ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဟန်ဇော် သည် ရှမ်းပြည်နယ်၊ လမ်းပန်းဆက်သွယ်ရေးဝန်ကြီး ဦးခွန်ရဲထွေး၊ ဌာနဆိုင်ရာ တာဝန်ရှိသူများနှင့်အတူ (၃-၁၂-၂၀၁၉)ရက်နေ့ နံနက်ပိုင်းတွင် တာချီလိတ်- တာလေ- ပါလျှိုး- ကျိုင်းလတ်လမ်း အခြေအနေကို လမ်းတစ်လျှောက် ကြည့်ရှုစစ်ဆေးပါသည်။

ထို့နောက် နှစ်နိုင်ငံချစ်ကြည်ရင်းနှီးမှု၊ လမ်းပန်းဆက်သွယ်ရေးကဏ္ဍ ဖွံ့ဖြိုးတိုးတက်ရေးနှင့် ကုန်စည်စီးဆင်းမှု မြန်ဆန်ရေးအတွက် အဓိက ကျသည့် မြန်မာ-လာအို ချစ်ကြည်ရေး မဲခေါင်မြစ်ကူးတံတား မြန်မာဘက်ကမ်းသို့ ရောက်ရှိပြီး BCF အခြေအနေကိုလည်းကောင်း ၊ တံတားကြီး တည်ဆောက်မှုနှင့် ပတ်သက်၍ ရှင်းလင်းတင်ပြမှုအပေါ် ပြည်ထောင်စုဝန်ကြီးက လုပ်ငန်းလိုအပ်ချက်များ လမ်းညွှန်မှာကြားပြီး တံတားကြီးအခြေအနေကို ကြည့်ရှုစစ်ဆေးပါသည်။

၎င်းနောက် တာလေမြို့ရှောင်လမ်း လုပ်ငန်းခွင်သို့ရောက်ရှိပြီး ယာယီရှင်းလင်းဆောင်တွင် ရှမ်းပြည်နယ်(အရှေ့ပိုင်း) ညွှန်ကြားရေးမှူးက အရှည်(၁၃.၁၈၁)ကီလိုမီတာ မြို့ရှောင်လမ်း ဖောက်လုပ်မှု အခြေအနေ ၊ မြန်မာ-လာအို နှစ်နိုင်ငံ ကုန်စည်ပို့ဆောင်ရာတွင် မော်တော်ယာဉ်ကြီးများ သွားလာမှု လွယ်ကူအဆင်ပြေစေရေးနှင့် မြို့ရှောင်လမ်းဖောက်လုပ်သည့်အတွက် ဖြစ်ပေါ်လာမည့် အကျိုးကျေးဇူးများ၊ လမ်းဖောက်လုပ်ရာတွင် မလွတ်ကင်းသည့်မြေယာများ လျော်ကြေးပေးချေမှု တို့နှင့်စပ်လျဉ်း၍ ရှင်းလင်းတင်ပြမှုအပေါ် ပြည်ထောင်စုဝန်ကြီးက လုပ်ငန်းလိုအပ်ချက်များ လမ်းညွှန်မှာကြားပြီး မြေကြီးလုပ်ငန်း ဆောင်ရွက်ထားရှိမှုနှင့် အဆိုပါလမ်းပေါ်တွင် တည်ဆောက်မည့် တံတားလျာထားနေရာကို ကြည့်ရှုစစ်ဆေးပါသည်။

ဆက်လက်၍ သော်တာဝင်း ဆောက်လုပ်ရေးကုမ္ပဏီမှ B.O.T စနစ်ဖြင့် ဆောင်ရွက်သော တာလေ - မိုင်းဖြတ် - ကျိုင်းတုံလမ်း အခြေအနေကို လမ်းတစ်လျှောက် ကြည့်ရှုစစ်ဆေးပါသည်။ ညနေပိုင်းတွင် ကျိုင်းတုံခရိုင်၊ ကျိုင်းတုံမြို့နယ်၊ ကျိုင်းတုံ-လေယာဉ်ကွင်း လမ်းပေါ်တွင် တံတားအထူးအဖွဲ့(၁၂)က လက်ရှိတံတားဟောင်းအား တိုးချဲ့တည်ဆောက်ခြင်းလုပ်ငန်းခွင်သို့ ရောက်ရှိရာ တည်ဆောက်ရေးတာဝန်ခံ အင်ဂျင်နီယာ က လုပ်ငန်းများ ဆောင်ရွက်ထားရှိမှုနှင့် ပတ်သက်၍ ရှင်းလင်းတင်ပြရာ ပြည်ထောင်စုဝန်ကြီးက တည်ဆောက်ရေး လုပ်ငန်းများ သတ်မှတ်အချိန်မီပြီးစီးရေးနှင့် အရည်အသွေးပြည့်မီရေး စနစ်တကျ ဆောင်ရွက်ရန် မှာကြားပြီး လုပ်ငန်းခွင်အတွင်း ကြည့်ရှုစစ်ဆေးပါသည်။

ကျိုင်းတုံ - လေယာဉ်ကွင်းလမ်းပေါ်ရှိ တံတားအမှတ်(၂/၃)သည် ယခင်တံတားဟောင်းအား တိုးချဲ့တည်ဆောက်ခြင်းဖြစ်ပြီး အရှည်(၁၀၀)ပေ၊ အမျိုးအစားမှာ အပေါ်ထည် သံကူကွန်ကရစ် ယက်မနှင့် သံကူကွန်ကရစ်ကြမ်းခင်း၊ အောက်ထပ်သံကူကွန်ကရစ်နှင့် အုတ်မြစ်ကို (၆) ပေ Ø Spun Pipe ဖြင့် တည်ဆောက်ထားပြီး တံတား၏ခံနိုင်ဝန်မှာ ယာဉ်တစ်စီးချင်း(၇၅)တန် ဖြစ်ပါသည်။


ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီး ဦးဟန်ဇော် သည် ဌာနဆိုင်ရာ တာဝန်ရှိသူများနှင့်အတူ (၁-၁၂-၂၀၁၉)ရက် နံနက်ပိုင်းတွင် ကျိုင်းတုံ - မိုင်းခွန် - မိုင်းခုတ်လမ်း (၀)ကီလိုမီတာမှ (၄၇.၇)ကီလိုမီတာအထိ လမ်းဦးစီးဌာန၊ ကျိုင်းတုံခရိုင်မှ ကတ္တရာခင်းခြင်း၊ ကွန်ကရစ်ခင်းခြင်း၊ ကျောက်စီမြေထိန်းနံရံနှင့် ရေမြောင်းများ ဆောင်ရွက်ထားရှိမှုတို့ကို လမ်းတစ်လျှောက် ကြည့်ရှုစစ်ဆေးပြီး တာဝန်ရှိသူများအား လုပ်ငန်းလိုအပ်ချက်များ မှာကြားပါသည် ။ ထို့နောက် ကျိုင်းတုံ - မိုင်းခုတ် - မိုင်းဆတ်လမ်း (၄၇.၇)ကီလိုမီတာမှ (၁၁၅.၉၇၃)ကီလိုမီတာအထိ မိုင်းဆတ်ခရိုင်မှ လမ်းချဲ့ခြင်း ၊ ကွန်ကရစ်ခင်းခြင်း ၊ ကတ္တရာခင်းခြင်းလုပ်ငန်းများ အပိုင်းလိုက်ဆောင်ရွက်ထားရှိမှု အခြေအနေကို ကြည့်ရှုစစ်ဆေးပြီး မိုင်းလု သို့ ရောက်ရှိပါသည်။ လမ်းစခန်းရှင်းလင်းဆောင်တွင် လမ်းဦးစီးဌာန တာဝန်ရှိသူများက ရှမ်းပြည်နယ်(အရှေ့ပိုင်း)ရှိ လမ်းအခြေအနေ၊ ပြောင်းလဲသတ်မှတ်လိုသော လမ်းအခြေအနေ တို့နှင့်ပတ်သက်၍ ရှင်းလင်းတင်ပြရာ ပြည်နယ်လမ်းပန်းဆက်သွယ်ရေးဝန်ကြီး ဦးခွန်ရဲထွေးက ဖြည့်စွက်ရှင်းလင်းတင်ပြပါသည် ။ တင်ပြချက်များအပေါ် ပြည်ထောင်စုဝန်ကြီးက ခရိုင်အလိုက် လမ်းများသတ်သတ်မှတ်မှတ် ရှိစေရန်နှင့် လုပ်ငန်းဆောင်ရွက်ရာတွင် အဆင်ပြေစေရေးအတွက် ပြည်နယ်အစိုးရအဖွဲ့နှင့် ညှိနှိုင်း ဆောင်ရွက်ရန်မှာကြားပြီး လမ်းတစ်လျှောက် လမ်းချဲ့ခြင်း ၊ ကွန်ကရစ်ခင်းခြင်းနှင့် ကတ္တရာလမ်း အခြေအနေတို့ကို ကြည့်ရှုစစ်ဆေးပါသည် ။ နေ့လည်ပိုင်းတွင် မိုင်းဆတ်မြို့သို့ ရောက်ရှိပြီး ရှမ်းပြည်နယ်၊ မြို့ပြနှင့်အိမ်ရာ ဖွံ့ဖြိုးရေးဦးစီးဌာန၊ ညွှန်ကြားရေးမှူး ဦးထွန်းအောင်ကျော် က မိုင်းဆတ်မြို့တွင် ၄ ခန်းတွဲ ၄ ထပ် စုပေါင်းဝန်ထမ်းအိမ်ရာ ဆောက်လုပ်ပြီးစီးမှုနှင့်ပတ်သက်၍ ရှင်းလင်းတင်ပြရာ တည်ဆောက်ရေးလုပ်ငန်းများ လက်ရာသေသပ် ကောင်းမွန်စေရန်နှင့် အရည်အသွေးကောင်းရန် လမ်းညွှန်မှာကြားကာ တည်ဆောက်ပြီး စုပေါင်းဝန်ထမ်းအိမ်ရာတို့ကို ကြည့်ရှုစစ်ဆေးခဲ့ပါသည် ။ ၄င်းနောက် မွန်းလွဲပိုင်းတွင် မိုင်းဆတ်ခရိုင်မှ ဆောင်ရွက်သော မိုင်းဆတ် - မိုင်းတုံ ကတ္တရာလမ်း အခြေအနေကို ကြည့်ရှုစစ်ဆေးပြီး တံတားဉီးစီးဌာန၊ တံတားအထူးအဖွဲ့(၁၂) တာဝန်ရှိသူက နမ့်စန်-မိုးနဲ-တာဆန်း-မိုင်းတုံ-မိုင်းဆတ်လမ်း ကီလိုမီတာ(၂၅၀ နှင့် ၂၅၁)ကြားရှိ တံတားဟောင်း ကျိုးကျပျက်စီးသွားသဖြင့် တစ်လမ်းမောင်း ဘေလီတံတား ယာယီအစားထိုး ဆောင်ရွက်ထားရှိမှု၊ နှစ်လမ်းမောင်း ကွန်ကရစ်တံတားသစ် တည်ဆောက်မည့် အခြေအနေတို့နှင့် ပတ်သက်၍ ရှင်းလင်းတင်ပြရာ လုပ်ငန်းလိုအပ်ချက်များ လမ်းညွှန်မှာကြားပြီး တံတားဟောင်း ကျိုးကျနေမှု၊ လက်ရှိ ယာယီဘေလီတံတား ကြံ့ခိုင်မှုနှင့် အသစ်တည်ဆောက်မည့် လျာထားနေရာတို့ကို ကြည့်ရှုစစ်ဆေးခဲ့ပါသည်။


Page 1 of 89

နေ့စဉ်သတင်းစာများရယူရန်

 

 

ဝန်ထမ်းဆိုင်ရာအသိပေးကြေငြာခြင်း