ဂုတ်တွင်းတံတား ဘေလီထိုးခြင်း

ဆောက်လုပ်ရေးဝန်ကြီးဌာန ဒုတိယဝန်ကြီး နှင့်အဖွဲ့သည် ယနေ့ (၁၈-၈-၂၀၁၉)ရက်နေ့ ညနေ (၁၇:၃၀)နာရီအချိန်တွင် ဂုတ်တွင်း ဘေလီတံတား တည်ဆောက်ခြင်း လုပ်ငန်းခွင်သို့  လာရောက် ကြည့်ရှုအားပေးပါသည်။ တည်ဆောက်ရေးလုပ်ငန်းခွင် တွင် ရှမ်းပြည်နယ် အစိုးရအဖွဲ့ဝင် ဝန်ကြီးများ ၊ ဆောက်လုပ်ရေးဝန်ကြီးဌာန အမြဲတမ်းအတွင်းဝန် ၊ တံတားဦးစီးဌာန ညွှန်ကြားရေးမှူးချုပ် ၊ ဒု ညွှန်ကြားရေးမှူးချုပ် ၊ အင်ဂျင်နီယာချုပ်များ ၊ လမ်းဦးစီးဌာန ဒုညွှန်ကြားရေးမှူးချုပ် ၊ အင်ဂျင်နီယာချုပ်များ၊ ရှမ်းပြည်နယ် ၊ လမ်းဦးစီးဌာန ၊ အင်ဂျင်နီယာများက တည်ဆောက်ရေးဆိုင်ရာ လုပ်ငန်းများအား ရှင်းလင်းတင်ပြကြပါသည် ။ ဆောက်လုပ်ရေးဝန်ကြီးဌာန ဒုတိယဝန်ကြီး နှင့် အဖွဲ့သည် ပျက်စီးသွားသော ဂုတ်တွင်းတံတား အခြေအနေနှင့် အသစ်ပြန်လည် တည်ဆောက်မည့် နှစ်လမ်းသွား သံကူကွန်ကရစ်တံတား တည်ဆောက်မည့် လျာထားနေရာများကို ကြည့်ရှုစစ်ဆေးပါသည် ။ ထို့နောက် အရှည်(၂၁၀)ပေ (၃)လွှာ တစ်ထပ် နှစ်လမ်းသွား သံဘောင်ဘေလီတံတား တည်ဆောက်ခြင်း လုပ်ငန်းအား အင်ဂျင်နီယာများနှင့် ကျွမ်းကျင်လုပ်သားများက နေ့/ည အဆိုင်းဖြင့် ဆောင်ရွက်နေမှုကို ကြည့်ရှုအားပေးပြီး လုပ်ငန်းလိုအပ်ချက်များအား ညှိနှိုင်းဖြည့်ဆည်းပေးခဲ့ပါသည် ။

နေ့စဉ်သတင်းစာများရယူရန်