နိုင်ငံအကျိုးကိုထိထိရောက်ရောက် ပံ့ပိုးပေးနိုင်မည့် စီမံကိန်းများဖြစ်အောင်၊ ကုန်ရကျိုးနပ်သည့် ရင်းနှီးမြှပ်နှံမှုများဖြစ်အောင် ကြိုးစားဆောင်ရွက်နေကြောင်း၊ စီမံကိန်းလုပ်ငန်းများအတွက် ပြည်သူ့ဘဏ္ဍာငွေများ သုံးစွဲရာတွင် အလေအလွင့်မရှိရန်အတွက် ဒေသခံပြည်သူများ၊ သက်ဆိုင်ရာ တာဝန်ရှိသူ များအနေဖြင့် ပူးပေါင်းဆောင်ရွက်ပေးကြရန်၊ အခြေခံအဆောက်အဦများ ရေရှည်တည်တံ့ နိုင်အောင် ပြည်သူများဘက်ကလည်း ကြည့်ရှုစောင့်ရှောက်ပေးကြရန်၊ ကြပ်မတ်ထိန်း သိမ်းပေးကြရန်၊ အခြေခံအဆောက်အဦ တည်ဆောက်ရေး လုပ်ငန်းများ ဆောင်ရွက်ကြ ရာတွင်လည်း အရည်အသွေး စိစစ်ထိန်းသိမ်းရေး (Quality Control)ကို မဖြစ်မနေ ဆောင်ရွက်ကြရန် နိုင်ငံတော်သမ္မတကြီး ကလည်း တိုက်တွန်းမှာကြားထားပြီး ဖြစ်ကြောင်း။ ဒီမိုကရေစီ ပြုပြင်ပြောင်းလဲရေးကို ဆောင်ရွက်ရာတွင် ဒီမိုကရေစီစနစ်ကို ဖော်ဆောင်သည့် အုပ်ချုပ်ရေး ယန္တရားဖြစ်အောင် ကြိုးစားလုပ်ဆောင်နေကြောင်း၊ အုပ်ချုပ်ရေးပိုင်းတွင် အဆင့်ဆင့် တာဝန်ရှိသူများအနေဖြင့် ဥပဒေနှင့်အညီ တရားနည်းလမ်းတကျ မျှမျှတတ အုပ်ချုပ်ရန်၊ ပြည်သူများ၏ လွတ်လပ်မှုနှင့် လုံခြုံမှုကို အကာအကွယ်ပေးသည့် အုပ်ချုပ်ရေးစနစ် ဖြစ်ရန်၊ နိုင်ငံသူ နိုင်ငံသားများအပေါ် ဝန်ထုပ် ဝန်ပိုး ဖြစ်စေသည့်၊ ဖိနှိပ်ချုပ်ချယ်သည့် အုပ်ချုပ်ရေးယန္တရား မဖြစ်စေရန် နိုင်ငံတော် သမ္မတကြီး၏ လမ်းညွှန်မှာကြားချက်ကို ဝန်ထမ်းအဖွဲ့အစည်း အဆင့်ဆင့်အနေဖြင့် တိတိ ကျကျလိုက်နာ ဆောင်ရွက်ရန်လိုကြောင်း။ နိုင်ငံတော်အစိုးရအနေဖြင့် နိုင်ငံတော်၏ ကဏ္ဍပေါင်းစုံဖွံ့ဖြိုးရေးနှင့် ပြုပြင် ပြောင်းလဲရေး လုပ်ငန်းများကို ဆောင်ရွက်သည့်နေရာတွင် "ပြောင်းလဲချိန်တန်ပြီ"၊ "ပြည်သူနဲ့အတူ" ၊ "စုပေါင်းအင်အား" ဆိုသည့် ဆောင်ပုဒ်များနှင့်အညီ ဆောင်ရွက်ခဲ့ကြောင်း၊ ယင်းကဲ့သို့ ဆောင်ရွက်သည့် နေရာတွင် ပြည်သူလူထု၏ အပြည့်အဝပူးပေါင်း ပါဝင်ဆောင်ရွက်မှုရှိမှသာ ပြုပြင်ပြောင်းလဲမှုများ အောင်မြင်နိုင်မည်ဖြစ်၍ ဧရာဝတီတိုင်း ဒေသကြီးအတွင်းရှိ တိုင်းရင်းသားများနှင့် ဒေသခံပြည်သူများမှ ဆက်လက် ပူးပေါင်းဆောင်ရွက်ကြရန် အလေးအနက် တိုက်တွန်းလိုပါကြောင်း။ နိုင်ငံတော်ကြီး အဘက်ဘက်က တိုးတက်ဖွံ့ဖြိုးစေရန် ပြည်သူ့ဘဏ္ဍာ အများအပြား အကုန်အကျခံပြီး ရင်းနှီးမြှုပ်နှံထားသည့် လမ်း၊ တံတားများ အပါအဝင် အခြေခံအဆောက်အအုံများ အရည်အသွေး ပြည့်မီရန် သက်ဆိုင်ရာ တာဝန်ရှိသူများက တာဝန်ယူမှု၊ တာဝန်ခံမှု အပြည့်နှင့် ဆောင်ရွက်သွားရန် ပြောကြားလိုပါကြောင်း၊ အခြခံ အဆောက်အဦများ ရေရှည်တည်တံ့အောင် ဒေသခံ ပြည်သူများ ကလည်း ဝိုင်းဝန်း ထိန်းသိမ်း စောင့်ရှောက်ပေးစေ လိုပါကြောင်း၊ တိုင်းရင်းသား ညီအစ်ကိုမောင်နှမများ၏ လက်တွဲမဖြုတ်စတမ်း သွေးစည်းညီညွတ်မှု၊ ချစ်ကြည်ရင်းနှီးမှုများဖြင့် ငြိမ်းချမ်းသာယာဝပြော သည့် ဒီမိုကရေစီ ဖက်ဒရယ် ပြည်ထောင်စု နိုင်ငံတော်ကြီးကို တက်ညီလက်ညီ တည်ဆောက်သွားရန် ပြောကြားလိုပါကြောင်း ပြောကြားပါသည်။

           ထို့နောက် ဆောက်လုပ်ရေး ဝန်ကြီးဌာန ပြည်ထောင်စုဝန်ကြီး ဦးဟန်ဇော် က တံတားတည်ဆောက်ရခြင်းနှင့် ပတ်သက်၍ ရှင်းလင်းပြောကြားပါသည်။ ဆက်လက်၍ ဧရာဝတီတိုင်းဒေသကြီး ဝန်ကြီးချုပ် ဦးလှမိုးအောင် က ဒေသဖွံ့ဖြိုးရေး ဆောင်ရွက်ထားရှိမှု အခြေအနေများကို ရှင်းလင်းပြောကြားပါသည်။ ယင်းနောက် ဒေသခံ ပြည်သူတစ်ဦးက ငဝန်တံတား(လေးမျက်နှာ) တည်ဆောက်ပေးမှုနှင့် ပတ်သက်၍ ကျေးဇူးတင်စကား ပြောကြားသည်။ ထို့နောက် ပြည်ထောင်စုဝန်ကြီး ဦးဟန်ဇော်၊ ဝန်ကြီးချုပ် ဦးလှမိုးအောင်နှင့် တာဝန်ရှိသူများက ငဝန်တံတား (လေးမျက်နှာ) ကို ဖဲကြိုးဖြတ်ဖွင့်လှစ်ပေးပြီး ဒုတိယသမ္မတ ဦးဟင်နရီဗန်ထီးယူနှင့် တက်ရောက်လာသူများက စုပေါင်းမှတ်တမ်းတင် ဓာတ်ပုံရိုက်ပါသည်။ ဆက်လက်၍ ဒုတိယသမ္မတ ဦးဟင်နရီဗန်ထီးယူ က ငဝန်တံတား (လေးမျက်နှာ) ကမ္ပည်းမော်ကွန်း ကျောက်စာတိုင် ကို စက်ခလုတ်နှိပ် ဖွင့်လှစ်ပေးပြီး ဒုတိယသမ္မတနှင့် တက်ရောက်လာသူများက ကမ္ပည်းမော်ကွန်း ကျောက်စာတိုင် အား အမွှေးနံ့သာရည် ပက်ဖျန်းပေးပါသည်။ ယင်းနောက် ဒုတိယသမ္မတနှင့် အဖွဲ့သည် ငဝန်တံတား (လေးမျက်နှာ) ပေါ်သို့ ဖြတ်သန်း ကြည့်ရှု စစ်ဆေးပါသည်။ ထို့နောက် ဒုတိယသမ္မတ သည် ငဝန်တံတား (လေးမျက်နှာ) စီမံကိန်းရှင်းလင်းဆောင်သို့ ရောက်ရှိပြီး တံတားဦးစီးဌာန ဒုတိယညွန်ကြားရေးမှူးချုပ် ဦးခင်မောင်ဆွေ က ၂ဝ၁၈ - ၂ဝ၁၉ ဘဏ္ဍာနှစ်အတွင်း ဧရာဝတီ တိုင်းဒေသကြီး အတွင်း တည်ဆောက်ပြီး တံတား၊ တည်ဆောက်ဆဲ တံတားနှင့် ဆက်လက် အကောင်အထည်ဖော် ဆောင်ရွက်မည့် တံတားများနှင့် လမ်းကွန်ယက် ဖွံ့ဖြိုးတိုးတက်မှု အခြေအနေများကို ရှင်းလင်း တင်ပြပါသည်။ ငဝန်တံတား (လေးမျက်နှာ) သည် ဧရာဝတီတိုင်းဒေသကြီး ဟင်္သာတခရိုင်၊ လေးမျက်နှာ - ခတ္တူ - ပန်းတောကြီး လမ်းပေါ်တွင် တည်ရှိပြီး စုစုပေါင်းတံတား အရှည် ၁၉၆၈ ဒသမ ၆ ပေ ရှိပါသည်။ တံတားကို အောက်ခံ အုတ်မြစ် ၁ ဒသမ ၂ မီတာØ Bored Pile ၊ ကိုယ်ထည် RC Concrete ၊ အပေါ်ထည် ပင်မတံတား Steel Box Girder နှင့် RC Slab တို့ဖြင့် တည်ဆောက်ထားပြီး ယာဉ်သွားလမ်း အကျယ် ၂၄ ပေ ၊ လူသွားလမ်း တစ်ဖက်လျှင် ၃ ပေ ၆ လက်မစီ ပါရှိ၍ တံတားအောက် ရေလမ်းကင်းလွတ် အကျယ် ၁၇၃ ပေ၊ အမြင့် ပေ ၂ဝ ရှိကာ ယာဉ်တစ်စီးချင်း ခွင့်ပြုအလေးချိန်မှာ ၇၅ တန် ဖြစ်ပါသည်။ အဆိုပါတံတားကို ဆောက်လုပ်ရေး ဝန်ကြီးဌာန၊ တံတားဦးစီးဌာန၊ တံတားအထူးအဖွဲ့ (၁၆) က ၂ဝ၁၆ ခုနှစ်၊ နိုဝင်ဘာလ (၁၈)ရက်တွင် စတင်တည်ဆောက်ခဲ့ပြီး တံတားတည်ဆောက်ခြင်းဖြင့် ခတ္တူ - ပန်းတောကြီး လမ်းတစ်လျှောက်နှင့် လေးမျက်နှာမြို့ အနောက်ဘက်ခြမ်းဒေသရှိ ဒေသခံပြည်သူများ အနေဖြင့် မြို့နယ်အသီးသီးသို့ တံတားကြီးကို အသုံးပြုဖြတ်သန်း၍ ပညာရေး၊ ကျန်းမာရေးနှင့် ကုန်စည် ကူးသန်းရောင်းဝယ်မှု တို့ ကို ဆောင်ရွက်နိုင်တော့မည် ဖြစ်ပြီး လေးမျက်နှာမြို့ အရှေ့ဘက်ခြမ်းရှိ ဒေသခံပြည်သူများ သည်လည်း ငဝန်မြစ်အနောက်ဘက်ခြမ်းသို့ ရာသီမရွေး သွားလာနိုင်တော့မည် ဖြစ်ပါသည်။ မွန်းလွှဲပိုင်းတွင် ဒုတိယသမ္မတ ဦးဟင်နရီဗန်ထီးယူနှင့် အဖွဲ့သည် ဟင်္သာတခရိုင်၊ ဇလွန်မြို့နယ်၊ ဧရာဝတီ ဟင်္သာတတာ တာမိုင် ၂၂/၄-၂၄/ ဝ အတွင်း သဲကုန်း - ညောင်အိုင် ကမ်းပြို ကမ်းစားမှု အခြေအနေနှင့် ပန်းတာသစ် တည်ဆောက်မည့် နေရာသို့ သွားရောက် ကြည့်ရှုစစ်ဆေးပါသည်။ ရှေးဦးစွာ ဒုတိယသမ္မတ ဦးဟင်နရီဗန်ထီးယူ နှင့်အဖွဲ့အား ရှင်းလင်းဆောင်တွင် ဧရာဝတီတိုင်းဒေသကြီး ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာနမှ ညွန်ကြား ရေးမှူးဦးကြည်ဆွေက ကမ်းပြိုကမ်းစားဖြစ်ပေါ်မူကြောင့် မြစ်ကမ်းထိန်းသိမ်းရေး လုပ်ငန်း များ ဆောင်ရွက်၍ ကာကွယ်ခဲ့ရမှုအခြေအနေ၊ မြစ်ကမ်းပြိုမှုကြောင့် မူလ ကမ်းရင်း တာများ ကမ်းပြိုမှုတွင် ပါသွားခဲ့ပြီး တာသစ်ဆောက်၍ ကာကွယ်ခဲ့ရမှု အခြေ အနေ၊ ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ ညွန်ကြားရေးမှူးချုပ် ဦးထွန်းလွင်ဦး က ဇလွန်မြို့နယ် အိုးဖို - သဲကုန်း ကျေးရွာ ဆည်မြာင်းတာတမံအနီး ကမ်းထိန်းလုပ်ငန်း ဆောင်ရွက်နေမှုများ၊ စိုက်ပျိုးရေးဦးစီးဌာနမှ ညွန်ကြားရေးမှူးချုပ် ဒေါက်တာရဲတင့်ထွန်း က ဧရာဝတီတိုင်းဒေသကြီးအတွင်း ပြောင်းစိုက်ခင်းများတွင် ဖောငမြောင်တောင်ပိုး ကျရောက်မှုကြောင့် အပင်များ ပျက်စီးခဲ့ရပြီး စိုက်ပျိုးရေးဦးစီးဌာနမှ ပိုးသတ်ဆေးဖျန်းကာ ဆောင်ရွက်နေမှုအခြေအနေများကို ရှင်းလင်းတင်ပြ ကြပါသည်။ တင်ပြချက်များနှင့်ပတ်သက်၍ ဒုတိယသမ္မတက ဧရာဝတီ ဟင်္သာတတာ မြစ်ကမ်း တစ်နှစ်အတွင်း ကမ်းစားနှုန်းသည် တစ်နှစ်ထက် တစ်နှစ် ပိုမိုများပြား မြန်ဆန်လာပါကြောင်း၊ ကမ်းပြိုကမ်းစားမှု အခြေအနေအား ထိန်းသိမ်းနိုင်ရန် မြစ်ကမ်းထိန်းသိမ်းခြင်း လုပ်ငန်းအား ဆောင်ရွက်နေသကဲ့သို့ ရေနက်စီးကြောင်း နေရာများကို ဖြစ်ပေါ်စေသော မြစ်အတွင်းမှ တရားမဝင် ကျောက်စရစ်ခဲ ထုတ်လုပ်မှု မရှိစေရေး တိုင်းဒေသကြီး အစိုးရမှ ကြပ်မတ်ထိန်းသိမ်းဆောင်ရွက်သွားရန် နှင့် (သဲကုန်း - ညောင်အိုင်) ပန်းတာသစ် အား မိုးရာသီ မတိုင်မီ ပွင့်လင်းရာသီအတွင်း တည်ဆောက်နိုင်ရေး အတွက် စီမံဆောင်ရွက်သွားရန် ပြောကြားပါသည်။ 


မန္တလေးတိုင်းဒေသကြီး၊ ပြင်ဦးလွင်ခရိုင်၊ မန္တလေး - လားရှိုးလမ်းမကြီးဘေးရှိ မြေဧက(၁၀၀၀၀)ခန့်ပေါ်တွင် လူမှုစီးပွားရေး၊ မြို့ပြဖွံ့ဖြိုးရေးနှင့် သဘာဝပတ်ဝန်းကျင် ထိန်းသိမ်းရေးကို အခြေခံသော အပန်းဖြေဝန်ဆောင်မှုဖြစ်သည့် New Mandalay Resort City စီမံကိန်းနှင့် စပ်လျဉ်း၍ Feasibility Study ကို Surbana Jurong International Consultants Co.,Ltd မှ ရှင်းလင်းသည့် ညှိနှိုင်းဆွေးပွဲကို (၂၈-၁-၂၀၁၉)ရက် (၁၄း၀၀)အချိန် ဆောက်လုပ်ရေးဝန်ကြီးဌာန၊ အစည်းအဝေးခန်းမတွင် ကျင်းပပြုလုပ်ပါသည်။ အဆိုပါ အစည်းအဝေးသို့ စီမံကိန်းကြီးကြပ်မှုကော်မတီ ဥက္ကဌ၊ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော်၊ ကော်မတီဝင်များဖြစ်သည့် ပို့ဆောင်ရေးနှင့် ဆက်သွယ်ရေး ဝန်ကြီးဌာန ပြည်ထောင်စုဝန်ကြီး ဦးသန့်စင်မောင်၊ သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန ပြည်ထောင်စုဝန်ကြီး ဦးအုန်းဝင်း၊ လျှပ်စစ်နှင့်စွမ်းအင် ဝန်ကြီးဌာန ပြည်ထောင်စုဝန်ကြီး ဦးဝင်းခိုင်၊ စက်မှုဝန်ကြီးဌာန ပြည်ထောင်စုဝန်ကြီး ဦးခင်မောင်ချို၊ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီး၊ စီမံကိန်းနှင့်ဘဏ္ဍာရေး ဝန်ကြီးဌာန ပြည်ထောင်စုဝန်ကြီး ဦးစိုးဝင်း၊ ဟိုတယ်နှင့်ခရီးသွားလာရေး ဝန်ကြီးဌာန ပြည်ထောင်စုဝန်ကြီး ဦးအုန်းမောင်၊ မန္တလေးတိုင်းဒေသကြီး ဝန်ကြီးချုပ် ဒေါက်တာဇော်မြင့်မောင်၊ ဆောက်လုပ်ရေးဝန်ကြီးဌာန ဒုတိယဝန်ကြီး ဦးကျော်လင်း၊ ဌာနဆိုင်ရာ တာဝန်ရှိသူများ၊ ကုမ္ပဏီများမှ တာဝန်ရှိသူများ တက်ရောက်ကြပါသည်။


ဧရာဝတီ တိုင်းဒေသကြီး၊ မြောင်းမြ မြို့နယ်၊ လပွတ္တာ - မြောင်းမြ - အိမ်မဲ - ကျောင်းကုန်း - ကျုံပျော် လမ်း၊ ရွေးမြစ်ကို ဖြတ်ကျော်တည်ဆောက်ထားသည့် မြောင်းမြ တံတားသစ် သံပေါင်တင်၊ နောက်ဆုံးအစိတ်အပိုင်း တပ်ဆင်ခြင်း မင်္ဂလာအခမ်းအနားကို ၂၀၁၉ ခုနှစ် ဇန်နဝါရီလ ၁၃ ရက်၊ နံနက်(၀၇:၀၀)အချိန် တံတားတည်ဆောက်ရေး လုပ်ငန်းခွင် မြောင်းမြဘက်ကမ်း၌ ကျင်းပပြုလုပ်ပါသည်။ အဆိုပါ အခမ်းအနားသို့ ဆောက်လုပ်ရေး ဝန်ကြီးဌာန ပြည်ထောင်စုဝန်ကြီး ဦးဟန်ဇော်၊ ဧရာဝတီ တိုင်းဒေသကြီး အစိုးရအဖွဲ့ ဝန်ကြီးချုပ် ဦးလှမိုးအောင်၊ ဧရာဝတီ တိုင်းဒေသကြီး လွှတ်တော် ဥက္ကဌ ဦးအောင်ကျော်ခိုင်၊ ဆောက်လုပ်ရေး ဝန်ကြီးဌာန ဒုတိယဝန်ကြီး ဦးကျော်လင်း၊ တိုင်းဒေသကြီး အစိုးရအဖွဲ့ဝင်များ၊ လွှတ်တော်ကိုယ်စားလှယ်များ၊ ဌာနဆိုင်ရာ တာဝန်ရှိသူများ၊ ဒေသခံကြည်သူများ၊ ဖိတ်ကြားထားသည့် ဧည့်သည်များ တက်ရောက်ကြပါသည်။ ယခုတည်ဆောက်သည့် မြောင်းမြတံတားသစ် အား ဂျပန်နိုင်ငံ JFE ကုမ္ပဏီနှင့် ဆောက်လုပ်ရေး ဝန်ကြီးဌာနတို့ ဆက်စပ်ထူထောင်ထားသော J&M Steel Solution က အသေးစိတ်ဒီဇိုင်းရေးဆွဲ၍ သံပေါင်များ ထုတ်လုပ်ပေးပြီး ပင်မတံတားအပိုင်းအား ခေတ်မီနည်းပညာသစ် Steel Truss Deck Type အမျိုးအစားဖြင့် တည်ဆောက်ထားပါသည်။ တံတားဦးစီးဌာန၊ တည်ဆောက်ရေးအဖွဲ့(၁)က တာဝန်ယူ၍ သတ်မှတ်စံချိန်စံညွှန်းများနှင့်အညီ တည်ဆောက်ရေးလုပ်ငန်းများကို ၂၀၁၉ ခုနှစ် မတ်လ အကုန် အပြီးတည်ဆောက်မည်လျက်ရှိရာ မကြာမီကာလတွင် ဧရာဝတီ တိုင်းဒေသကြီးအတွင်း ခေတ်မီ ခန့်ညား ခိုင်ခံ့လှပသော တံတားတစ်စင်း ပေါ်ထွန်းလာတော့မည် ဖြစ်ပါသည်။


ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးဟန်ဇော် သည် ဌာနဆိုင်ရာ တာဝန်ရှိသူများနှင့်အတူ ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန် - မန္တလေး အမြန်လမ်းမကြီး ဝဲ/ယာ မိုင်တိုင်အမှတ် (၃/၀)နှင့် (၅/၄)ကြား Eco – Green City စီမံကိန်းသို့ ရောက်ရှိပါသည်။ စီမံကိန်းရှင်းလင်းဆောင်တွင် စီမံကိန်းဆောင်ရွက်မည့် အခြေအနေ၊ မျှော်မှန်းချက်၊ မြေအသုံးချမှု အစီအမံများအား တာဝန်ရှိသူများက ရှင်းလင်းတင်ပြမှု အပေါ် ပြည်ထောင်စုဝန်ကြီး က Eco – Green City စီမံကိန်းသည် မြန်မာနိုင်ငံ၏ စီးပွားရေးမြို့တော် ဖြစ်သည့် ရန်ကုန်မြို့အဝင်တွင် တည်ရှိသည့်အတွက် လုပ်ငန်းများ အမြန်ဆုံး အကောင်အထည်ဖော်ရန်၊ လုပ်ငန်းများ ဆောင်ရွက်ရာတွင် ဥပဒေ၊ စည်းမျဉ်း၊ စည်းကမ်းများနှင့်အညီ ဆောင်ရွက်ရန်တို့ကို လမ်းညွှန်မှာကြားပြီး စီမံကိန်းဧရိယာအတွင်း ကြည့်ရှုစစ်ဆေးပါသည်။ Eco – Green City စီမံကိန်းကို အပိုင်း(၃)ပိုင်း သတ်မှတ်ဆောင်ရွက်မည် ဖြစ်ပြီး စီမံကိန်းမျှော်မှန်းချက် အနေဖြင့် JICA ရေးဆွဲခဲ့သည့် Yangon Vision 2040 တွင် ပါဝင်သည့် အနာဂတ်မြို့သစ် စီမံကိန်း တစ်ခု အကောင်အထည်ဖော်ရန်၊ ဝင်ငွေနည်း ပြည်သူများအတွက် လိုအပ်သည့် အငှားအိမ်ရာများ၊ တန်ဖိုးနည်း အိမ်ရာများ ဖြည့်ဆည်းပေးနိုင်ရန်နှင့် ဒေသခံပြည်သူများ အလုပ်အကိုင် အခွင့်အလမ်းများ ရရှိကာ လူမှုဘဝ မြင့်မားလာစေရန် မျှော်မှန်းဆောင်ရွက်ခြင်း ဖြစ်ပါသည်။ ထို့နောက် ပြည်ထောင်စုဝန်ကြီးနှင့် အဖွဲ့သည် ရန်ကုန် - မန္တလေး အမြန်လမ်း (ရန်ကုန် - နေပြည်တော် အပိုင်း) ပြုပြင်ထိန်းသိမ်းထားရှိမှု အခြေအနေကို လည်းကောင်း၊ မိုင်တိုင်အမှတ် (၃၇/၁)ရှိ စစ်ပင်ဆိပ်တံတား (အသွား/အပြန်)၏ တံတားတိုင်များ ရေတိုက်စားမှုအား ကာကွယ်ထိန်းသိမ်းခြင်း လုပ်ငန်းများ ဆောင်ရွက်နေမှု အခြေအနေကို လည်းကောင်း ကြည့်ရှုစစ်ဆေးပြီး တံတားများ ရေရှည် တည်တံ့ခိုင်မြဲရေးအတွက် အမြဲမပြတ် စစ်ဆေးရန် တာဝန်ရှိသူများအား မှာကြားပါသည်။ တံတားဦးစီးဌာန၊ တံတားဆောက်လုပ်ရေး စီမံကိန်း အထူးအဖွဲ့(၉) က မိုင်တိုင်အမှတ် (၁၄၅/၀)ရှိ ခပေါင်းတံတား အား Pilot Canal တူးဖော်ခြင်း၊ ကမ်းပြိုကာကွယ်ခြင်းနှင့် တံတား အထက်/အောက် ကမ်းထိန်းလုပ်ငန်းများ ဆောင်ရွက်နေမှု အခြေအနေ၊ တံတား တည်ဆောက်ရေးအဖွဲ့(၃) က မိုင်တိုင်အမှတ် (၁၆၅/၁)ရှိ ဆွာချောင်းတံတား ရေတိုက်စား၍ Settlement ဖြစ်သွားသော Pier No. 5, 6, 7 တို့အား Bored Pile တူး၊ အားဖြည့်ခြင်း၊ နိမ့်ဆင်းသွားသော ကြမ်းခင်းနှင့် ယက်မများကို ပြန်လည် မြှင့်တင်ခြင်းလုပ်ငန်းများ ဆောင်ရွက်နေမှု အခြေအနေတို့ကို ကြည့်ရှုစစ်ဆေးပြီး တာဝန်ရှိသူများအား လုပ်ငန်းလိုအပ်ချက်များ လမ်းညွှန်မှာကြားပါသည်။ (၆-၁-၂၀၁၉)


ရှမ်းပြည်နယ်(တောင်ပိုင်း) ရွှေညောင် - ရပ်စောက် - အင်တော - ကျောက်ဂူ - နောင်ချို လမ်းအဆင့်မြှင့်တင်ခြင်း လုပ်ငန်းအား တောင်ကြီးခရိုင်၊ လမ်းဦးစီးဌာနက ဆောင်ရွက်နေမှု အခြေအနေများကို ဆောက်လုပ်ရေးဝန်ကြီးဌာန၊ အမြဲတမ်းအတွင်းဝန် နှင့် တာဝန်ရှိသူများက ကြည့်ရှုစစ်ဆေး။ (၆-၁-၂၀၁၉)


တံတားဦးစီးဌာန၊ တည်ဆောက်ရေးအဖွဲ့(၁) က တာဝန်ယူ ဆောင်ရွက်သော လပွတ္တာ(ပင်လယ်လေး)တံတား အဆင့်မြှင့်တင် တည်ဆောက်ခြင်းလုပ်ငန်း၏ ပင်မတံတား ဘေလီသံပေါင်များ ဖြုတ်သိမ်းခြင်းလုပ်ငန်းတွင် စုစုပေါင်းအရှည် (၆၀၀ ပေ) ရှိသည့်အနက် လပွတ္တာဘက်ကမ်းတွင် (၂၆၀ပေ)၊ မြောင်းမြဘက်ကမ်းတွင် (၂၄၀ ပေ) ဖြုတ်သိမ်းပြီးစီးပြီးဖြစ်ကာ တည်ဆောက်ရေး လုပ်ငန်းများအား အင်ဂျင်နီယာများ၊ ကျွမ်းကျင်လုပ်သားများဖြင့် စနစ်တကျ ဆက်လက်ဆောင်ရွက်မည် ဖြစ်ပါသည်။


Page 1 of 23

နေ့စဉ်သတင်းစာများရယူရန်

 

 

ဝန်ထမ်းဆိုင်ရာအသိပေးကြေငြာခြင်း